Hello Kitty Black Wonder

今天和姊姊及姨甥們去Emax玩Hello Kitty Black Wonder,不算太多人,起碼唔使等,入面d景好cute,可惜唔可以影相,只好在門口和售票處影,個遊戲都好易玩,不過對小朋友黎講就好好玩,姨甥女好想玩多次,或者下個月再安排同佢同學仔再去過,佢地買左T-shirt等紀念品,我就無買,之後我地去左滿記食甜品,嗰間滿記甜品大碗d,可能地區問題啦,不過我又唔肯定價錢有無分別,我地大吃一餐,又甜又凉爽!!!

放手

那一年,她認識了一個男子,兩人拍拖了,她的父母早已分開,她跟母親和婆婆一起生活,家中只有她一個女兒,母親有點神經質,她經常要承受母親的神經過敏,母親不喜歡她拍拖,所以她決定要離開這個家,她結婚了......跟她心愛的這個男子,建立自己的家,他胖胖的,其貌不揚,她就是愛他這種簡單平凡,她很幸福快樂,他就是她的一切............!

這一天,她哭紅了雙眼,淚沒有停過在她面上流下,她哭訴着............他.............有了另一個她.........他最近故意避開她,她迫使他說出了真相:

他說.....他其實沒有真真正正愛過她,

他說....他已忘記了曾經和她有過戀愛的感覺,

他說....他沒有為她前男友的SMS有過半點醋意,

他說....她是自己一個很重要的親人,

他說....那個她讓他重拾戀愛的感覺,令他背着別人丈夫的身份主動去追求那個她,主動約她,主動吻她................!

他說.....即使今天沒有那個她,日後也不會保證沒有第三個,第四個.......!

他說......他仍然想繼續做她丈夫,但同時仍追求談戀愛的感覺.

這一刻,她崩潰了,我的心痛了,我拉着她的手...........我問她........為何不放手??? 她說不捨得,她說不知道日後怎樣,她不可以讓神經質的母親知道,她沒有另外的一個家也沒有其它親人,她不能忍受將丈夫分給別人,而他這兩日好緊張她,又主動擁抱着她親她,這是他四年來都不會做的...!我告訴她事情總要解決,眼下只有兩個選擇.............我不敢斷然叫她離開,也不會鼓勵她忍受,沒有人知道那個決定是正確..............但我可看得見放手後,她會有美好將來.

我記得看過一個廣告 "成長,是一次又一次的放手", 人總有難以決擇的時候,女人,對感情向來重視,要在這時侯放手,是很困難的一步,即使不放手,將來對他還會有信心嗎?還可以互信嗎?到底是不捨得抑或不甘心,是不能沒有他抑或不習慣沒有他,無論真正的原因是甚麼,無論她的決定是怎樣,我只能支持她.........人要經過挫折才會成長,沒有某些經歷,就沒有將來的她..........只希望她能勇敢地面對!

Batman - The Dark Knight

終於買到飛,成套戲都好緊張,多場爆炸追逐即戲都好緊凑,尤其响香港拍果段,零舍覺得好睇!!!香港既夜景真係好靚,套戲成2個半鐘好長,演小丑的希夫做得很好,好搶鏡,見到佢出鏡就驚,反而主角同Morgan Freeman就無乜特別,戲份好低.
夜晚竟然撞見Suki,同佢去Starbucks飲左杯野,佢要去學車,坐一陣就走,我地約左25號食飯,希望到時齊人啦!

譚仔雲南米線

今日好熱,夏天終於來了.......行出街一陣已經成身汗,由佐敦地鐵出來行去南京街揾譚仔雲南米線,只係一個街口,都身水身汗,應該穿過裕華過去近好多,間鋪都幾大,可能d枱放得疏落,感覺空間好多,都係一般茶餐廳既格局,店員推介套餐米線,其實係一碗好大碗既米線,有整所有既餸,可以兩個人share食,$39都好平,但係我都驚食唔晒,但係散叫一餸米線要$20,每個餸$4,如果叫兩碗都貴過套餐,最後都係散叫算喇,另外再叫左客土匪雞翼,個雞翼都幾好味,米線就一般啦!

