外灘

網誌日期：2008-05-29 01:15




由南京路步行到外灘,路經和平飯店,原來己經重門深鎖!!!!好像快要拆掉,從玻璃門望入去,只見一些舊雜物!大門鎖上了,只有些人坐在門外閒談着.......!!它的南北翼位置就像彌敦道的半島和喜來登,轉個彎就是外灘,像半島一樣,門口有個行人隧道入口,通往海濱長廊,一去到黄埔江,就像尖東海皮,最大分別是黃埔江........超臭!!!!!!!!!江水又黄又臭,企一陣適應左就無事,嗰度好大風,好多人放風箏,又有人替遊客拍照,有小食車,有切開一大塊的西瓜賣,有冰糖葫蘆也有冰糖水果同椰皇($10個太貴了),當然少不了有風箏賣,路上見到穿開襠褲的小朋友,好有趣.我地由外灘影過對面岸,正是陸家嘴,即是東方明珠塔的位置,我們住的酒店正正在前面,有個圓型地球長方型嗰座就係喇!!海上還有大型廣告板的船,唔知點解四週白濛濛,但係又唔潮濕,睇廣告船張相就有强烈對比,不過當晚都落左陣微雨,行完外灘,返酒店休息(腳軟呀!)之後去就食飯!

屋企湯館

26/5/2008

去到最後一日,我地決定去徐家匯,因為唔太遠,我地Check out 左之後,將行李寄存响酒店,book埋的士5:00pm响酒店等,預計6:00pm前到機場坐8:00pm機返香港.
首先梗係食野先,我地直接去到徐家匯既港滙廣場,呢個商場走高檔路線,有點像時代廣場+又一城,當然地方也較大,可能呢度有天然陽光,係我响上海見到最光猛的商場,不過都係無乜冷氣,我地响食店嗰層,揀左呢間屋企湯館,貪佢有d住家feel, 價錢亦唔貴,我地叫左一窩豬湯,一個雞油花雕蒸雞,同埋炒菜,個湯ok喎,無味精,d豬幾好食,我地食晒tim, 個蒸雞有d蛋白,吸晒d雞油同花雕,好味道. 我飲左熱湯之後覺得好熱,因為冷氣唔夠,係咁流汗",但係全場得我一個人係咁抹汗,其它人完全無熱既感覺,攪到我好似怪物咁!

Enchanted

尋日去睇戲,諗左好耐都係睇 Enchanted 魔法奇緣,都好耐無去睇戲.......呢套戲最啱d鐘意廸士尼童話世界而仲有些童真的大朋友睇,好似我咁...........每次聽到廸士尼d歌感覺都好開心,個女主角好天真無邪,對愛情有好多疑問,因為佢既單純,問既問題都令人反思愛情,其實我覺得套戲可以拍得再好睇d再攪笑d,始終係童話人物去到現實世界,可以有好多笑話.
睇完戲去左食飯,去左好好粥麵食野,d野食麻麻地,d雞唔好味,失望!

Shanghai

網誌日期：2008-05-09 00:56

同亞雯計劃去上海遊行,佢買左本書,封面閃令令嗰本,我之前買過一本,覺得麻麻地,佢都話係,我就去揾第二本,去到書局,得黃色封面嗰本,內容都唔太理想,之前買過本日本旅遊全攻略,覺得佢地係最好既,上個星期比我揾到呢本上海旅遊全攻略,真係詳盡好多,到時一於帶住佢去先得!

Prosays'

網誌日期：2008-05-01 00:13

今日去左朗豪坊買eye cream, 我諗緊買返 SKII 好,定係試吓 Shisedo新果支好,行到化妝品部,可能果吓無乜人,d sales 姐姐係咁走埋黎sell 我,我都係走左去H&M行吓先,果度成日排長龍試衫,我見到條藍色長裙好靚,可惜我carry 唔到,咪唗左條裙!

