神探加俐略 沉默的遊行

 

佐織某日失蹤了，四年後被人發現她的遺體在一間燒毀了的破屋內，當時的疑犯蓮沼寬一直保持沉默，竟令他獲判無罪釋放，他反過因為自己被懷疑影響名聲，而要求佐織的家人作出賠償，所有街坊對他非常憎恨。在秋季遊行當日，蓮沼被人發現被殺害身亡，而憎恨死者的人全部都有不在場證據，到底死者是如何被殺呢？警員在無計可施之下找來神探加俐略幫助…….！

本來都唔大興趣睇呢套戲，不過都即管睇一睇，因為對以前電視劇嘅神探加俐略，都有D印象，但係唔係好記得詳情，套戲不過不失，同睇電視劇差唔多，不過神探冇咗佢招牌手勢，好似爭咗D嘢 🤣🤣

神燈海鮮酒家

今晚同好友慶祝生日，呢個好友壽星食嘢好簡單，生嘅嘢佢唔食，所以同唔到佢去食日本嘢或者buffet，最緊要有生炒骨或者咕嚕肉俾佢食就得喇！😆 另外再叫幾款小菜，簡簡單單食一餐，呢度D嘢食都唔錯，我地一路食一路又喺度想當年，另一好友記錯以前舊公司一D資料，俾我哋笑咗成晚，但係佢仍深深不忿覺得自己冇錯，我覺得佢會諗辦法證明自己係啱，不過我相信佢唔會搵到證明，因為大家都好肯定佢係記錯，如果唔係都唔會笑咗佢成晚！🤣🤣

Amuse

今晚約咗好友食飯，時間尚早，大家就去酒吧飲杯嘢，去咗呢間酒吧，每人叫咗杯嘢飲，又叫咗一客雞翼食，呢間酒吧地方唔係好大，有好多地產經紀喺度飲嘢，可以話佢好熱鬧，可以話佢好熱鬧，亦都可以話好嘈！🤣 

Tommy Yummy

之前搭中環嗰條扶手電梯，經過望到呢間餐廳，新開冇幾耐，今日就去試吓！

今日呢度主要係食泰國菜，食物同飲品都係好打卡able 🤣 我哋叫咗冬陰功湯河，同埋咖喱雞脾飯，另外叫咗一碟炒菜，飲品就叫咗泰式奶茶，同埋蝶豆花咖啡，飲品個樣好靚，不過整體食物同飲品嘅質素都唔係特別好，普普通通嗰種另外叫咗一碟炒菜，飲品就叫咗泰式奶茶，同埋蝶豆花咖啡，飲品個樣好靚，不過整體食物同飲品嘅味道一般，唔係特別好，另外仲叫咗個甜品，芒果乳酪疊疊冰，造型好靚，不過要2:30後先有得供應，如果想食就要留意喇！

好好肥牛雞煲店

  

今晚約咗好友食飯，呢班好友已經超過一年冇見，應該話大部份人一年冇見，有一兩個偶然都見到，不過今日都係約唔齊人，呢間火鍋店我之前嚟過，之前唔知係咪叫做好好火鍋店，定係一向都係呢個名，我就唔係好肯定，今晚我哋冇食雞煲，因為好友話食過佢哋嘅雞煲覺得麻麻地，都係主力食火鍋，呢度啲用料都唔錯，今晚成班麻甩佬，所以叫好多嘢食，牛肉都叫咗三大碟！其他配料都叫兩三份！嗌咗咁多轉嘢食都唔記得咗嗌蝦🦐😅 

新聞話開始0+7 ，返香港唔使隔離，大家都蠢蠢欲動，上網睇機票，不過而家機票都仲係好貴，雖然酒店都平咗，但係拉上補下都仲係貴，覺得唔係咁值囉！🤦🏻‍♀️

飯氣攻心 Table for six

 

陳家三兄弟，自小在爸爸的叉燒店成長，父母去世後，因大佬燒叉燒的技術欠佳，所以沒有延續父親的叉燒店，不過就覺得最緊要一家人齊齊整整食飯，幸好三弟的女友 Josephine 煮得一手好菜，所以大佬請佢返嚟屋企包伙食，原本關係良好的幾兄弟，因為二佬帶女朋友返屋企，就開始發生改變，因為二佬嘅女朋友正正係大佬念念不忘的前度，與此同時大佬在工作上認識的模特兒，一直都喜歡他，大佬於是試吓同佢拍拖，就係咁六個人就一齊食飯…….！

印象中呢套戲應該原定係新年咁上下時間上畫，應該因為疫情拖咗好耐，終於都上畫，套戲都幾好睇，子華神嘅電影，一向都係對白精警，輕輕鬆鬆睇返兩個鐘 🤣 林明禎好靚女呀 😍😍

一禪

今日又去九龍城食晏，九龍城好多間食肆我都食過，在商場嘅呢一間就未食過，今日見佢只有兩枱客，我就坐低食D嘢，呢度應該係食素食，我叫咗個咖喱椰菜花飯 ，同埋一杯咖啡☕️，個飯嘅味道唔錯，咖啡就普普通通！

 

黃大仙花燈園遊會

又到中秋節，黃大仙廟又有園遊會，我記得舊年熱到不得了，今年就有D風冇咁熱，但係有D位人多嘅地方都係好熱！今年比舊年多人入場，條人龍都打晒蛇餅，今年亦都有唔少人着漢服，燈飾同舊開開年差不多，有D都係同舊年嘅一樣！例如D羊、仙鶴、楊桃燈等，所以睇左一陣就快閃！

Lina Bell

一早起身，睇新聞話英女皇英國時間尋日過咗身 🥺 呢兩日新聞仲話佢醫學監察，但係所有家人都喺佢身邊，意味住佢就嚟唔得，不過都96歲，近排都身體不適，都差唔多係時候😔 今年真係死得人多！😔😔

今日係 Lina Bell 正式在香港迪士尼推出嘅日子，一早book咗今日入院，今日已經揀咗晏D先入去，因為諗住睇夜間煙花，所以唔使咁早入去，但係都超級多人，好多人之前上網訂咗 Lina Bell 公仔，今日入去攞，所以人人手揸一隻 Lina Bell 公仔，我就冇訂，遲吓一定有得賣，唔係再等去到日本先至買！

夜晚七點幾先至行去等睇煙花，今次企個位比上次後少少，終於等到煙花開始，但係播咗一陣音樂，D聲窒吓窒吓，然後突然間停咗，一D煙花都未開始放，跟住廣播就話煙花表演完結左 😱，全場閙爆，全部人準備離開嘅時候，又聽到佢廣播，話煙花表演會延遲😪，全部人又行返返轉頭等，一等就等咗20分鐘，跟住又係廣播，又話煙花表演完結左🤬，全場鼓燥，我有年票就覺得嘥晒D時間，好多人買單日票嗰D，真係好唔抵！

離開咗迪士尼之後，返去又一城搵嘢食，因為已經夜喇！好多食肆都就收工，唯有係金色不如歸未收，嗱嗱聲去食D嘢，食食吓好友打電話俾我，原來佢哋琴日去完 staycation，今日入咗去迪士尼，早知大家約埋一齊食飯啦！😅 佢哋就係買咗一日飛嘅苦主 🥹