快食

網誌日期：2008-02-23 01:07

尋日去超市入貨,買左好多粉粉麵麵,墨魚丸,八爪魚丸,瑞士雞翼,有時夜左返又無野食,可以煮d快速食物,好似尋晚咁,好肚餓,即刻煮左個一丁麵,一邊煮一邊叮瑞士雞翼,加埋瑞士汁做撈麵,快趣又幾好味,間中食吓都OK,始終食得即食麵多唔係咁健康,仲好易肥添!

Cafe Balencia

網誌日期：2008-03-21 00:17

今日去左旺角新世紀,好少去個邊,唔係咁就腳,原先想買Bobbie Brown 新嗰隻唇膏,試完揀好顏色點知無貨!個sales姐姐話可以幫我留,問我會唔會下個禮拜過開黎,我諗唔會,不過佢都比左張地址咭我,或者下星期先去買啦.

响BB過d有間餐廳 Cafe Balencia, 有麵包賣,睇落唔錯,又多人買,我揀左兩個,一個係藍啤梨朱古力高洛芙,好似半個戚風蛋糕加左d朱古力醬响切口度,再加左d糖霜响面,另一個係香橙芝士忌廉包,成片橙响面,好似好香甜咁,留番聽日做早餐,睇吓好唔好食先!

Cafe Balencia

網誌日期：2008-03-21 00:17

今日去左旺角新世紀,好少去個邊,唔係咁就腳,原先想買Bobbie Brown 新嗰隻唇膏,試完揀好顏色點知無貨!個sales姐姐話可以幫我留,問我會唔會下個禮拜過開黎,我諗唔會,不過佢都比左張地址咭我,或者下星期先去買啦.

响BB過d有間餐廳 Cafe Balencia, 有麵包賣,睇落唔錯,又多人買,我揀左兩個,一個係藍啤梨朱古力高洛芙,好似半個戚風蛋糕加左d朱古力醬响切口度,再加左d糖霜响面,另一個係香橙芝士忌廉包,成片橙响面,好似好香甜咁,留番聽日做早餐,睇吓好唔好食先!

Edmond's Wedding

網誌日期：2008-03-18 00:08

等左成年,終於等到呢日17/3/2008,大家心情都好緊張,尤其係Henry,我地約埋一齊响中環等,見到Winson我好意外,見到Danny佢仍然係不停講電話,細傑就着得好靚tim.

去到酒樓好快見到Alan, Ceci, 我地即刻上台影相,今日佢地擺左38圍,好多人,好開心,間酒樓既裝修好有歐洲feel,d菜都唔錯,我都係第一次去飲有原隻鮑魚食,雖然細細隻,都算食得豪,我睇佢地d movie時就好感動..............新娘子好靚,成晚換左三條裙,全部都好靚,成晚都無人玩新郎新娘,可能親戚較多,d朋友又知佢地翌日要飛去日本度蜜月,所以無玩佢地,加上上菜慢,攪到佢地成晚都好得閒,雖然係咁,不過有Alan 呢個口水佬坐响我隔離又點會悶呢!我好開心呀!

鴕鳥蛋

網誌日期：2008-03-17 00:27

傷風左個幾禮拜仍未完全清晒,仲有小小流鼻水,都唔敢唔着褸,因為早晚都凍凍地,今日去超市買水餃,見到有鴕鳥蛋賣,要成$399一個,好巨型,唔知咁大隻有無人買?買左又會唔會整黎食呢?聽講係可以煮黎食架,唔知好唔好食?



上星期買左本旅遊書,介紹日本仙台,好有興趣去,不過依家d Yen 好高,成77,太貴喇!睇怕有排都唔跌啦!遲d先諗lu!

媽媽的生日

網誌日期：2008-03-13 00:57

昨天是媽媽的生日,我們一家人去了食鮑魚,可能病了幾天,都沒有甚麽胃口,食了小小已覺得飽,還有點想嘔.......可是到了甜品又不同了,先吃了個壽包,又熱又大個,之後吃心形士多啤梨果凍,不過無乜味咁,總之無士多啤梨味!之後吃水果,那些西瓜好甜,飯後和姊姊一起坐車,忽然覺得她老了..........!