再去Seibu, 行緊去 SKII 時,有個sales截住我,問我有無聽過佢地個牌子Prosays' 其實聽過吓,之前睇報紙介紹過佢地個皇牌product, 不過唔記得係乜野,佢話佢地個皇牌product 係一款叫做 Disappear 既cream, 可以修飾細紋,撫平皮膚,用作打底,他試在自己手叫我摸吓係咪即時平滑左,又係平滑左喎!跟住佢介紹另一皇牌 Cheer up 胭脂,我諗起係報紙介紹果款product, 佢只有一種色,佢係水狀,有粒走珠,份量由自己訂,想淡色就"轆"一兩吓就得,個效果好自然,跟住佢介紹埋佢地隻高清粉底,講講吓,我忍唔住問佢,其實佢係男定女?佢個樣似tomboy,把聲似男仔,但係化晒妝,full make up 果隻??佢都好老實咁話佢係男仔叫Kevin,仲係d女同事好妒忌既男仔,咁佢女仔樣皮膚又唔差,真係好多女仔都唔及佢,最後我都買左套foundation set,都好多野送,佢仲教我畫眼線,佢話金色下眼線夠sharp,我話金色唔啱我,啱你地d後生女...唔係...係後生仔......!之後我話d眼妝好難卸,佢仲介紹我用Sofina隻缷妝油tim.

日本零食

網誌日期：2008-04-20 00:49

尋日睇飲食男女,話Taste做緊日本美食節,雖然佢地經常都做呢類promotion,不過見今次d野食都有d特別,就去睇吓,原先想買雜誌介紹既青蘋果片,不過呢類好似薯片咁既零食,我食得唔多,都係唔買,見到有款 Apple Choucake, 泡芙蛋糕,有盒 sample 响度,好似幾得意,而且泡芙應該唔太差吧!買盒試吓,另外有款Kobe crepe cheese cake, 好似都ok喎,而且cheese 都係"賣飛佛"......見到哈蜜瓜 Steam cake,都可以飽肚d掛?等我試完再同大家分享吓! 另外買左幾個碗麵試吓........我食左"東京"嗰個,味道好普通........原先想買出前一丁日本版,但係$45/5個,貴幾倍,唔會好味幾倍啩??所以無買,行行吓見到d好大隻既東菇,睇吓我隻手指公既比例就知有幾大!!唔知係咪基因改做????

今日無端端三號風球+黑雨,尋日又話唔會改掛三號,呢個"浣熊'真百厭,當堂凍左好多!

Wood Stone

網誌日期：2008-04-10 22:39

今日去左Mega box ,接駁巴士好多人坐,雖然唔使排隊,不過都上車既人都好密,每次去到Mega Box門口都好多人,但係入到商場就水靜河飛,d人唔知去晒邊,d商鋪九成都無人客,好靜!唔知點維持生意?去厠所都好驚,條巷又靜又無人,都幾陰森....!

去到2樓果間叫Wood Stone 既餐廳,都有幾枱客,不過得set lunch 食,我地叫左泰式肥牛湯烏冬同西冷扒,個湯白色既?响果幾片肥牛上落左d醬,好似老麥用黎點雞翼果d辣醬,都幾得意,不過好細碗,食唔飽,呢個應該叫下午茶餐,當lunch 食點夠呀?

搭車返去德福時,已經好肚餓,我去左Italian Tomato 食cake, 想食淨士多啤梨蛋糕,個店員話無, 唯有揀左士多啤梨芒果蛋糕,叫左杯 latte , 食完走果時見餅櫃新切左個淨士多啤梨蛋糕???又話無???跟住去左L'Occitane 買佢地果 Cherry Blossom 系列,味道好清香!!! 今次送果個袋都幾靚,送果支細既 body wash 諗住攞返公司用,事關公司個 toilet d 皂液溝左水,管理公司勁cheap, 每次按皂液,就會咇d 皂水出黎,好難頂!!!

天生冠軍相?

