Laugh until cry

食完Buffet便駕車往尖沙咀，沿路交通都好繁忙，過左中環就好暢順，在車上講起我前兩天在地鐵遇見的事，話說我在繁忙時間迫不入地鐵，只好等下一班車，此時有位男士硬迫了入車，但雙腳板過了車門的"界線"，在車門關上時，他縮入雙腳，但顧得腳來，顧不了頭，車門關閉時，他僅僅沒有夾到頭，但車門剛好撞到眼鏡，眼鏡就飛出車門，掉在車門和幕門之間！再掉落路軌！只發生在一兩秒之間，他完全來不及反應，在月台上的人群也看見吧！此時車門再打開，尷尬的事主要面對我等人群！大家在想他會怎樣做？車門馬上又關上了！當時我呆了，沒有笑，車開走後便覺得當時情景好好笑！我說時加上卡通般的聲效，大家都笑得流眼水！很久沒有這樣大笑一場了！哈哈哈~~~

我們往K11走了一轉，門外的金黃色馬賽克小鹿和裝飾都好漂亮，拍了此照片便到商場走走，商場內掛了一幅用多士做的Mona Lisa，幾得意。其實這商場確是沒有甚麼好看的，店鋪又少，牌子冷門，平時不怎樣過來，只會到這裏吃，因為夠靜！！

Cafe One

網誌日期：2010-12-19 01:03

之前有兩張Prize voucher可以去Park Lane既Cafe One 食 lunch buffet，差d忘記左，仲有三日到期前用埋佢！我地坐既位响正窗邊，當然，個view只係馬路，不過我見好多人都想坐窗邊。呢日都好凍，見街上既人，衣着只有三種色，灰灰沉沉，深紅或鮮黃既羽絨！臨近聖誕，交通都好繁忙吓！

期實早排試過去呢度想食 dinner buffet，但係無位，今次早一天book左枱先，就唔使煩，期實lunch都唔食得多野，既然免費就無所謂！食物選擇都唔太多，中式都係炒飯，湯粉麵，兩三款小菜，點心燒味，日式有幾款壽司，冷麵，同d東南亞食品，甜品沙律咁，都食得好飽！食完飯就過去尖沙咀！

哈利波特 – 死神的聖物1 Harry Potter and the Deathly Hallows Part 1

今日第一次去The One 睇戲，戲院係百老滙同amc集團，戲院入面加左震動响凳度，不過唔係每個位都有，而係隔行先有，配合電影既畫面，效果都幾好，成間戲院最好係個厠所！佢嘅設計係每格洗手間入面有埋洗手盤，皂液，抹手紙，可以洗完手補完妝先出來，不過相對，人多既時候就有排等！始終只有十格！

今集講述哈利、榮恩和妙麗尋找可摧毀佛地魔的分靈體 ,在沒有鄧不利多的保護下，三人要更互相依靠，而當中過程三人的友情備受考驗，因為黑暗力量在他們之間潛伏離間他們。同時，魔法世界變成由黑魔王的勢力統治，佛地魔的食死人奪取了魔法部、甚至霍格華茲的控制權，食死人仍然要設法探查哈利波特的下落。哈利變成最不受歡迎的人，食死人誓要將他擒獲，而哈利唯一的希望是要找出分靈體。他在尋找線索時，發現了一個古老的傳說，死神聖物，它將會為佛地魔帶來最強力量，其中一件聖物，在鄧不利多的墓地裏.........

好快到第七集既part1，多場追捕戲連同震動效果，都幾緊湊，戲入面好多場地都係好靚既郊區，不過雪景可能係電腦效果，後半段戲開始有d慢，結尾當然要睇下集！睇完戲响影碟舖見到第一至第六集既碟賣，第一集既Harry Potter真係好小朋友呢！