No country for old men

網誌日期：2008-03-12 00:47

這電影拍得不錯,故事都幾特別,雖然結局有點不明白,不過套戲都好緊張,個主角既痴線又打極唔死,撞車撞到手骨都露出來,仲可以若無奇事咁走!又誇張左d.

The Bucket list

網誌日期：2008-03-08 00:13



呢套戲無乜宣傳,單係睇戲名同兩個演員,已經好想睇,Morgan Freeman既戲都有睇過好多套,Jack Nicolson 比較少睇,套戲講兩個時日無多既病人,一個富商,一個修理汽車,由陌生人變成好友,一齊坐言起行,用剩餘既時間做自已一直想做既野,當然,一個係富商,要實踐夢想也較易,成套戲有笑有淚,對白幽默抵死,令我想到,如果有一天知道自己的死期,會否像他們一樣,寫一份Bucket list,然後逐一實現呢?戲中的Jack Nicolson最喜歡飲一種叫Kopi Luwak 的咖啡,它是全球最貴的咖啡,早前飲食男女也介紹過,當他知道這咖啡的由來,也實現了他們Bucket list 內的"Laugh until cry"!

10,000 BC

網誌日期：2008-03-08 00:04

比預期差,諗住會好多特技效果,原來差不多响預告睇晒,隻大老虎都係出過2次,大部份時間都係d族人响荒山野嶺行行行........走走走..........都幾悶,個主子神神秘秘,點知不堪一擊,死左都睇唔到個樣,夠晒神秘,其實呢個題材可以拍得豐富d既,依家都幾失望!

病

網誌日期：2008-03-07 00:33

今日起身好病,冷親.....傷風感冒.......頭暈暈....... 之前响Fancl買左d粥就煲熱黎食,都幾多料,食完粥再食藥,就好左d,好想打乞嗤........係咁包雲吞,本來聽日去BBQ睇怕都去唔成 !

Juno 少女孕記

網誌日期：2008-03-02 00:41

尋日去睇左Juno少女孕記,入場既多數係女學生,她們吱吱喳喳令成間影院好熱閙,套戲好美國青春片既style, 對白較粗俗,不過令d學生好有共鳴,個男仔主角傻更更,女主角粗魯任性,大了肚又不想打掉胎兒,一心把孩子生出來便送給別人,產後也不去嬰兒房看他一眼,又繼續以前的生活,好像甚麽事都沒有發生過,恐怕會令那些看戲的學生們,像她一樣不理後果,以為生個孩子是很容易和隨便的事!

Jean-Paul Hevin Chocolatier

網誌日期：2008-02-29 23:37

昨天經過這朱古力店,人頭湧湧,小小的店站滿了人,又有記者在做訪問拍照,好不熱鬧,我看到一些小小的 marcaroon,每個賣$15,還是下次才試,晚上見到雜誌介紹這店,店主是法國人,已有三十年的經驗,又說店裏沒有白朱古力賣(又好似真係唔見有白朱古力),我見店有些不同濃度的朱古力,亦有朱古力珠(像珍寶珠),還有朱古力醬,我諗用來塗多士應該不錯,下星期試吓再同大家分享吧!

鼎泰豐

網誌日期：2008-02-28 23:33

上星期睇雜誌話台灣鼎泰豐响香港開店,經常聽人講佢地d小籠包好食,所以好多人,今日去開尖沙咀,見到個牌先諗起去試吓,下午時間係落場時間,要五點半先開,我五點四個字去到,已有十多人在等,我見間鋪都唔細,以前係酒樓,都唔怕無位,我諗七點後會爆滿,一坐低即刻叫左小籠包($42/6pc.蟹粉小籠包$60/6pc.聽講原味好食d所以叫左原味)同擔擔麵,小籠包都好味,細細個,一籠唔多夠食,個擔擔麵幾好食,佢無乜湯有d似吃撈麵,總括來說,是會再去的,可以試試佢地其它大包,麵食等,果度d店員好有禮貌,好多女仔都係講國語,服務很好,可以取代翡翠lo.

