岡田咖啡

食完烏冬行過少少就係岡田咖啡，兩間都係板前個集團，去到呢邊好靜，連理我地得兩枱客，可能過左午饍時間吧！

因為食左烏冬，唔太肚餓，只係叫甜品食，甜品既選擇唔太多，主要係咖啡，有多款選擇，我地叫左招牌岡田咖啡試試，都唔錯，香得來唔會有苦味，較為mild，蛋糕有三四款，我地叫左一件士多啤梨蛋糕同蕃薯栗子蛋糕，另外再一人一個牛奶布甸，個士多啤梨蛋糕係呢間店既重點推介，所以試吓，蛋糕部份好軟綿，忌廉唔太甜，不過士多啤梨又少又細粒，蕃薯栗子蛋糕都係小甜，好啱我食，之前去北海道食過好好味既薰衣草牛奶布甸，而家食呢個布甸當然差少少，不過都好滑，只係奶味無咁濃，都好食既！

幸福窩天輪 Everybody's fine

網誌日期：2010-01-29 02:00

這電影令我有好深感受！唔係套戲好唔好睇，而係故事內容！

故事內容講述男主角羅拔迪尼路係一個獨居老人，在妻子去世後八個月的第一個聖誕前，相約好四個居住不同地方的子女回來相叙，他為子女們預備一切，他們却一一表示因忙不能到來！他年輕時為了養家，日做夜做，不單只與子女關係疏離，亦因為從前的工作做架空電話線外層的PVC，而得了肺纖維化，即使身體狀况不宜長途跋涉，他亦决定去探他的子女，他先到紐約揾細仔David，卻等了一日一夜都不見他回來，他便轉找他的女兒，見見外孫，但女兒表示丈夫和兒子要外出幾天，而不能讓他留在她的家，他便轉往找另一兒子，兒子表示要出trip而不能陪他，他最後去細女住的拉斯維加斯，這次他自己表示要回家不留低，事實是他沒有葯食，而必須回去見醫生，而且他知道子女們都有事隱暪他，他從細微的地方，略略猜測到當中的問題，在回家途上，他在飛機上心臟病發送了去醫院，子女們終於都到齊了，獨欠細仔David,此時各人道出事實真相........！

故事道出一個家庭裏，父親為生活而工作，不能陪伴子女成長，子女都與母親較親近，他們成長後，都有自己的經歷和生活，只會報喜不報憂，他甚至不知女兒生了BB，不知兒子吸毒，不知道自己對他們的期望是壓力，直到太太去世後才能真正與他們溝通，事實真相雖然痛苦，但令他們關係拉近了。

BLT steak

網誌日期：2010-01-28 00:03

一路以為呢間 BLT有Dry aged steak,原來係無！上次去 Stone grill 既時候已經想轉去 BLT,終於要今次先試到，門口個menu已經唔見介紹 dry age都諗吓好唔好去食第二間，不過訂左枱，又諗唔到食乜好，都係照食啦！

入到去想坐外面，望住個海同埋國金食飯都唔錯，但係無哂位，坐裏面就比較嘈吵左d，一坐低就比左張好似快餐店既A4紙我地，上面除左menu仲有安格斯牛肉chart, 跟住就有兩個幾大個既包，叫做Popovers,個包上面仲有張紙教你點樣自己整呢個包，呢個包都幾好味，上面有d芝士，裏面其實空心，因為個包發得好大，跟住再有幾片三文魚，食完個包都飽飽地！

我地叫左兩杯紅酒，兩塊排，雖然兩塊排唔同，但係食落差不多，原本想食甜品，不過選擇唔多啱，都係比較美式既蛋糕，最終都無食到就走！

自家烏冬

網誌日期：2010-01-23 00:49


尋日去左尖沙咀行街街，約左 Flora 响重慶地庫活方等，因為target左去自家烏冬試吓，去到正値午飯時間，不過等一陣就有位，我地只係叫左一凍一熱既烏冬，同埋兩隻蛋，個menu選擇唔太多，主要都係天婦羅，有天婦羅野菜，蕃薯，矮瓜之類，都係主要幾類天婦羅配熱或凍既烏冬，我地叫左個野菜掛烏冬，掛烏冬係類似撈麵咁，碗烏冬本身暖暖地，加d汁食，另外叫左個黑豚肉鍋，清清地都好味！我地唔食咁飽，要留返個肚食甜品！

