大食代

網誌日期：2008-06-20 00:31

都有一段時間無去尖沙咀,今日有返d陽光,就去尖沙咀行吓,出到去都幾熱,沿住海防道行到新港中心,己經身水身汗,去到新港中心,見仲裝修緊,樓下就裝修好,開左間GOD,food court由City Super 變左大食代 food repuplic,一樣係有好多間唔同既食店,我見有一間叫做新加坡的主要賣海南雞飯和燒雞飯,和小量小食,他們的雞都像燒味店一樣掛了出來,我見d海南雞幾靚,而d燒雞睇落d皮好似'淋"晒咁,我就叫左海南雞飯,佢地有兩個價錢賣$28下午茶餐同$50正價餐,貴d既餐有菜同埋多d雞,我見個個都食下午茶餐抵食d,但係我想食菜,所以揀左正價餐,個女師傅切左雞脾比我,hehe.......!個雞都幾好味,個油飯都唔錯,個湯好重藥材味,有d似肉骨菜果d藥材味,anyway我都食晒飲晒!好飽,早知食下午茶餐,就可以食埋甜品!!!!

食完去GOD行左一陣,依家GOD好似賣家品多過賣傢俬,我見到本簿想買,但係好重,所以無買,我見到個曱甴書簽呀!仲好似係實物原大tim,好得人驚呀!

廟街

網誌日期：2008-06-13 00:48

好多年無去廟街食野,本來諗住去食亞龍咖哩,但係好多人等位,行過賣海產既食店,見有位就去食,好耐無食呢d貝殼類海產,驚會腸胃炎,以前响尖沙咀返工,好多時同Maggie去食,今日再去都有d擔心,我地叫左蒜蓉蒸蝦,白灼東風螺,炒蜆,炒青口,蒸貴花蚌,全部高危食品,係d蝦食得放心d,其它都好味,連埋飲野都要四佰幾蚊,都幾貴,我見有好多遊客食,好熱鬧,食完野行廟街,見到賣既野同我响上海果d旅遊區果d幾乎一模一樣!甚至多d選擇!!行到甘肅街見到雪糕車,我有朋友做過便利店賣軟雪榚,佢話好多時懶洗機,所以d雪糕漿入口位係好dirty ,攪到我唔敢食,所以我食甜筒,食住行,無咁熱,今日天氣好悶熱,睇怕就黎落大雨! 聽日仲話去BBQ, 唔知去唔去得成?

Sex and the City

網誌日期：2008-06-12 01:00



今日同亞孫,Paula, Gary同埋Daniel一齊食飯,都好耐無同佢地食飯,坐埋都好似唔係好耐無見咁,傾計都好似平時咁,食完飯去左睇Sex and the City , 我見入場既都係以女性為主,個人覺得套戲好睇,一如電視劇一樣,有好多好笑位,Samantha 年過50仍keep得好好,又有好多靚衫睇,套戲成134分鐘,都有d唔夠喉!!

黑雨端陽

網誌日期：2008-06-08 00:10

落左成日雨,由今朝黑雨到黄雨,呢d天氣,最好留响屋企瞓吓覺,今日同屋企人食飯提早做節,酒樓的端陽套餐,其中一道菜竟然是裏蒸粽??大家都在估係一碟幾隻粽,定係一大個粽,最後原來是一個大大個的粽,每人可吃到一角,姊姊說像五餅二魚!!媽媽也包了些紅豆糭,她說加了瑤柱,她包的糭細細隻唔會太"漏",有媽媽包的糭吃真幸福,將來媽媽百年歸老,就沒有這麼幸福了!!
睇新聞話禽流感又來了,真令人擔心,還有山泥傾瀉,壓死了兩個人,其中一個是孖生姊妹,無事的那個哭得肝腸寸斷,真教人心酸............還有四處水浸..........so sad ! 希望快些雨過天晴!!