網誌日期：2008-04-10 01:37

今日見到慧姸雅集既義賣counter, 果度有幅海報貼滿港姐d童年照,上下有幾個港姐既近照,响果d童年照片加左紅色框既就係有近照個幾個港姐,比大家佔吓邊個小女孩係邊個港姐(嗰度冇寫答案)...我估紅包框嗰三個,左至右係陳法蓉,鄭文雅,楊寶玲 (佢個樣同表情都無變一睇就知係楊寶玲!) 而下面紅框嗰果係楊思琪, 隔離嗰個好似李嘉慧,其餘果d真係睇唔出係邊個??

Miss Pettigrew lives for a day

網誌日期：2008-04-04 00:31

個Blog幾日用唔到,不過都無乜特別野,今日去睇左呢套無宣傳既電影,女主角 Amy Adams 係電影 Enchanted 的那個公主,在這戲內的她好像仍停在之前的公主角色裏,套戲一般啦!睇完最記得d好重英國口音既英文!
今日响商場遇見阿傑,佢做物業管理,同佢傾左一陣,吐吓苦水,佢話份工好悶,好似日日等時間過,我諗都係打份工嘟,做乜都會有悶既時候,傾傾吓,都驚阻住佢,約左佢下個星期出黎食飯,睇吓約唔約得齊人啦!

晴晴

網誌日期：2008-04-01 01:13

前日Gary 同魚魚帶埋佢地個女晴晴黎探我,好開心!我地一齊去餐廳食野,睛晴好乖,又肯比我抱,佢七個月大啦!個樣似爸爸多d,個面尖尖,咀仔尖尖,對眼似魚魚多Ｄ,仲好多頭髮tim !我同佢影左幾張相,不過影得好差,唯有下次影過.

尋日成班人去左禾輋大排檔食飯,同Tommy fair well, 嗰度d餸好細碟,每個餸每人夾得一件,叫左13個餸,有三個賣晒,食完都唔飽,埋單先知原來好平,早知打孖叫餸啦!我地11個人食左10個餸連埋汽水啤酒都係三佰七,其實叫多三四個飯麵都夠飽,應該$500有找,不過夜啦,個個都想快d走,我地仲講笑話趕住返屋企煮麵食!!!

Italian Tomato

網誌日期：2008-03-27 23:24

今日去荃灣,諗住同阿天去荃新天地試吓嗰間 Pasta de Waraku,我地賣甩Alan, 馬馬,阿Va佢地,我地揾左好耐,由地鉄行到悅來酒店又行返去地鉄,都揾唔到,跟住响地鉄站睇地圖,原來離地鉄站好遠,唯有放棄!就近近地去左綠楊坊嗰間Italian Tomato,我地叫左兩個意粉share食,不過食唔飽,我地叫多個pizza食,一人一杯咖啡(好眼瞓zzzzz)坐坐吓就食左2個鐘,食完飯我地去揾Ronald佢地,阿孫捉住我傾計,Paula剪短左頭髮,個個都話佢咁捨得,佢話之前因為結婚先留長,佢話"又係你話頭髮會生長架麻,怕乜剪喎"係呀,之前我剪短頭髮時都係咁答架,同阿天hea左陣就走,佢就返未來外母度食飯,我就心郁郁去行左陣街,去左Log On睇耳環,見到我之前想買嗰對耳環減左價(好在之前無買!)我見之前賣$99依家有三折賣$29.7,抵!我買左4對特價貨同一對正價貨,都係$211,都好抵!好鍾意紅色車厘子嗰對,皇冠加骷髏骨嗰對我諗住拆左個骷髏骨,粉紅色珠嗰對可能會改為吊勾款!

