今日又約好友去銅鑼灣食lunch，又去耀華街，因為上次經過呢間壽喜燒店，話下次試吓，話咁快就下次🤣 過咗lunch time，但係都幾多客，其實店入面嘅環境都幾細，一入門口係好似Bar枱咁嘅形式，圍住幾乎坐滿客，大概有8-10人，另外有幾個望街嘅吧枱位，而非吧枱嘅就只有兩張二人枱，同一張大枱，可以坐四人，喺最入嘅位置，我哋就揀咗二人枱，餐牌都非常簡單，因為只係食壽喜燒，基本上你係揀乜嘢品質嘅牛肉，佢只有三款牛肉選擇，分別係精品赤身、特選肩胛、極上肉眼，同埋大細set嘅分別，大set係180g嘅牛肉，而細set就 120g ，最平$168，最貴$288，我哋揀咗極上肉眼，一大一細，見到兩個餐只係爭一片牛肉係七片同八片嘅分別😅睇落厚薄大細好似一樣😅除咗牛肉仲有啲菜，同埋一碗白飯，佢係用日本米，生雞蛋就用蘭王蛋，我哋都好關心個壽喜燒汁得唔得，呢度個壽喜燒汁都OK，整體嚟講都幾抵食，仲有甜品缺餅👍🏻
今日book咗瑰麗酒店呢間西班牙餐廳食晏，餐廳嘅裝修都唔算好特別，雖然兩點未夠，不過都冇乜人，呢度其實有D室外位，不過今日可能大風亦都唔多客所以冇開，我哋坐近門口嘅位置，見到先後有幾個人都想行出去影相，但係都出唔到去，因為佢哋lock咗個門，我哋叫咗個午餐set，先嚟一啲麵包，個麵包都幾好食，食完都飽咗半，仲有一份西班牙肉腸拼盤，同埋西班牙海鮮炒飯，就係得咁多嘢，當然佢個炒飯係好大碟，平均每人都食到三碗飯，個腸我就唔大興趣，個炒飯都幾豐富，有蝦🦐、蜆、魷魚🦑，D蝦都幾大隻，我呢度嘅店員服務都好好，可能始終都係五星級酒店，走嗰陣時幫襯吓佢個廁所，個廁所都幾靚😅
好友最近結咗婚，搬咗去將軍澳，早前佢飛咗去美國註冊，返到嚟就約我哋去佢屋企食飯，見到佢屋企都整得幾靚，仲準備咗燒烤餐，雖然係用Bruno 鍋煎，但係都好豐富，好友買咗兩塊好大塊嘅牛扒，仲買咗啲日本烤肉，我哋都預計食唔晒，所以叫佢留起一塊牛扒，最後都食到九成，好有重買咗朱古力俾我哋做手信，實在太客氣了😄 食完飯仲有士多啤梨，同埋生日蛋糕，因為好友就快生日，所以提前慶祝咗先🎂
今日去中環做檢查，搞掂咗就去附近睇吓有乜嘢食，上次同好友去 中環行過一段 石板街，今日行埋另一段，見到有間餐廳，主要都係買麵包，之前網上有人介紹過，見佢排晒隊，今日可能黃雨嘅關係，唔使排隊仲有好多位，攞咗位之後，望一望啲麵包，樣樣都好吸引，叫咗一個Pain au chocolat...
