Pho bar

病左兩日冇返工，今日都冇乜胃口，仲有小小肚瀉，做野做到成四點先去食D野！近近地，去左利源西街食，呢間店開左大約幾個月，成日想去試都冇試，嫌佢貴左D，今日就試試！

店內只有約廿個位，主要是 Bar 枱位，有兩張4人高枱，地方淺窄，餐牌選擇不多，只是甚麼配料的 pho，還有一款撈檬，之前電視節目介紹過佢地牛肉湯底，就叫左碗生熟牛柳片pho，配料洋蔥、金不換、芽菜等，可以自選要唔要，除左河粉仲有金邊粉，同埋要加錢的翠玉瓜意大利麵，呢個麵睇個名幾特別，不過都係想食金邊粉，師傅在你面前煮，因為 bar 枱圍住廚房，好快有得食，因為得兩枱客！先試試湯，唔算好濃牛肉味，味道唔錯，牛柳半生熟，浸在一浸湯啱啱好熟，唔錯！整體食物臾質素都唔錯，環境就麻麻，音樂好大聲，成班員工在四人枱大聲傾計講笑，回音大，bar 枱旁放左食材，冇蓋好類似醬料之類的食材，感覺不太衛生！