24.7

網誌日期：2008-02-20 01:38

持續了24.7天的寒冷警告才結束了一天,今天好像又凍了!這24.7天好難頂!
電視在播放沈殿霞的回顧節目,不知是多久前的節日,卻驚見初出道的徐子琪,那時真不太起眼,現在的樣子也真是福氣得多,那時羅文,梅豔芳仍在生............有時看這些節目,見到主持和嘉賓講懷念和感受,不知何時自己當"主角"!

南瓜露

網誌日期：2008-01-14

前兩日Sandy 响波仔買左碗南瓜露比我試,好大碗(2人份是)不過幾好味喎,佢話好平,我又唔記得幾$$,下次買d返屋企儲糧先.
呢幾日個blog好靜咋,好似無乜人寫blog, 可能呢排平平淡淡無乜特別事發生掛,我都一樣無所事事!

我眼睛想旅行

網誌日期：2008-01-11

很久很久沒有去旅行,身心都很疲累,腦裏想起黎明首歌"woo...oo....我眼睛想旅行!"

早陣子見blog友去完泰國返來寫既blog好吸引,咁啱高偉上個月去完泰國返來又讚不絕口,又話好relax,好爽咁,之前其實都plan左三月同高偉阿孫去日本,依家阿雯同Howard又叫我去日本,我又想去泰國...........去邊好???.........同邊個去好???????.........兩度都去????........$$$$$$$$...........????????
唔諗住,下個月先算,我買左兩本旅遊書睇吓先,之前去日本自遊行用個本"東京旅遊全攻略"好實用,成日見佢好快賣晒新版,今日見佢出左08-09年版,買本update吓先.

今日都好忙,去左先達幫家姐買左2部NDS,攞埋相機去整,跟住去媽媽屋企食飯,再去旺角買DVD,CD,book....etc, 夜晚去飲滿月酒.......tired!!!!!!!!

QB House

網誌日期：2008-01-07

成日見到呢間QB House 既牌,唔知有無人去過呢間QB House剪髮呢?見佢好似好特別,仲話10分鐘剪個髮,又好似好環保咁!我見佢係由日本引入,有個日本web site,可能係做學生生意,唔使洗頭吹頭就好快同好平掛!好似以前d飛髮檔咁,不過唔知剪得好唔好呢?

新電話

網誌日期：2008-01-05



上個禮拜終於都換左部電話,係我鐘意既Motorola, 之前想買V8,但係無插咭,出左V9就啱晒我要求,仲有好多野送!配埋條水晶手機繩都好襯,不過個機袋就唔係咁靚!

遲來的聖誕禮物

網誌日期：2008-02-17 00:31

前幾日先收到亞孫送比我嗰份聖誕禮物,係一件睡衣,好得意,佢係件連身連帽即抓毛睡衣,包保由頭到暖到落腳,真係有衝動着住黎影相!
今日同細傑去左大圍食宵夜,講返以前d攪笑野,佢成日話自己老....(才27歲>.>"),但係仲係成日顧住打機.......講講吓......Edmond都就黎結婚,佢會去北海道函館度蜜月,我仲諗緊好唔好叫佢幫我去Fancl買野,响日本買平好多,不過d Yen都好高吓......3月17日....我要請假去飲先得!

Happy new year !

網誌日期：2008-01-03

Happy new year to all of you!

這陣子忙透了,很疲累!

今天更是累極.......先是一早去開會,非常眼瞓..到下午take 左個break, 買左杯咖啡之後成班去左McCafe,我食左件芝士餅,又飲多杯咖啡!

開完會趕返屋企換衫,去Party,約左Eric佢地一齊去,去到join埋阿雯一齊坐,成晚食左好少野,因為顧住玩,個個都玩得好high, Eric 仲飲醉左,我嗌到聲都沙晒!不過成晚都玩得好開心!我仲抽到獎,有幾佰蚊Coupon!!!!走時我陪阿雯去新世界中心等巴士,嗰到d裝飾都好靚!