柏納大師奇幻Show

網誌日期：2010-01-23 00:45



柏納大師奇幻Show 故事講述活了幾千年的柏納大師為觀眾帶來奇幻表演，卻背負著一個黑暗詛咒，幾千年前他與魔鬼打賭，結果柏納大師贏了，並得到了永生。幾百年後，柏納大師遇上他一生摰愛，他決定跟魔鬼再來一場交易：用永生換取再一次青春，唯一條件是將來他的兒女16歲時，就要交給魔鬼。轉眼間，他的女兒華倫天娜快到16歲，此時，一個失憶的新秘男子出現，華倫天娜夾在這個男子和與她一同成長的男子之間...............柏納大師為了改變女兒的命運，再一次與魔鬼打賭，誰能先獲得5個人的靈魂，誰就可以得到華倫天娜。柏納大師許諾任何人如能為他贏得賭注，那人就可以娶華倫天娜為妻........。

套戲有d似大魚奇緣，一段奇幻旅程，戲入面有多個男星演出，戲份好少，唔知係咪男主角希夫烈格去世，而揾左呢幾個人做，如果唔係有佢地，我諗無人會去睇，戲中柏納大師年老後才永生，都幾慘，我地話如果後生年輕力壯就唔同喇！

Carpaccio

網誌日期：2010-01-21 23:28

上個星期去 isquare睇戲時，去左果度間Carpaccio食飯，呢間係意大利菜館，booking 都好full，我地早去，都可以比到枱我地，反正我飽飽地無胃口，應該好快食完，一坐低就先整個麵包先，我就唔肚餓，只係食左小小，同埋食左兩片巴馬火腿，d火腿好好味，可能我鐘意食，食完麵包同火腿已經飽，之後個牛膝只係試左一舊，好羶！我以為食緊羊肉！！麻麻地，原本想叫pasta，但係好飽，索性留返食甜品，不過之後唔記得左叫甜品就埋左單，都無睇到有乜甜品食，或者下次再試過，呢度d service都幾好，可能叫pasta,pizza會好食d!

六人同行

網誌日期：2010-01-18 23:59



已經很久沒有一班人去迪士尼，今日一行六人入去玩，原本七個人去，臨時一個有事要晚上才會合，今日都好多人，可能有兩個遊戲無開，谷晒d人去其他地方，所以去邊都要排隊，不過好快就排到，今次我乜嘢都無買，得阿Moon有買到野。我地食飯時傾開阿魚既婚姻問題，大家都好感概！希望佢無事啦！

晏晝果陣仲好熱，天黑就凍左好多，我地跟住出去太子食晚飯，間酒樓之前都去過，今次去食叫左d京菜，有片皮鴨，小籠包，生煎包，都係我鐘意食既野，今次覺得無上次咁好味，不過仲可以食埋甜品高力豆沙同豆沙鍋餅！

K 11

網誌日期：2010-01-16 23:21

電腦壞了好幾天，真有點不習慣，這陣子精神不太好，總是睡得不夠，老是昏昏欲睡.........前兩日還是去了尖沙咀剪髮，頭髮太長了，不能不剪，坐了兩小時，幾乎睡着了！剪完髮尚有小小時間，去了新開的K11，就在河內道那邊，以藝術為主題的商場，多了讓藝術家展覽個人作品的場地，至於商場本身商店不算多，都是一些大路品牌，地面一層有一間小餅店，只賣macaroon和cake，店子很小，選擇也不多，就沒有去試，相對isquare，這裏地方細一點，但風格較trendy，接待處的職員制服也較新潮，男的都戴帽子，下次有多點時間再仔細看看！

