Hypebeans

今日放假，一於過去銅鑼灣，睇吓新開果間Hoka 專門店，有冇啱心水嘅鞋，去到專門店，見到都唔係好多人，我行咗一個圈，未見到一款特別吸引嘅鞋，不過都睇啱咗一兩對，轉頭搵好友一齊再嚟睇😏

行過去耀華街同好友食飯，經過Donki對面有間coffee shop，之前冇為意呢間小店，唔知開咗幾耐，今日行過又想飲咖啡，約咗好友又未夠鐘，見裏面冇客，就入去試吓，店嘅面積非常細，我諗佢主要都係做外賣，因為裏面只有兩個位，我見到收銀處有一D 包點，我就揀咗一個Scone，因為佢得一款，呢款係鹹味嘅西蘭花豬肉scone，在counter 見到有張 Affogato 嘅相，用玻璃杯裝住，個樣幾靚，所以就嗌咗一杯試吓，但係原來呢度全部用紙杯，唔係用相入面Affogato 用玻璃杯裝，所以賣相就爭好遠😅 scone嘅味道不過不失，因為好少食鹹味嘅scone，不過都覺得味道可以，而杯 Affogato 就有驚喜，咖啡好飲之餘，個雪糕仲好好味，我諗佢將個雪糕單賣都有生意做，我食緊嘢嘅時候突然間越嚟越多人入嚟，忽然多咗五六個人入嚟，不過多數都係買外賣，因為出面好熱，好多人買凍飲，我食完杯雪糕都忍唔住問個店員，佢話雪糕係用Gelato，不過唔係自家製造，我諗我下次會為咗呢個雪糕再嚟🤣👍🏻👍🏻