凉拌

網誌日期：2008-06-07 00:25




跟住,我地沿烏魯木齊中路去揾另一間賣西藏物品的小店-天籟,這條烏魯木齊中路,有點街市感覺,有水果店,海鮮店,超市,便利店,食肆等等,我地行行吓見到有間食店,無座位只做外賣那種,門口有個牌寫住"夫妻肺片......"唔識睇d簡體字,我又唔記得乜野係夫妻肺片,以前睇電視講過,但係唔記得左,我見佢地其實係賣一d凉拌食物,其中一款食物係夫妻肺片,仲有粉皮,豬耳,筍,青瓜等,$16一份,可選三款餸,加一款菜類,個店員叫我地一定要食夫妻肺片,其實我食完都唔知係乜??anyway, 我地買左一包,佢在這些餸上加了醬油,花生,葱花,椒絲,然後攪攪吓就食得,佢地仲有賣童子雞,見佢地在鹵水汁內取起鹵過的雞,然後放在一鍋油內炸,好似好好味咁,但係要成隻買,所以我地無買,佢都亦都有賣一d好似烤餅咁既餅,我地買左一塊試,買買吓越來越多人,我地就拎住兩包野食揾地方坐低食,行到街尾都無地方可以坐低,我地就咁企响街到食,咁啱我地企正响唔記得乜野國家既大使館對面!!!!!!!!!!好,先食左包凉拌先..........................嘩!!!!真係好好味!!!!!!!!!!!!點解d咁簡單既食物,溝埋會咁好味,可能係d醬油,同埋响街食既風味吧!依家諗起都流口水.......至於個烤餅就麻麻地,無乜特別.
食完野就諗住揾天籟,原來就响旁邊,行過幾步就到,間shop好細,香港都有d類似既店,呢度d售價同香港差唔多,不過有特價,d銀耳環都幾平,阿雯買左條銀手鏈,我買左兩對耳環,同一個織布銀包仔,一d西藏香支,同埋一件衫,加埋三佰幾蚊人仔,唔算平.

古董花園

網誌日期：2008-06-04 23:55

我們沿着淮海中路行,去到H&M,阿雯買左副太陽眼鏡,出左H&M,見到思南路有間港式茶餐廳,佢話好想飲奶茶,我地就入左去試吓,結果係令佢好失望,好彩我飲檸七,唔會相差得太遠!跟住我地就在思南路尋找阿娘麵,聽說這店是林憶蓮介紹過的,找到賣阿娘麵的泰和飲食店,可惜沒有開門!!!唯有繼續行去孫中山故居,路上見到有間屋,樓上的露台,寫住古董花園,原來是一間咖啡茶店,很漂亮的店子,因為剛去完茶餐廳,所以沒有去試,在茶店斜對面便是孫中山故居,裏面好像沒有人參觀,我們買票後,在門口拍拍照,因室內不可拍照,一入到去好凍的冷氣,在上海好少有咁凍既冷氣!我地一路參觀都只見兩三個人在參觀,在二樓的保安員很主動和熱情地講解,其中有一本電子書,只要揚一揚手,會自動掀到下頁,都是他教的,參觀完文物館,再到旁邊的故居,未入故居之前,到後花園看,一片草地,還有些小花,好relax的感覺,我們拍了些照片,便進入故居,要用膠套套住雙腳才可以入內,那是孫中山先生真正住過的地方,地方也很"骨子".
行完故居我地有同一個想法...........飲杯咖啡!!!我地去返古董花園,店旁有條小巷放了些枱椅,我們進入店後還是决定坐室外的小巷,那裏有七八張枱,有三枱客人,靜靜地,我們選了兩杯焦糖latte,味道比較淡,不過環境很舒適,我們閒談着邊渴咖啡,感覺relax,臨走前上一上洗手間,個洗手間好漂亮呀!還有陣陣花香,用的都是Loccitane 的皂液呢!有點懷舊的感覺.!

南京路

在酒店休息了一會就出發去南京路,點知封左路,過唔到地鐵站,人多擠迫,火炬未到d人已經大叫"中國加油"氣氛相當熱烈,我地揾唔到其它入口,又唔知等幾耐,又肚餓(一心諗住去南京路大擦一餐(或者幾餐!!!!),等等吓唯有放棄,求其揾d野食,最終去左味千拉麵食!!!d麵比香港嗰d無咁"淋"好食d,價錢差不多,我地食食吓見d人湧晒出去,就知道聖火到達,我地由玻璃望出去,見到火炬經過,都想叫埋一份!!