交換禮物

網誌日期：2007-12-28

尋日去左沙田BBQ,同場仲有阿孫佢地,雖然唔分開坐,不過佢地人多,好多時都太迫,所以都會過黎我地呢邊燒野食,我一去到見到Paula就坐埋一齊傾計傾左好耐!我地講起阿天响平安夜求婚成功,9月結婚,又講起佢地依家既工作氣氛,都幾感觸!

佢地d野食"正"過我地好多,有好多海鮮,大大隻花蝦,花蛤,我都"癡"左d,我成晚燒左幾轉雞翼,但係食得2隻,因為比亞孫食晒!而阿Ling就成晚四圍"餵"我地食野!

食完野就玩交換禮物,我抽到Flora買既叮噹公仔,佢自己好鐘意個公仔因為個公仔會有音樂同埋會郁既,我都覺得好得意,我同Flora去BBQ之前去左尖咀shopping買抽獎禮物,過程都好辛苦!!!我地Target係LV銀包加一份平d既獎品,去到LV好多好多人!!!大排長龍!!於是去左Gucci,無咁多人排隊,入到去其實都好多人吓,好辛苦先買到一個銀包,我地實在太辛苦,又累又熱又口渴,於是去左Starbuck 坐,一齊share左份波菜雞肉卷,飲左杯鮮奶綠茶,坐左陣,我帶Flora買Agnes b朱古力,佢唔知Agnes b有朱古力賣,佢話不如買盒做抽獎禮物,因為有一款禮盒裝入面有條鍊,我又買左一盒之前買過既朱古力,個sales 姐姐送左本記事簿比我,好開心!跟住我地無乜時間,唯有匆匆忙忙咁買左隻手錶算喇,嗰幾個鐘同Flora不停傾計,都同佢幾好傾.

牛肉蘑菇批

網誌日期：2007-12-21



今朝想食個豐富d既早餐,叫左個牛肉蘑菇批,同coffee, 味道麻麻地,一早起身食肉,感覺唔係幾好,平日只係食bread, 食完個口好唔知點咁,就好似起身唔擦牙咁,好唔自在!

食完早餐出來撞見Paula,佢作感冒,把聲"聞"晒,佢好似Vincent 咁,猛話辛苦,我都好想同佢地食飯傾吓計,睇吓下星期可唔可以啦!

過幾日就聖誕節,好似無乜氣氛,人越成長越感受不到節日氣氛咁!

絹蛋

16/12/2007

尋日佢地買左蛋糕預祝阿勛今日生日,個蛋糕係楊枝金露,味道唔錯,最重要係心意,不過佢地team 人,都係怪怪地,一時面左左,一時鬼咁friend, 真係唔知呢d係咪叫真我個性!

我夜晚响超市買左pack日本雞蛋,盒面有個絹字,叫做Japan Kinu (きぬ) egg,我當佢叫絹蛋,這蛋有白蛋和啡蛋,我選了啡蛋,盒面寫住呢d蛋既維他命D,E比一般蛋高,d雞用嚴選既安全飼料養既..............我烚左兩試吓,蛋身比較細隻,蛋黃比較橙紅色質地無咁實,蛋白比一般蛋滑,味道好少少,下次買白蛋試吓先!唔知用黎整蛋糕得唔得呢?

今日姐夫又買左部單反機,萬幾蚊!!!羨慕ing.......!我都想有,but too expensive 啦!

石頭窩飯

日期：2007-12-14 00:05

尋晚同米奇SMS,佢對自己的决定感到迷網,我給了他一點建議,希望能幫到他,始終無法插手佢地既事,好無奈!

今日同高偉同埋阿坤食晏,見到Vincent,佢即刻喊晒口咁話好慘,唉!都係果句,有心無力,做野實會有argue,有時大家退一步,就會海闊天空.........!

食飯時高偉講起佢月初去左一趟泰國,佢話玩到唔想返來,消費低,又relax !加埋blog 友講緊佢最近去泰國既樂事,令我心思思想下個月去玩,睇吓點先啦,問吓阿雯或者阿孫有冇興趣先!而阿坤就話佢會入ICAC做,佢都算叻仔!

夜晚响H&M買左件褸,行咁多次都係第一次買野,可能今日出街無着褸,好似好凍咁,試上身覺得好暖,又襯着緊個件衫喎,就買左佢啦!跟住食飯時叫左個石頭窩飯,食到成身汗,暖晒!