尚膳

昨天跟家人吃飯，媽媽出院後，一起吃餐飯，去了尖沙咀Harbour city的尚膳，這店是吃潮洲菜的，之前試過想食但太多人等位而放棄，今次雖然要等位，但人不多，不用等太久，我們叫了$988的六人餐，七個人吃很足夠，先來煎青瓜烙，就像蠔餅改用了青瓜代替蠔，味道頗清新，還有鵝片拼豬頸肉拌豆腐，那豆腐出乎意料的好味！川椒雞沒有驚喜，炒菜，咖喱牛肉炒麵，潮洲棵，烏魚，味道都不錯，結尾少不了反沙竽，真懷念媽媽做的反沙竽，她做的是把糖煮溶成啡色，像糖漿拌在竽條上，不太甜，好好味！這裏的食物做得不錯，只是服務像茶餐廳！上菜只放在最出的枱上，要自己擺放！

3D 魔幻王國：黎明行者號 The Chronicles of Narnia: Voyage of the Dawn Treader

這陣子沒有甚麼好看的電影，自己亦沒有時間，加上身體健康欠佳，精神也不太好，還是想休息多一點，近日很多人病，即使傷風感冒，也不容易痊癒，媽媽也有不適，幸好只是小毛病！自己就感冒未好！今年也病了好幾次！

講返套戲，前兩集已經唔記得劇情！今集講四兄弟姊妹中的兩人，Edmund及Lucy加上麻煩表弟Eustace，一天在姨媽家中，海水在牆上一幅航海油畫湧出來，三人游出水面時，便與登基成功的卡斯柏王子相會，登上其『黎明行者號』航海啟程，一同出海尋找坦摩七勳爵。巨船在茫茫大海中經歷重重驚險難關，表弟更變成飛龍，他們眾人發現每個島上都有多個秘密，從連串意外中了解到一定要團結一致，憑勇氣及膽識才能破解危機，完成任務。

套戲比上一集好，但不及第一集，幾個主角都長大了，今集的特技有點像魔盜皇，連衣著都很相似！

萬里無雲

網誌日期：2010-12-04 00:42

呢幾日天氣都和暖，這天相約好友去迪士尼，都諗住會熱，點知真係好熱！成個天竟然一片雲都沒有！由早到晚一直萬里無雲！

今次去排隊同一身紅色聖誕衣飾的Mickey, Minnie影相！排隊時熱得成身汗！拍出來的照片也反映到紅色在面上！影完相再去商店影，今期主角Duffy樣子不是特別可愛，但仍是討人喜愛，尤其人扮的Duffy，還會做可愛的動作，又會與你擁抱，小孩們都很開心！

睇Parade時，已加入飄雪效果，增加了氣氛，只是怕沾濕相機！講開相機，在店裏一不小心相機從手上一甩，差點掉到地上，幸好僅僅抓住相機帶！否則，應該會鏡頭先落地！好彩無事:P

我地圍住糖果屋影呀影，影得好開心！好快便天黑了，今次終於可以睇6:30pm果場show，上年同上次都miss左，在小鎮大街聖誕樹前，有人唱聖誕歌，之後有些手持雪花牌的演藝人員一字排開，全場關燈後，雪花遂一亮起來，再配合少少煙花，好漂亮呀！再加飄雪，好有聖誕氣氛呀！

情迷水晶

果日去飲之前，食完蛇羹之後，去左東角睇水晶，店裏的sales姐姐認得我！已經很久很久沒有睇過水晶了，想要買一條黑碧茜，她說來了些新貨，是金燿石圓珠，我好似有又好似無！不過見質素不錯，價錢不貴，只是沒有折扣，但買一送一！(那表示要快些去貨吧！) 也好，就分一條給姊姊吧！她還拿了黑磒石出來，綠磒石我是有的，黑磒石就沒有，也是圓珠，這個是貴一點的貨，有折扣，仍是買一送一，又剛好只有兩條.......也分給姊姊吧！最後選了黑碧茜，又買一送一！但可以選其他款送，我選了白幽靈，揀定之後，她仍給我看其他貴價貨，只是太貴了，戴上手試試也好！其中一條藍寶很漂亮，我試了又試，才放下，戴過都滿足，不需擁有了！

蛇王二

去飲之前到老銅行左一轉，舊年無去過，今年好想食！諗起佢哋既招牌脆皮潤腸！我四點幾先去到，都幾乎滿坐！我叫左套餐，蛇羹+潤腸飯+油菜，我唔記得可以轉雙拼，早知改义燒拼潤腸，個套餐已經漲價到$82，不過熱辣辣既白飯配脆卜卜既潤腸...........好味到呢...........正！其實都想飲燉湯，又想食蛇羹，都係揀左蛇羹，啱冬天多d，反正燉湯好多地方都有，亦都好耐無食過蛇羹，我食到成身汗！又好飽，好在餐喜宴遲左開席，先至食得落！