食完野d人開始散,維持秩序既公安,操兵咁行,停既時候企得好直,好有紀律.我地隨住人流入去地鐵,好似迫花市咁.......好彩上到車唔太多人,企一個站就到左南京路.成條街都好二三十年代feel既建築加上好現代化既公司,好似Starbucks,Nike....咁,亦有唔少老店,我地最主要既目標仍然係食,响南京路無乜特別野食,我地見到賣榚點既沈大成,好多人買糕點,我地買左一個綠色既青糰試吓,$1個,無乜味既粉團包住紅豆,跟住就去我地目的地,"舒蔡記生煎",佢位於舊街,去到時無人,我以為揾錯,去買票時多左2個人(佢地幾乎買左一半!),我排第三,買完票($3.3/4個生煎包)等緊時就越來越多人,見個師傅不停將成窩包轉來轉去,有時打開蓋加油加水,有時加芝麻加葱,最後將窩內的油倒晒出來,打開蓋.......好香,好心急,我地買完走返去南京路坐响度食,我地好疲累,好熱,腳痛,坐低左都唔想起身,呢個時候前面個商場,突現有真人演奏音樂,我地一路聽音樂一路食生煎包,d生煎包...............超好味呀!!!!!!!!!!!!!!!!包底少少燶,包面軟身,裹面既肉唔太多,勁多汁,好似小籠包咁多汁,好好味呀!!!!!!!!!一啖一個,唔會流汁出來,加上啱啱煎好,真係好食到不得了!!!!!!!!!!!!!!.....................食完就要去外灘啦!聽日再寫!

I'm home !!!!!!!!!!!

我返來啦!!!

四日三夜的上海之旅話咁快就完,好累呀!去到上海第一樣接觸既梗係磁浮列車啦!要體驗吓430km車速(其實唔知真係有幾快?由窗望出去唔覺得非常快) ,盛惠$50 (持機票九折) 只須七分鐘去到龍陽站轉地鐵去酒店都要大半個鐘, 我地回程搭的士就$148, 要成個鐘,如果四個人去就坐的士抵d.

我地一出地鐵,就見到東方明珠電视塔响面前,好近,好高, 見成條街都係賣奧運既物品,Tee,旗,貼子等等,非常熱閙,也非常熱非常曬!!!!!!!!我地奇怪未到八月已經氣氛咁熱烈, 後來先知原來嗰日係聖火傳遞到上海!!!!!!仲會經過東方明珠電视塔!!!!唔怪得咁熱烈啦,好辛苦先過到兩條馬路去酒店,遲多一個鐘仲封埋路tim!!我地入住既係東方濱江大酒店,响會議中心度,同東方明珠電视塔隔一條大馬路,酒店算就腳,雖然係五星酒店,不過d服務員麻麻地,同埋無乜人入住咁,我地間房望到部份黃浦江,同電视塔隻"腳"!.....稍後再分享去過邊食過乜.....今日要休息吓先!

Indiana Jones and The Kingdom of The Crystal Skull

網誌日期：2008-05-22 23:57

今日諗住去UA買定飛,咁啱撞見Rainbow 同Desmond 佢地又係睇呢套戲,大家都好有期望,最後我去左嘉禾睇,套戲成125分鐘,都好似前嗰幾集咁緊張,不過無左之前嗰幾集既"探險"嗰種神秘感,福伯睇落都唔係好老啫,不過最唔好係玩太空船囉!!!!!

聽日就飛啦!!! 一早九點機,心情好緊張,上海我來啦!!!!!!!!!!!!

上上拉麵小籠包

網誌日期：2008-05-22 00:32

上次去朗豪坊見呢間食店新開張,試食左小籠包同埋酸辣拉麵,d拉麵應該人手拉,味道一般,小籠包d皮好薄,平時d小籠包頂部既皮都係厚d甚至硬,佢呢間d包無咁厚,唔會硬,食起黎好味d,不過難夾d,可能係非繁忙時間,即叫即蒸,立刻上枱,覺得夠熱又好味道!

今日約左阿魚同阿儀去和民食飯,等位等左成個鐘,阿儀最近辭左工,講起以前一齊做野既朋友,Edmond結左婚,Janet生左BB,Gary做左爸爸,Jacky都結左婚..........個個都成長了......都好懷念以前既日子,嗰時真係好開心!

What happens in Vegas

誌日期：2008-05-15 01:59

套戲都幾好笑,要聽英文對白才好笑,Cameron Diaz 仍然像索瑪利時一樣"索",結局倒是有點發人深省,有時會想想,在現實生活中是否能選擇做自己喜歡做的事?