無聊的一天

7/12/2007

成個禮拜都有d悶!

今日想揾亞孫食晏,但係佢行唔開,我就去左旺角食野,順便去朗豪坊買野,我去左食麵,又去許留山飲野,我行行吓去左冒險樂園玩,玩玩吓部機壞左..........咁我就走左去西武Shisedo買落妝水,打底霜,同toner, 然後就走,好無聊咁!

上個星期响Log-On買左兩對耳環,一款係貓,一款係馬騮,之前買過一款係馬黎,不過唔小心比我整唔見左,唔知點解,好鐘意呢個款!

今日家姐打比我,話出年搬屋,都好既,我覺得佢住緊間屋風水麻麻地!

Be My Valentine

網誌日期：2008-02-15 00:52

情人節快樂!!!

祝大家情人節快樂,同你愛既人一齊開心過,不論是家人,朋友,愛人!
今日响街都見好多人攞住花,依家d花好貴,都有好多人買朱古力,所以見到Godiva排晒長龍,男士們都攞住一盒盒朱古力排到出門外,仲想話買朱古力食tim!好在上個星期收左盒朱古力,咁就有得食!

年初二

網誌日期：2008-02-09 00:08

今日年初二,一家人去食開年飯,去到酒樓,d侍應姐姐輪住黎拜年,不過佢地都好識做,送柑比我地,又加大左甜品份量,今餐都係食點心為主,亦有炒麵同炒飯,好快飽!
食完飯去左朗豪坊行吓,諗住好多shop會唔開,點知九成都有開,果度佈置得好靚,好多老鼠仔,好得意.我去H&M行,見出晒春裝,睇啱左幾件,要排隊試衫,仲多人過平時,不過試既多,買既少,見試完話唔啱既有好多,收銀處又無人比錢!我就試啱左3件,原本想遲d買,不過驚遲吓無size,我買左一紅一綠,好少買呢d色,不過春天應該鮮色d,仲有件灰色無size!!最近都幾鐘意去H&M,貪佢地d衫幾trendy又多size!
跟住去左IPSA買粉底,上次試過覺得唔錯,今日就試啱顏色就買,再去L'OCCITANE睇玫瑰系列既保濕噴霧,個味都OK,之前佢地隻Hand cream陣味太濃好刺鼻,今次試埋body lotion就唔錯,都last到好耐.

Kung Hei Fat Choy

網誌日期：2008-02-07 00:35

恭賀新禧!祝大家身體健康,萬事如意!
昨晚同成班同事食團年飯,我地去左沙田嚼江南,我地開左2支紅酒,叫左個套餐,有火朣雞燉翅,小籠包,蝦仁,元蹄等等,味道都OK,不過唔係咁抵食,d餸好細碟,食埋甜品都唔係咁飽!食完飯响新城市行街,諗住買鞋買唔到,行左好多間,一係唔啱心水,一係無size!我係大腳板,都好難買鞋!



今日同屋企人團年,我去左又一城睇吓有無之前睇啱無size嗰款鞋,都係無!不過揾到第二款,咁就買左喇!响商場見有人表演中國舞,都幾好睇.响商場入面都好熱吓,可能好多鋪頭都關左冷氣,行到我身水身汗,買完野就去左家姐屋企做節,今晚食盤菜!好飽呢!

鮑魚

網誌日期：2008-02-01 00:16

今日好忙,先去旺角買野然後去銀行,再落銅鑼灣,諗住買罐頭鮑魚比阿媽同家姐,之前睇雜誌介紹同比較過,話阿一鮑魚既罐頭鮑魚都OK抵食,所以去Sogo買,去到Sogo好多人,我先約家姐去5/F間UCC度tea,我地叫左法式多士同coffee,坐左陣就去Chanel買化粧品,見張poster個model個粧顏色好靚,深藍色既甲油好靚,比黑色好睇d,之前家姐已經想買,但係無人得閒理我地,今次終於都買到.買完化妝品就去超市買野,我試食左華麗園既年糕,都幾好味,不過貴左d,或者下星期先買啦!