食完野去左朗豪坊,諗住買飛睇蝙蝠俠,不過買唔到飛,上去Starbucks飲野又無位.......走去睇叠啤牌,睇完去da dolce 食雪糕......好眼瞓......一早返左屋企sleeping......zzzzzzz

Magane stand

今日去左銅鑼灣,都好耐無去,因為Wacoal做減價,去入返d平bra,之後買左個史廸仔做型既 Megane (めがね眼鏡)stand, 樣子很有趣,店員說是人手上色的,我見每盒的細微位置有小小分別,應該是人手油顏色的.它還可以貼在車內,不過它背後有個窿,用來放眼鏡布,我就覺得麻麻地.

BB lipstick

上個禮拜去左Bobbi Brown 買唇膏,sales 姐姐介紹了lip balm 和cream shadow, 我還買了Nude色的唇膏,之前買的creamy lipstick很好用,很潤,很自然只是很快無色,依家2支顏色相近的一起用,既潤滑又持久,至於那個eye shadow顏色淡淡的有小小閃令,可以單獨使用,亦可作打底加粉狀shadow在面,會較持久,之前用粉狀eyeshadow,好易甩色到眼袋,現在解决到這問題亦不用浪費了之前買的eyeshadow!!!!
又落雨了,仲係黃雨,一時天晴,一時行雷閃電,唔知幾時先好天?

iphone

朋友買了部白色 iPhone,問我有無興趣,我就無喇,比成五仟幾蚊買部功能麻麻地(藍芽只可對應耳機,連資料傳送都唔得!),只值仟零蚊既機,除非個plan好啱用嘟...............尋日仲有炒價上到過萬,今日跌到八九仟,今日都有兩個friend 話有貨問我要唔要?我問埋我d friend 竟然無人要??我見朋友部2G都唔係好好用,所以都無乜興趣買,何况仲咁貴tim!

乜水

網誌日期：2008-07-13 00:45

個電腦幾日都上唔到網,問人借左支HSDPA用,點知佢支modem都壞既!!今日再試吓上,先發現原來甩左條電話線!!!!!!!!!

前幾日去OK見到佢地擺左一d支裝飲品出來,原來做緊promo,有十幾款飲品,其中有d都見過,好似 FIJI水,午後の紅茶,玄米茶等等,都在其它超市見過,我買左三支比較有興趣既試吓,一支係水素水,佢來自日本九州,注入左一百萬分之3氫氣(+H2)話有助清除體內有毒既活性氧(好深!!難明!!)我記得好似曾經睇黎惠堅寫過,另一支有個布甸樣既係Pokka布丁奶昔飲品,之前飲過布甸奶茶覺得好香滑,呢支唔知會唔會一樣?仲有白色個支係Calpis極品乳酸,佢以2種乳酸菌混合而成,比一般乳酸飲品更優質,口味更濃烈(我估佢可能比益力多濃味d!)我淨係飲左支水素水,同之前飲過既fiji差不多,水質比較"重',以前有隻nano water納米水,我覺得好"滑",唔知點解依家無得賣,可能以前d人唔會比多一倍錢買支水,所以做唔住啦!

尋晚行雷閃電,半夜嘈醒了,個人醒左,唔知點解,d行雷聲好特別,同平時唔同,嗰刻好想行出街睇..........好似個幾月都無停過咁落雨!!!!!!!!!!

熱BBQ

網誌日期：2008-07-05 00:01

今日去BBQ...........超熱呀!未開始已經成身汗,雖然係黃昏,但係仍然好熱,最慘一d風都無!一路燒一路勁流汗,我乜都無食,淨飲野同食水果,太熱了,早知唔去啦!不過出身汗都好,係黐立立同埋臭汗味辛苦d,我地差不多走既時候先至有人攞牛角扇出來吹.........亞雯佢地提早走話去唱K,我就即刻去地鐵站凉冷氣,返屋企沖個凉...........舒服晒!