Larry's wedding

網誌日期：2010-12-02 01:25

還是第一次去一個婚宴是新郎新娘都唔識既！今次係新郎的爸爸請我飲，喜宴在北角Harbour Grand Hotel 的 ballroom，地點尚算就腳，頗近地鐵站，始終是 ballroom，感覺很 grand，而且很新淨，大堂巨型水晶吊燈下，有少女彈琴，ballroom起高樓底也有多盞水晶燈！我們一班人坐同一張枱，完全沒有和新人拍照！成晚既程序都相當慢，九點鐘開席，食到十一點半，席間都有dead air時間，Eric無無聊聊地用紙摺左朶花，插在牙籤筒都幾靚！

又到聖誕

網誌日期：2010-12-01 00:35





一年容易又聖誕，2010快要完結，時間過的很快，看看舊的網誌，已是五年前的事，有些事好像是很久之前的事，卻原來是很近期的事，有些以為是前兩三年的事，卻又有五六年了！愛看舊照片，令人想起很多歡樂回憶！現在要多拍照，將來才有多些回憶，如果有一天腦退化症，不知有沒有幫助？

今天去了尖沙咀，Harbour city碼頭那邊圍了欄，好像有國內集團攪function，人人只能在圍欄外及樓梯上拍拍照，今年的聖誕裝飾不太漂亮，比較單調，拍了一陣，見到太陽走得很快，這咸蛋黃在對面海的大廈之間愈降愈低，天快要黑了，趕快到1881 Heritage，那邊有個巨型的旋轉木馬，和巨型Tiffany禮物盒，這商場很漂亮，只是較難在此消費！只有拍照！

這幾天都upload唔到相，upload幾張相只有一兩張upload到，甚至一張都load唔到！今日先發現原來是相片的size太大，yahoo只可upload 6MB的相！以現時相機像素愈來愈大，yahoo該要update吓！

泰蘭花

網誌日期：2010-11-30 00:41



好開心！跟New York來的好友見面！上次見面已是一年前我剛從大版旅行回來的時候，轉眼又過了一年！約好了在朗豪坊等，我早了點到達，在朗豪坊行了一圈，在L4影了幾張Hello Kitty，再到樓下等，落到樓下已見到她在等，她剛從泰國和廣州回來，還帶了手信給我，真不好意思！我沒有買甚麼給她！她還嚷着請食飯！我當然堅持我請！

我們在樓下水牌睇吓有乜食，我話原本想食泰國菜，但係佢剛從泰國回來大概已食過更好的泰菜吧！但她說在泰國沒怎麼吃過泰菜，所以我們還是選了這家泰蘭花，好多時睇完戲經過都想去試吓，今天終於去試，我們只叫了兩道菜，一個炒肉碎和炒金邊粉，味道不錯，我們邊吃邊傾，傾到人家清場才走，好開心，雖然很少見面，多數只在facebook傾幾句，見面時還是無所不談！真希望有一天能在New York相見！

Rita's wedding

近日有好幾個朋友結婚，這天是Rita的婚宴，我地見到個menu都笑"徐陳"仲爭個"紙拖把"，成枱只有三四個熟d，其餘都唔熟，原本留返個位比Moon同Ken，等等吓都比人坐左，新娘子明顯瘦左兩個碼，着起晚裝明豔照人，阿Jack就最遲先到，上甜品先到，算係好有心！

Let it snow

網誌日期：2010-11-23 23:27

都有一陣子無去迪士尼！往年Halloween都會去，今年太忙去唔到！今次順便續埋個Annual pass，送左士迪仔咭套同四個badge，心情興奮極！

呢日晏左入去，去到已經三點幾，剛剛好三點半做 Parade，主題係Let it snow，開始時仲有飄雪效果，氣氛很好！

睇完Parade入左大街睇精品，多左好多新product，好得意，而且周圍都佈置得好靚，好有聖誕氣氛，今年無左米奇大屋，而改為城堡前既小花園，搭建左幾間屋，都好靚！影完d屋又夠鐘睇米奇金獎，睇完已經天黑喇！再去睇4D，睇完再去玩buzz lightyear，行多陣都差唔多要去等睇煙花，煙花當然無乜唔同，如果好似之前咁有眼鏡玩吓就好！

