飲完咖啡,去耀華街同好友食晏,我哋揀咗兩間餐廳,一間喺街尾,見到佢半露天,今日天氣好熱,所以唔去果間,轉左呢間上樓嘅食日本嘢,上到去係一個客都冇,今日係星期日,竟然可以冇客,可能已經過咗午市時間吧,又或者佢樓下個水牌未轉名都唔定,店內地方唔係好大,大概有10張吧枱,另外有兩枱榻榻米,每枱可以坐四個人,我就揀咗榻榻米坐,即係要除鞋果隻,餐牌係非常之簡單,有四款熱丼同五款冷丼,同埋一啲小食同飲品,我見到店入面有好多酒樽做裝飾,我估佢晚市係類似居酒屋咁,佢呢度有個優惠就係50分鐘內用餐完畢就可以有七五折,我就等埋好友嚟先叫嘢食,佢係食物上枱之後先開始計時,因為枱面有個計時器,好友就叫咗個牛肉壽喜燒丼,我就揀咗八爪魚配刺身帶子丼,食物都OK,而且有七五折都幾抵食!
食完飯再同好友去睇波鞋,不過佢嫌專門店要行好遠,同埋佢知道專門店冇折,所以我哋去咗時代嗰間馬拉松度睇吓,因為佢自己買咗對Hoka 覺得好靚,所以介紹我去睇吓,成個時代廣場都好靜,但係唔知點解呢間馬拉松好多人,可能佢有折扣,好友睇啱嗰對鞋呢度都有,佢上網買個價錢平少少,而家呢度都有折,折咗之後比好友上網買,仲要平多十幾蚊,所以我都買咗一對😄最近愛上呢個牌子嘅波鞋,因為能夠減輕腳痛,所以前後買咗三對🤣🤣
星期日, 8月 04, 2024
汐
訂閱:
發佈留言 (Atom)
活在茶下
今日去尖沙咀剪髮,剪完髮之後,路過Bake House買咗件牛角包,竟然唔使排隊,再行去碼頭,買杯% 咖啡飲,食埋個牛角包,個牛角包竟然唔脆,我記得以前喺 灣仔分店 買過牛角包,放咗半日之後先食,都仲係好香脆,今次真係相當失望,估唔到水準差咗咁多,但係都仲有咁多人排隊🥺 跟住行...
-
尖沙咀的燈飾亮了燈,怎麽時間過得這麽快,又到聖誕了! 到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢! 原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不...
-
平時去荃灣街市附近,都會見到有間雜貨店,長時間都有人排隊,基本上任何時候行過,佢都有人排緊隊,埋去睇吓D人排乜嘢,原來係買雞蛋,聽講呢度嘅雞蛋好新鮮,我諗咁多人買,貨如輪轉,都好難唔新鮮,不過佢嘅選擇都有幾款,除咗國內嘅湖北同埋北京雞蛋,亦都有歐洲嘅雞蛋,同埋泰國雞蛋,我見好多人...
-
早上先到昨晚吃飯的餐廳吃早餐,buffet again,食物選擇比昨天的 Novotel 少很多,不過細細粒的薯仔好好味,食完早餐,又上返房攞行李上車,今天的行程終於去巴黎了,又是四小時的車程,雖然今天早起身,可以在車上睡一睡,剛開車...
沒有留言:
發佈留言