Hancock

睇賣飛情况,就知呢套最多人睇,始終特技電影都較受歡迎,套戲都幾好笑,都係d美式笑話,都ok好睇,開埸前睇其它電影既預告,都好期待睇蝙蝠俠同埋The Mummy 3.
今日好熱,終於都落完雨,屋企部冷氣壞壞地,睇吓呢幾日點,可能要買過部........又想買手機........睇中左部HTC Diamond要五仟幾..............no money 呀!

Slowly by da dolce

網誌日期：2008-06-28 01:50

最近好多雜誌都介紹 Slowly by da dolce 在朗豪坊新開的店,這店包含了電台,書店,食店於一身,白雪雪的裝修,小小的店裏,多數人都圍在雪糕櫃前,試食或購買,我因為吃完壽司感到肚飽,只買了杯regular的雪榚,$24一杯可以選唔同味道,我先選了我最喜歡的黑芝麻,其它都是一些常見的味道,西瓜,蜜瓜,朱古力,tiramisu之類,我見有番石榴味,便選了試試,那番石榴很香,雪糕因為是gelato,無咁"硬",不會太"漏",都幾好味,仲想再食,不過食完好凍,都係留返下次再食過!這天電台沒有人,我見枱上都有一對喇叭,每排坐位都向着電台的window,我諗有節目時定會有很多人看!我常覺得朗豪坊的規畫都做得不媽,因H&M而作的改動是個好的開始,其次是market place, 以前這一層的店很快便關門,現在這Slowly 也是個很好的idea,感覺好fresh! 我頗為喜歡去朗豪坊的,希望攪得好些,不過講到睇戲,就一定係又一城!!

Monster Sushi

網誌日期：2008-06-26 23:59

這陣子頻頻的下雨,都不太願意外出,下午見停了雨,便外出走走,去了朗豪坊,上L12的Monster sushi 試試,之前有雜誌介紹過,在門口看看Menu見價錢不貴,一般的壽司都是$18-$35,只有壽司和一般的小食賣,店裏人客只有幾人,有些露台位,可望到下面長長扶手電梯,燈光較暗,差點看不到menu!至於食物的質素就一般,沒有特別的驚喜.

今天有點頭痛,加上天氣不好,很不舒服.........還是早點睡

Panuri

網誌日期：2008-06-24 00:45

上星期在連卡佛買了一set , shower wash + lotion, 這個泰國牌子Panpuri早前在飲食男女也介紹過,聽說他們用天然植物水果做材料,亦希望在清潔過人冥想靜思.....云云,我買的這個系列是Inner Peace, 香味都幾清淡,那支lotion試上手好快吸收,塗完唔會黐立立,好似無塗過咁,要試多幾次睇吓夠唔夠潤先,原先想買的木瓜身體磨砂卻沒有貨,那些店員出奇地有禮,平時呢類公司的店員都很高傲!
尋日同亞雯食飯,覺得佢最近的脾氣差了很多,早前她轉了上司,她不斷向我訴苦,說她上司是好麻煩的人,仲成日鬧人,佢都有幾次比佢鬧到喊,經過大半年時間,她開始越來越似她那個鬧人的上司,為了很少的事,鬧了人三四次,情緒波動很大,有點蠻不講理,亦由以前的訴苦變成對上司的認同,我告訴她我的睇法,希望她放鬆點,別變得跟她上司一樣,令人討厭!也許她比我更需要這Inner Peace !!

Breath Palette

人越大越重視牙齒的健康(細個果陣識咁諗就好啦!)小時候家裏用黑人牙膏,對小孩來說那薄荷味太"辣"了,長大後便試用不同的牙膏,近幾年都用蘆薈牙膏,在City super買的一款 for women 的蘆薈牙膏味道不太濃,有小小薄荷味,配合牙擦機和清潔舌頭,都覺得效果不錯.