秋田犬八千 Hachiko - A dog's story

網誌日期：2010-01-09 00:52

果日去尖沙咀順路再去 isquare睇戲，條人龍都幾長，不過分左即場同預訂，所以都好快買到飛，買完飛仲有時間行吓，個商場比上次多左商店開左，有間好細既Log-On，大部份商店都唔係好貴既名店，食肆就有好多選擇！

入場後見d燈未熄又未開場，影低左d位既相，d位真係好濶落，唔使驚比前面果個遮住，坐得好舒服！講返套戲先，套戲講男主角Richard Gere演既教授，機緣巧合下同小狗八千相遇，共同生活一段時間後，八千每日都會到車站等他回來，直到一天，主人突然去世，它仍到車站第待........！期實睇預告已經知劇情講乜嘢。

套戲無預期咁"喊"，只係去到尾段，八千等左十年！老得行動緩慢地走到車站時，已經令人好心酸，然後比教授既太太見返佢，真係好感動！我直情聽到附近d人既嗦鼻聲！

睇完戲行左過對面重慶大廈地庫，新開既商場，唔記得個名......乜嘢wood.....唔記得左！果度開左好幾間食肆，其中一間係蘭芳園，好懷舊既裝修，促有咸檸檬賣，不過之前果餐食得太飽，乜都食唔落!

1881 Heritage

網誌日期：2010-01-08 00:07

還是第一次去尖沙咀既 1881 Heritage ，呢度開左一段時間，有幾次坐車經過望見呢度覺得好舊式既英國建築，好靚，記得以前呢度只有一幅高高既牆，入面有乜嘢都睇唔到，記得好似係警察總部之類既地方，依家呢度有好多食肆同名店，今日見整左個埃及金字塔，係Hennessy攪既promotion，雖然有d格格不入，不過都整得好靚，今日仲見有新郎新娘在影相。行到上樓上，見有座鐘樓，入面只有d圖片介紹，呢個鐘樓應該係一直响呢度，而呢一層全部都係食肆，有一間食grill，有一間食英式下午茶，睇落好傳統既high tea，再落返一層，見呢間DG cafe & wine cuisine好多食品選擇，有沙律，三文治，pizza，pasta，steak，wine，而且價錢較平，就試試啦！我地order左南瓜湯，蟹肉柚子沙律，炭燒牛排，意粉，味道普普通通，唔怪得價錢平d啦！

我愛紐約 New York I Love You

網誌日期：2010-01-05 23:47

聽講呢套戲係繼"我愛巴黎"後，同樣以"愛之都市"為主題的一系列短片集的電影，我未睇過我愛巴黎，唔知前一套係講乜，呢套既故事發生在紐約，由多個短編愛情故事組成。

由十一位導演以不同形式的愛去重新解讀這個城市，由初戀、一夜情、細水長流、失戀、天長地久… 十一個故事交織成的城市拼圖，讓觀眾與紐約客一起分享這個城市的最私密的一面以及當中人與人之間的愛與聯繫，而電影更由多個紅星演出，令電影錦上添花。

Romantic wedding

網誌日期：2010-01-02 00:40

踏入2010年既第一日，係Allan結婚既好日子，今朝早起身仲好頭痛，晚上就精神起來，去到酒樓好開心，見到阿仔Ling扮得好靚，一對新人就更加唔使講，新郎哥好靚仔，新娘更加係又靚又性感，大家都好開心，今晚既氛氛好浪漫，新郎向新娘高歌一曲既時候，全場較暗左d燈，所有人一齊揮動手上既LED 電筒，好似演唱會咁，新娘忍唔住喊，好浪漫呵! 今成晚見返好多舊朋友，大家好盡興，我心情都好興奮，新既一年好既開始，祝願新一年人人開心，再無煩腦！Happy new year !