天空之城 Skyline

網誌日期：2010-11-23 00:34

都知道呢期無好戲睇，果然係！

套戲講一班人在酒店發現窗外有幾團藍色光出現，那道藍光會將人帶走，吸上一隻巨型飛船，隻飛船又會放d怪物出來搜查人類既蹤影，呢班人意圖逃出酒店唔成功，成班人响酒店想辦法對抗，最終全世界都難逃一劫！最後死淨男女主角，佢哋吸左上飛船之後，男主角被抽出腦部，植入怪物身上，但男主角的腦控制了怪物的身體，當懷孕的女主角將要被劏肚時，怪物身的男主角當然出手相救，完！！！

話完就完！可能電腦特技支出太大吧，除了電腦特技外，其他部份好似低成本製作！全部在酒店內發生！各演員都是名不經傳！戲中既飛船怪物都熟口熟面！似異形加Matrix！總之就令人失望！

曹格演唱會

網誌日期：2010-11-21 01:32



很久沒有聽演唱會，Flora一早買左飛，佢竟然買左飛先揾人睇，佢揾唔到人睇仲差d自己都去唔到，我唯有涯義氣啦！hahahaha....！其實曹格既歌我一首都唔識！就睇吓有冇令我感動既歌。



我地約咗七點响東涌等，我諗好唔好買嘢入去食，定係入去先食？我記得博覽館無乜好食，但係我地唔夠時間，最後决定入去食，我地坐巴士入去，去到好多人，因為好多係睇清明上河圖，去到食野既地方迫滿人，無人果d就係d野食賣哂！早知買嘢入去食啦！最後我地買到熱狗同雞脾！食完就入得場，入場後我地打比阿文，睇吓佢哋坐邊？原就响我地左邊上十幾行！


一開場就唱左幾首慢歌，我一首都唔識！只係有一首應該係改編歌，melody有d耳熟，之後嘉賓表演時，我都唔知係邊個？唱左兩首好rock既歌，到曹格再出場先知原來係周國賢，佢劃左眼線，gel左頭，真係唔認得！之後曹格唱左幾首英文舊歌，又唱四大天皇既歌，最後encore左一首歌就完。

濕地公園

網誌日期：2010-11-20 00:35

一行八人去了元朗濕地公園，我是第一次去，有幾個就去過一次，因為半年証$50，一次証$30，我對睇雀鳥興趣不太大，所以去一次已足夠。

我地坐西鐵去元朗轉輕鐵705號直達濕地公園，我第一次撘輕鐵，都好快去到，一去到先食飯，呢日有好多學生，好似成間小學咁嘈！！出到去公園既area就無哂學生，反而幾多大陸遊客，同埋有幾pair人在影婚紗相，有d景都幾靚，好啱影人像相！

我地行行吓兵分兩路，佢哋帶左重型裝備果幾個專注影雀鳥，我地輕裝備果幾個就影吓花花草草，一路行一路影，好快影到五點關門！影完相就散，我地三個坐巴士出旺角都要個幾鐘先出到去！！

match.too cafe

網誌日期：2010-11-17 23:38

今晚同好友到朗豪坊食飯，以為今日開始聖誕 promotion，原來是翌日，不過今次是Hello Kitty大家的興趣不大，純粹想食餐飯。

今天的晚飯時間較平時少人，很多地方不用等位，就選了我一直想試，但經常無位的match.too cafe，一入門口就見到郭少芸，她自己帶位，店內有很多人都望着她，大概她也習慣了吧！
坐位頗擠迫，與鄰坐的食客坐得很近，傾計也不太方便。我們叫了招牌菜軟飯皇，三文魚意粉，豆豉鯪魚油麥菜，那個飯好像加了芝士，幾好味，意粉就一般，飯後叫了三款迷你甜品，味道沒甚麼驚喜，雖然不差，但沒有令我有想再去的衝動。