王家沙/黑目壽司

網誌日期：2008-03-26 23:50

尋日約左Samuel, Alan, Simon, Angel,Pondy同埋黄生食飯,去左旺角嗰間王家沙食,嗰度d小籠包,生煎包都好好味,d汁都好熱,今次食飯都算準時,仍然係Alan包尾,最遲嗰個!Pondy個仔啱啱滿月,佢真係偏心到出面,猛話要返屋企同個仔玩,咁個女呢?仲猛show個仔d相比人睇,又話似佢,又話親自拍攝佢出世既情况,唔知以為生第一胎tim! Angel 就話過兩日搬返去同奶奶住,都好既,慳返d租金,Samuel 仍然滿口怨言.......食完飯都各自離開,又屈左黄生請食飯,哈哈哈!!!!!!!

今日心情麻麻,呢兩個禮拜工作上精神壓力大,加上天氣有點潮濕,睡得不太好,個人有d焦緊,不安,原本想去睇戲,但係坐响屋企唔想郁.....最後都係出去行吓,去買吓野發洩吓先.........去BB買新出嗰隻Creamy lipstick, 買完先知買錯左 Lip balm !!!!!去See's Candy 諗住買Toffee ,驚住太"漏",無厘頭買左罐 nuts ! 都唔係咁好食..........去Page One買左兩本書,Nuts + Books 好重呀!夜晚去左黑目壽司食左碗地獄拉麵,都唔辣既!!!!!!!

快食

網誌日期：2008-02-23 01:07

尋日去超市入貨,買左好多粉粉麵麵,墨魚丸,八爪魚丸,瑞士雞翼,有時夜左返又無野食,可以煮d快速食物,好似尋晚咁,好肚餓,即刻煮左個一丁麵,一邊煮一邊叮瑞士雞翼,加埋瑞士汁做撈麵,快趣又幾好味,間中食吓都OK,始終食得即食麵多唔係咁健康,仲好易肥添!

Cafe Balencia

網誌日期：2008-03-21 00:17

今日去左旺角新世紀,好少去個邊,唔係咁就腳,原先想買Bobbie Brown 新嗰隻唇膏,試完揀好顏色點知無貨!個sales姐姐話可以幫我留,問我會唔會下個禮拜過開黎,我諗唔會,不過佢都比左張地址咭我,或者下星期先去買啦.

响BB過d有間餐廳 Cafe Balencia, 有麵包賣,睇落唔錯,又多人買,我揀左兩個,一個係藍啤梨朱古力高洛芙,好似半個戚風蛋糕加左d朱古力醬响切口度,再加左d糖霜响面,另一個係香橙芝士忌廉包,成片橙响面,好似好香甜咁,留番聽日做早餐,睇吓好唔好食先!

Cafe Balencia

網誌日期：2008-03-21 00:17

今日去左旺角新世紀,好少去個邊,唔係咁就腳,原先想買Bobbie Brown 新嗰隻唇膏,試完揀好顏色點知無貨!個sales姐姐話可以幫我留,問我會唔會下個禮拜過開黎,我諗唔會,不過佢都比左張地址咭我,或者下星期先去買啦.

响BB過d有間餐廳 Cafe Balencia, 有麵包賣,睇落唔錯,又多人買,我揀左兩個,一個係藍啤梨朱古力高洛芙,好似半個戚風蛋糕加左d朱古力醬响切口度,再加左d糖霜响面,另一個係香橙芝士忌廉包,成片橙响面,好似好香甜咁,留番聽日做早餐,睇吓好唔好食先!

Edmond's Wedding

網誌日期：2008-03-18 00:08

等左成年,終於等到呢日17/3/2008,大家心情都好緊張,尤其係Henry,我地約埋一齊响中環等,見到Winson我好意外,見到Danny佢仍然係不停講電話,細傑就着得好靚tim.

去到酒樓好快見到Alan, Ceci, 我地即刻上台影相,今日佢地擺左38圍,好多人,好開心,間酒樓既裝修好有歐洲feel,d菜都唔錯,我都係第一次去飲有原隻鮑魚食,雖然細細隻,都算食得豪,我睇佢地d movie時就好感動..............新娘子好靚,成晚換左三條裙,全部都好靚,成晚都無人玩新郎新娘,可能親戚較多,d朋友又知佢地翌日要飛去日本度蜜月,所以無玩佢地,加上上菜慢,攪到佢地成晚都好得閒,雖然係咁,不過有Alan 呢個口水佬坐响我隔離又點會悶呢!我好開心呀!

