新城潮州飯店

我因為腸胃不適病左兩日，好友就因為腸胃不適入左院，好彩冇大礙，只係住兩日，不過佢已經悶到發荒！佢住法國醫院，走左出來九龍城同我地食飯，去左呢間食店打冷！呢間野都好舊，不過坐冇虛席，我地行過好多間食店，都見到好靜，係一D老店最多人！

去到仲有位，好快滿座，我地叫左凍蝦、蠔仔粥、鵝片、豉椒凉瓜炒肥牛、蝦干炒韮炒花，D蝦算幾大隻，不過唔係好新鮮，D肉有小小霉，蠔仔粥D蠔仔好飽滿，份量多又冇沙，好味，鵝片鹵汁都好味，潮州店最重要係鵝片要做得好！兩個炒菜都ok，中規中矩，整體食物唔錯，食完坐左好耐傾計都冇人趕，係隔離果枱兩個大叔在吸煙，我地先到走！