這兩天新聞都不停報導四川地震的情況,令我覺得自己太幸福了,這陣子有很多不幸的消息,好像越來越多天災人禍,生命都變得脆弱..........昨天收到朋友的喜悅消息,就是他太太懷孕了,他開心得不知如何是好........我希望將來我們的下一代,仍可像我們今天一樣生活得平凡安穩!

Clinicare

網誌日期：2008-05-09 00:56

同亞雯計劃去上海遊行,佢買左本書,封面閃令令嗰本,我之前買過一本,覺得麻麻地,佢都話係,我就去揾第二本,去到書局,得黃色封面嗰本,內容都唔太理想,之前買過本日本旅遊全攻略,覺得佢地係最好既,上個星期比我揾到呢本上海旅遊全攻略,真係詳盡好多,到時一於帶住佢去先得!

表弟結婚了

網誌日期：2008-04-16 01:04

表弟今天結婚了,幾年沒有見面,都認不到了,反而表妹們都認得我. 晚宴在酒店舉行,宴會廳的樓底很高,沒有大大個的水晶燈,佈置尚算高雅,還有live band 演奏音樂,婚宴的安排很細心,在確認人名後,便派了個紙牌給我,作用是拍照後交予工作人員,待照片打印好後,便會交到我手上,真的很週到.
三舅父好開心,成晚週圍social, 唔知以為係佢娶新抱,不過舅父是性情中人,說話大大聲,真情流露,仲飲左好多酒,好high!!


晚宴去到尾聲時,表弟的一班朋友,大概是大學同學之類,上台為他歡呼吶喊,還把他拋起了幾次,看得小姨甥跟着大叫了成分鐘!!開始散席時,他還跑到台上跟着音樂跳舞呢!!!

Step up 2 The street

睇得呢套戲,都係睇勁舞,確係强勁,都無乜劇情可言,睇到嘩嘩聲,輕鬆吓又一日,睇完戲去左超市買左好多野食,成二百幾蚊!主要係買生果,有香蕉,柚,紅天桃,榴槤.....d榴槤未係時候,唔靚,無乜味,遲d可能好d啦!

明洞

網誌日期：2008-05-30 00:08



行完外灘返到酒店,第一時間灘在床上唔郁,雙腳有點腫,計一計,零晨五點起身到呢刻都十二小時舟車勞頓行行行,我地唔想去咁遠食飯,就去附近既正大廣場揾食,呢個商場門口有四面佛同大象,應該係泰國人開,去到商場原本諗住去楚炫堂試吓鮰魚,但係要等位,旁邊有間川菜館,傳來好香的麻辣味,不過阿雯唔食辣,再行過d有間明洞,食韓國燒烤,就試吓佢.
我地叫左個套餐,要成$298,唔使加一,包括一大碟生菜用來包住d肉食,有d泡菜前菜,一碟牛肉,一碟煙肉,炒八爪魚,炒飯,水果,飲品,其實上海d商場食肆,我諗都係教左25度冷氣,唔似香港咁凍,不過有時行到身水身汗,或者食完熱野都好熱,我地雖然對住個炭爐,都唔係太熱燒烤係由店員幫我地燒既,d牛肉幾好食,其它野就一般,全日淨係食左青糰同生煎包係地道野食咋.....食完野早d瞓先!

外灘

網誌日期：2008-05-29 01:15




由南京路步行到外灘,路經和平飯店,原來己經重門深鎖!!!!好像快要拆掉,從玻璃門望入去,只見一些舊雜物!大門鎖上了,只有些人坐在門外閒談着.......!!它的南北翼位置就像彌敦道的半島和喜來登,轉個彎就是外灘,像半島一樣,門口有個行人隧道入口,通往海濱長廊,一去到黄埔江,就像尖東海皮,最大分別是黃埔江........超臭!!!!!!!!!江水又黄又臭,企一陣適應左就無事,嗰度好大風,好多人放風箏,又有人替遊客拍照,有小食車,有切開一大塊的西瓜賣,有冰糖葫蘆也有冰糖水果同椰皇($10個太貴了),當然少不了有風箏賣,路上見到穿開襠褲的小朋友,好有趣.我地由外灘影過對面岸,正是陸家嘴,即是東方明珠塔的位置,我們住的酒店正正在前面,有個圓型地球長方型嗰座就係喇!!海上還有大型廣告板的船,唔知點解四週白濛濛,但係又唔潮濕,睇廣告船張相就有强烈對比,不過當晚都落左陣微雨,行完外灘,返酒店休息(腳軟呀!)之後去就食飯!