我返來啦!!!
四日三夜的上海之旅話咁快就完,好累呀!去到上海第一樣接觸既梗係磁浮列車啦!要體驗吓430km車速(其實唔知真係有幾快?由窗望出去唔覺得非常快) ,盛惠$50 (持機票九折) 只須七分鐘去到龍陽站轉地鐵去酒店都要大半個鐘, 我地回程搭的士就$148, 要成個鐘,如果四個人去就坐的士抵d.
我地一出地鐵,就見到東方明珠電视塔响面前,好近,好高, 見成條街都係賣奧運既物品,Tee,旗,貼子等等,非常熱閙,也非常熱非常曬!!!!!!!!我地奇怪未到八月已經氣氛咁熱烈, 後來先知原來嗰日係聖火傳遞到上海!!!!!!仲會經過東方明珠電视塔!!!!唔怪得咁熱烈啦,好辛苦先過到兩條馬路去酒店,遲多一個鐘仲封埋路tim!!我地入住既係東方濱江大酒店,响會議中心度,同東方明珠電视塔隔一條大馬路,酒店算就腳,雖然係五星酒店,不過d服務員麻麻地,同埋無乜人入住咁,我地間房望到部份黃浦江,同電视塔隻"腳"!.....稍後再分享去過邊食過乜.....今日要休息吓先!
沒有留言:
發佈留言