食完拉麵,硬係覺得想飲杯咖啡☕️,行咗去利園嗰邊,呢間Starbucks經過好幾次,今次都係第一次入去幫襯,都冇睇清楚個餐牌,求其叫咗杯咖啡,我都唔記得呢杯係乜嘢咖啡,坐坐下好友就打俾我,約我食lunch,不過我已經食飽咗,所以同佢地坐低吹吓水,睇佢哋食🤣🤣🤣
星期六, 10月 30, 2021
牡蠣不如帰
今日放假,過去銅鑼灣搵朋友吹水,先去食碗拉麵!依家行過幾次都想食,平時食開金色不如帰,今次就試吓去過牡蠣好唔好食,雖然係星期六,但係都唔係好爆,都仲有少少位剩,店入面嘅面積都唔算好大,睇吓個餐牌,同平時食開金色不如帰差唔多,只係多咗個牡蠣湯底拉麵,咁就要試吓佢啦!另外叫咗個小食炸豬扒!個湯好好味!豬扒都揸得唔錯,可能平時食貝汁湯底食得多,而且平時好少有拉麵店有牡蠣湯底,所以覺得好好味!
星期五, 10月 29, 2021
Dazzling cafe
去完迪士尼,我哋出尖沙咀食飯,呢餐因為係同我食生日飯,所以我就揀咗間平平哋嘅餐廳,等位都等咗成個鐘,今日好似去邊都好多人 🤦🏻♀️🤦🏻♀️
大家都好肚餓,我哋叫咗三個意粉同埋一個吐司,全部食晒,我哋好少食咁多嘢!證明大家真係好肚餓😅
迪士尼 Halloween 2021
星期四, 10月 28, 2021
城寨風味
今日同好友去九龍城食生日飯,呢間食店,以前在南角道,後來因為拆樓,所以搬咗去九龍城廣場,搬咗黎呢度之後都係第一次去,今晚呢度比較靜,雖然有一間房有一大班人,但係其餘果D枱都冇乜人,我哋叫咗幾個小菜,雖然得四個人,不過都食得好飽,因為呢度D份量都幾大,呢度嘅店員都好有友善,加上冇乜客,係咁同我哋傾偈,今次飯局第一次叫埋好友的媽媽,食完飯已經約定下次去佢屋企打邊爐😄
星期三, 10月 27, 2021
星期六, 10月 23, 2021
利星
又有生日飯局,今次去深水埗,呢間之前去過一次,啲小菜都唔錯,今日再去,叫咗個蟶子皇,好正👍🏻好好味!😋 仲留咗個白肺湯,又係好好味好足料👍🏻 成日都話呢啲功夫菜,都係要俾錢人賺!另外叫咗幾個小菜,呢間野平時會送甜品,係太后糕(桂花紅棗糕🤣),今次我哋有個蛋糕🎂,佢就將鯉魚造型的太后糕,圍住個蛋糕做裝飾,好搞笑!😂😂
星期五, 10月 22, 2021
鮨一
飲完野之後,就過去厚福街食飯,呢間日本料理,在同一座大廈裏面有三間,之前同朋友去過一間,今次去另外一層, 我哋都叫咗幾多嘢食,有壽司🍣,刺身、炒飯、手卷、燒鯖魚、生蠔🦪、串燒等等,食物嘅質素都唔錯,相對來講價錢就梗係會貴D,今餐係佢哋請我食,我都唔係幾好意思😅
訂閱:
文章 (Atom)
深圳一日遊
相約好友一齊又返大陸,今次去落馬洲過境,第一次喺呢邊過關,過咗關之後,喺福田口岸站集合,然後一齊搭深圳地鐵去一個叫做紅山嘅站,由呢度搭過去要10個站,第一次搭深圳嘅地鐵,用香港Alipay都可以掃碼搭地鐵!呢度嘅地鐵係要用X光機掃描你嘅包包/行李先可以入閘! 去到紅山站,去一個叫...
-
睇iPhone嘅天氣預告,今個行程應該得今日同埋下個星期二係好天,所以就揀今日去迪士尼! 依家迪士尼係唔可以去現場買飛,尋日朝早喺機場嘗試買飛買唔到,因為佢要登記會員,但不斷話我電話唔啱!我諗要用日本電話做登記,所以買唔到,不過佢有提供其他買飛方法,就係經 Klook 買!原本¥...
-
星期四晚一場黑雨,落左16小時,竟然是五百年一遇的大雨!導致地鐵站月台都入晒水,最誇張係 黃大仙中心成個商場 地庫全層被水淹沒左!上星期五打風,今星期黑雨,我連續兩星期都放假,都留在家中,邊度都去唔到 🤦🏻♀️ 浪費咗我兩日假期,好似兩個星期冇放過假咁 🥹🥹 今日想有小...
-
尖沙咀的燈飾亮了燈,怎麽時間過得這麽快,又到聖誕了! 到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢! 原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不...