鴕鳥蛋

網誌日期：2008-03-17 00:27

傷風左個幾禮拜仍未完全清晒,仲有小小流鼻水,都唔敢唔着褸,因為早晚都凍凍地,今日去超市買水餃,見到有鴕鳥蛋賣,要成$399一個,好巨型,唔知咁大隻有無人買?買左又會唔會整黎食呢?聽講係可以煮黎食架,唔知好唔好食?



上星期買左本旅遊書,介紹日本仙台,好有興趣去,不過依家d Yen 好高,成77,太貴喇!睇怕有排都唔跌啦!遲d先諗lu!

媽媽的生日

網誌日期：2008-03-13 00:57

昨天是媽媽的生日,我們一家人去了食鮑魚,可能病了幾天,都沒有甚麽胃口,食了小小已覺得飽,還有點想嘔.......可是到了甜品又不同了,先吃了個壽包,又熱又大個,之後吃心形士多啤梨果凍,不過無乜味咁,總之無士多啤梨味!之後吃水果,那些西瓜好甜,飯後和姊姊一起坐車,忽然覺得她老了..........!

No country for old men

網誌日期：2008-03-12 00:47

這電影拍得不錯,故事都幾特別,雖然結局有點不明白,不過套戲都好緊張,個主角既痴線又打極唔死,撞車撞到手骨都露出來,仲可以若無奇事咁走!又誇張左d.

The Bucket list

網誌日期：2008-03-08 00:13



呢套戲無乜宣傳,單係睇戲名同兩個演員,已經好想睇,Morgan Freeman既戲都有睇過好多套,Jack Nicolson 比較少睇,套戲講兩個時日無多既病人,一個富商,一個修理汽車,由陌生人變成好友,一齊坐言起行,用剩餘既時間做自已一直想做既野,當然,一個係富商,要實踐夢想也較易,成套戲有笑有淚,對白幽默抵死,令我想到,如果有一天知道自己的死期,會否像他們一樣,寫一份Bucket list,然後逐一實現呢?戲中的Jack Nicolson最喜歡飲一種叫Kopi Luwak 的咖啡,它是全球最貴的咖啡,早前飲食男女也介紹過,當他知道這咖啡的由來,也實現了他們Bucket list 內的"Laugh until cry"!

10,000 BC

網誌日期：2008-03-08 00:04

比預期差,諗住會好多特技效果,原來差不多响預告睇晒,隻大老虎都係出過2次,大部份時間都係d族人响荒山野嶺行行行........走走走..........都幾悶,個主子神神秘秘,點知不堪一擊,死左都睇唔到個樣,夠晒神秘,其實呢個題材可以拍得豐富d既,依家都幾失望!

病

網誌日期：2008-03-07 00:33

今日起身好病,冷親.....傷風感冒.......頭暈暈....... 之前响Fancl買左d粥就煲熱黎食,都幾多料,食完粥再食藥,就好左d,好想打乞嗤........係咁包雲吞,本來聽日去BBQ睇怕都去唔成 !

Juno 少女孕記

網誌日期：2008-03-02 00:41

尋日去睇左Juno少女孕記,入場既多數係女學生,她們吱吱喳喳令成間影院好熱閙,套戲好美國青春片既style, 對白較粗俗,不過令d學生好有共鳴,個男仔主角傻更更,女主角粗魯任性,大了肚又不想打掉胎兒,一心把孩子生出來便送給別人,產後也不去嬰兒房看他一眼,又繼續以前的生活,好像甚麽事都沒有發生過,恐怕會令那些看戲的學生們,像她一樣不理後果,以為生個孩子是很容易和隨便的事!