早陣子去Log on 買牙膏時,見到貨架最低那格,放了很多支細細支的牙膏和漱口水,牌子是Margarat Josefin的Breath Palette, 有很多種味道,有大路的提子,檸檬,雲尼拿等味道,亦有較特別的香蕉,咖喱??等,不太記得還有那些味道,好似有成三十種,佢有個list show左幾號no.是那種味道,我見佢細細支(25g),就買支試吓,牙膏我揀左18號既白桃味,而漱口水就揀11號既香橙味,試用左,覺得比較啱小朋友,入口時幾香甜,好快就無味,好似食香口膠咁,一陣就無晒味,如果有小朋友,又想吸引佢地愛擦牙,可以買幾種味交义用吓,應該吸引到小朋友,見到佢地有gift set, 2支牙膏+1支漱口水+bear bear 牙擦仔,買來送比小朋友都好夠健康!

上海博物館

飲完湯我地在附近漫步,去左美羅城,呢個商場好細無乜行,我地行到成身汗,去左Hagaan Daz 食雪糕,跟住坐重去埋博物館,呢個博物館都幾多野睇,有多個場館,在博物館外有一大片公園,有些人在放風箏,有些人在看書,附近的高樓大厦都有d幾特別既外型,我地四點走,坐的士返酒店的路途不遠,只是交通很繁忙,往浦東的隧道四時後的士不能駛入,司機要兜路,我們剛好五時前返回酒店取行李,在乘的士往機場,這程車足足行駛了一小時,我在車上睡着了,到達機場已是六時,車費是$150元,到航空公司櫃位登記後,在機場登機閘等候時,有一個年輕港女拿看手提電話用廣東話大聲講,像和對方爭抝着甚麽,全部人都望看她,那一刻真不想人知道我也是香港人!!!

騏禎宮

黎到旅程第三天的晚,呢兩個懶鬼都係去正大廣場食,商場入面有間花茶店,好漂亮,好想試,不過見佢地得cake,唔係咁啱晚餐,後來我地揀左呢間騏禎宮老北京涮羊肉,其實前一晚已經想試,不過去到佢地就快關門,所以呢日早d去,咁想試因為見到佢地個爐,同埋亞雯唔食得牛肉!我地叫左清湯底,2碟羊肉,菜,同埋肉丸,碟羊肉都唔錯,我覺得好食過小肥羊,食完我地去左滿記食糖水!食完返酒店執行李,翌日撘夜機走!

The Incredible Hulk

今日落雨,去唔成BBQ,都係留响室內好d,睇返套新戲先,呢套戲好多人買飛,好彩一早買左飛,開場前去左rice paper食左碗河粉,一邊睇人地溜冰,so free..........講返套戲,比之前果套好睇d,都好多打鬥場面,結局有點爛,雖然有鐵甲奇俠客串,都覺得浪費了!

東方明珠電視塔

網誌日期：2008-06-13 23:44

在酒店休息一會,見時間尚早,便決定去東方明珠塔,相信夜景會比較漂亮吧!見票價有幾種,要去晒三個"波波"包括最高350米的"波波",要$120!入到去要排隊坐電梯,不過唔太多人,坐電梯時,那個電梯女郎用中芙文講歡迎到東方明珠塔現在將會上升到XX米.......之類說話,語氣冷漠得像播錄音帶,成部電梯都好靜無人講野,我就好想笑,因為個電梯女郎自顧自講晒就算,真係似播緊帶,我都忍得好辛苦,好彩好快到,上到去,行在一個圈,無乜特別,夜景都幾靚,不過我覺得,如果上去國金二期頂樓睇香港夜景會靚好多!!!

龍華寺

網誌日期：2008-06-13 01:27

上畫去完好多人既豫園,我地覺得幾失望,不過去外地旅行,都要去睇吓d名勝古蹟,唔去過又可能有d遣憾,我地跟住坐車去龍華寺,去到都四點,成個area 都無乜人,買完票入去,憑票送左一札香,我地入到去見到大香爐,就裝左香,後來先知入面仲有好幾個大殿供奉唔同既神佛,呢度好寧靜,感覺好祥和,d佛像好大座,有幾個唔同既觀音像,又見到有個大花牌,寫住超渡四川同胞,成個氣氛沒有熱鬧嘈吵,只有寺廟應有的禪和靜,感覺舒服,我地都好喜歡呢度,後來坐的士走時,司機話呢度無乜人去,我地都奇怪,咁好既地方會無人去,唔怪得呢度無Starbucks 啦!