星期五, 1月 29, 2016
香港迪士尼十週年
今年,香港迪士尼樂園十週年喇,呢十年,都唔知入過去幾多次,我諗平均一年三、四次!早期去得少,冇人同我去,呢幾年去多左,有時自己一個都入去!
十週年冇乜大型活動,飛天巡遊都冇變,上次五週年果陣轉左,到依家仍然係飛天巡遊!紀念品當然唔少,但係永遠覺得唔夠東京迪士尼靚!
今年應該都係重點在 Ironman 主題區,今年會開幕,都好期待!
星期六, 1月 23, 2016
3度
呢兩日天氣非常寒冷,雖然天文台已預報左,但係好多人都低估左佢,到尋日4度,今日3度,真係不得了!大帽山仲結霜,好多人上山睇,上到去地又濕又滑,好多人被困、受傷,消防員拯救也很困難,警方已呼籲市民不要上山,但仍然有很多人冒險上山,攪到消防員同警察疲於奔命!
星期六, 1月 16, 2016
Farewell BBQ
新一年開始新新工作岡位,一班舊同事同我 farewell ,去左其中一個屋企,佢住大埔村屋,之前去過BBQ,今次又係BBQ,同事太太一早預備好食物,我地十七個人,買左好為食物,海鮮有蝦、扇貝、蟶子,蜆,仲有牛扒、豬扒、雞扒,好多野食!
差不多食完,影張大合照,佢地竟然送上禮物,好驚喜!真係估佢地唔到!
星期日, 1月 03, 2016
訂閱:
文章 (Atom)
深圳一日遊
相約好友一齊又返大陸,今次去落馬洲過境,第一次喺呢邊過關,過咗關之後,喺福田口岸站集合,然後一齊搭深圳地鐵去一個叫做紅山嘅站,由呢度搭過去要10個站,第一次搭深圳嘅地鐵,用香港Alipay都可以掃碼搭地鐵!呢度嘅地鐵係要用X光機掃描你嘅包包/行李先可以入閘! 去到紅山站,去一個叫...
-
睇iPhone嘅天氣預告,今個行程應該得今日同埋下個星期二係好天,所以就揀今日去迪士尼! 依家迪士尼係唔可以去現場買飛,尋日朝早喺機場嘗試買飛買唔到,因為佢要登記會員,但不斷話我電話唔啱!我諗要用日本電話做登記,所以買唔到,不過佢有提供其他買飛方法,就係經 Klook 買!原本¥...
-
星期四晚一場黑雨,落左16小時,竟然是五百年一遇的大雨!導致地鐵站月台都入晒水,最誇張係 黃大仙中心成個商場 地庫全層被水淹沒左!上星期五打風,今星期黑雨,我連續兩星期都放假,都留在家中,邊度都去唔到 🤦🏻♀️ 浪費咗我兩日假期,好似兩個星期冇放過假咁 🥹🥹 今日想有小...
-
尖沙咀的燈飾亮了燈,怎麽時間過得這麽快,又到聖誕了! 到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢! 原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不...