Mike 多年來都係總統嘅貼身保鑣，經過多次行動，他的身體狀況開始欠佳，經常要服用止痛藥，在一次保護總統到湖上釣魚的行動，他們受到無人機襲擊，當時在場的所有保安人員都被殺，只有 Mike 和總統生還獲救，總統陷入了昏迷狀態中，而 Mike 就被FBI 扣留，因為他戶口多了一千萬由蘇聯傳入的款項，令他百詞莫辨......！
今日去到 K11 Musea 商場行街，見到有UA Art House 戲院，所以揀咗呢套上畫無幾耐嘅戲，見到戲院有Black box 同 White box ，好似有 12個 house ，影院數量都算好多，我想睇果個時間只有 Black box ，見佢成個 Black box 影院只有30個座位，票價要$250 ，行到去戲院嘅時候只係見到自助購票機，所以在自助購票機買飛，原來後面有售票處同小賣部，而另一邊仲有個精品店，戲院應該有個吉祥物公仔，所以有個吉祥物嘅3D眼鏡、T恤之類的精品賣。我買飛嘅時候見到全部座位可以揀，即係成場戲未有人買飛，我估計應該會包場，因為呢個時間同埋呢個價錢應該唔係咁多人睇，呢間戲院嘅地方好大，聽講話有六萬幾尺，上網睇過影院入面唔係太大，不過好多通道位置都好多位好空曠，洗手間亦都好大，亦都有D等待區位置都好多，去到 Black Box，同其他嘅戲院一樣，有專人去招呼，個票價係包括左小食同飲品，職員會比一個 tablet 你，俾你睇有乜嘢揀，其實只係咸或者甜嘅爆谷，另外一個係朱古力多士或者奶油多士，如果唔要多士可以揀一件蛋糕，另外仲有杯飲品，會送到去你個座位度，在正式放影前，佢有一個等候區比人等開場，個位置都幾大，有張長梳化，其實我覺得坐等候區同坐直接坐戲院都分別唔大，因為都係在個院入面，只有布簾隔開，不過果度可以有嘢飲住等，到正式放映嘅時候，就見到真係冇其他客喇！真係包場！
講返套戲，呢套戲已經去到第三集，我之前只係睇過第一集，印象中冇睇到第二集，記憶中第一集個總統都係Morgan Freeman，而 Gerard Butler 拍動作片真係老左D，真係不及當年勇，同佢喺戲入面個角色所面對嘅情況一樣，睇開場前電影預告嘅時候，仲見到史泰龍拍最後一集 Rocky，相比史泰龍佢都算後生，劇情發展同預料一樣，邊個係奸邊個陷害佢都估得到，結局都係一如所料！
上個月去咗瑰麗酒店 High tea ，當時都知道旁邊嘅商場 K11 Musea 八月底會開，今個星期一開咗喇，今日得閒就過去行下睇下！香港都好耐冇咁大個商場開喇！
去到商場都好熱鬧，因為都好多人，商場內的店舖未係百分百開晒，大概開咗八、九成，有D餐廳雖然裝修好，但係未正式營業！
由地鐵站上去，B1 全層都係買化妝品，商場大概有六、七層，地庫就有兩層，除咗化妝品呢一層之外，再落一層係童裝同埋 Food court、超市，上面果幾層就主要係服裝類同埋食肆，仲有戲院，同埋空中花園，先在商場行咗一個圈，地方都幾大，但係店舖嘅數量都唔算係好多，而且鋪頭嘅店舖面積亦都唔大，不過店舖嘅類型就有別一般大商場，都唔係全部係果D大路嘅品牌，有D係比較冷門或者係好少見到嘅店舖，即使食店都唔係一般連鎖店，感覺上比較有新鮮感，不過都有一D連鎖店都係有唔少得，例如超巿、藥房咁，而咖啡店就唔係平時果兩間，而係陳豪果間，仲有喜茶，上去七樓 Bohemian garden，一個露天公園仔，有個孔雀滑梯，不過未開放俾人玩，而正門入口果邊都有一個好大嘅公仔，揸住望遠鏡，其實亦都係一個滑梯！呢個商場有好多啱小朋友嘅嘢，成個商場嘅style都好似河內道個K11 ，始終係同一間公司，日後有多一個好去處，去尖沙咀唔再得海港城！
相約好友一齊又返大陸，今次去落馬洲過境，第一次喺呢邊過關，過咗關之後，喺福田口岸站集合，然後一齊搭深圳地鐵去一個叫做紅山嘅站，由呢度搭過去要10個站，第一次搭深圳嘅地鐵，用香港Alipay都可以掃碼搭地鐵！呢度嘅地鐵係要用X光機掃描你嘅包包/行李先可以入閘！ 去到紅山站，去一個叫...
