今日去荃灣,諗住同阿天去荃新天地試吓嗰間 Pasta de Waraku,我地賣甩Alan, 馬馬,阿Va佢地,我地揾左好耐,由地鉄行到悅來酒店又行返去地鉄,都揾唔到,跟住响地鉄站睇地圖,原來離地鉄站好遠,唯有放棄!就近近地去左綠楊坊嗰間Italian Tomato,我地叫左兩個意粉share食,不過食唔飽,我地叫多個pizza食,一人一杯咖啡(好眼瞓zzzzz)坐坐吓就食左2個鐘,食完飯我地去揾Ronald佢地,阿孫捉住我傾計,Paula剪短左頭髮,個個都話佢咁捨得,佢話之前因為結婚先留長,佢話"又係你話頭髮會生長架麻,怕乜剪喎"係呀,之前我剪短頭髮時都係咁答架,同阿天hea左陣就走,佢就返未來外母度食飯,我就心郁郁去行左陣街,去左Log On睇耳環,見到我之前想買嗰對耳環減左價(好在之前無買!)我見之前賣$99依家有三折賣$29.7,抵!我買左4對特價貨同一對正價貨,都係$211,都好抵!好鍾意紅色車厘子嗰對,皇冠加骷髏骨嗰對我諗住拆左個骷髏骨,粉紅色珠嗰對可能會改為吊勾款!
沒有留言:
發佈留言