深圳笋崗

前日去完深圳今日又去！

好友帶路，去咗一個眼鏡城嗰度睇吓啲眼鏡，不過睇唔啱心水就轉咗去飲茶，我唔記得咗酒樓個名，我哋叫咗啲點心，呢間酒樓嘅價錢都唔平，比香港平少少啫，不過食物嘅質素係唔錯，佢嘅招牌菜係黑毛豬叉燒，的確係好食👍🏻見到酒樓有糭券賣，價錢真係好平，不過要買券先有平D嘅優惠，同埋D糭要冷藏，所以都唔諗住買！😅

飲完茶，四周圍行吓，去咗個地方呢度有好多文具店，應該話係文具街，之前新年嗰陣電視台都有介紹過，我哋行咗一轉，不過就冇買到嘢，因為覺得佢都唔算好平，同埋佢呢度啲文具好多冇標價，可能要講價，跟住又去咗一個地方叫做笋崗，呢度有個大商場，我哋入去坐低飲嘢，有行吓超市！

今晚去寶能環球滙商場內，一間叫做舟市水產食店食自助餐，呢度係食海鮮火鍋加自助餐，呢度係一人一鍋，佢有個海鮮檔可以自己撈海鮮，有蝦、鮑魚、貝殼類、小龍蝦等等，我哋就主力係蝦、鮑魚，店員會幫你處理啲鮑魚，但係我哋覺得洗得唔夠乾淨，所以食咗一轉都冇食，同埋佢嘅容器好難裝到D蝦，因為係一隻好細嘅碗，D 蝦又會跳，所以見到好多人直接將D蝦倒落托盤，然後用隻碟冚住避免佢跳出來🤦🏻‍♀️由於呢度主要係食海鮮，所以佢有一份份海鮮俾你自己攞，有西班牙紅蝦、水魚、蟹、係切好一份份的，但係牛肉就比較差，只係呢一款，而且唔靚，除咗火鍋食物之外，仲有壽司、熱葷、鐵板燒牛扒、羊扒、鵝肝等等，飲品係任飲，仲有唔少得嘅係甜品，而佢呢度亦都有任食烤榴槤，我哋就覺得即撈嘅海鮮就好新鮮，所以我哋主公食蝦，同埋榴槤，都食得好飽，同埋食嘅期間都見到好多人等位，成個商場應該係呢間最多人，佢有限時食兩個鐘，二百幾蚊一位嚟講真係好抵食！

食完嘢我哋又去華強北行吓，成日聽人講去華強北買電器，都係第一次嚟，個人覺得冇乜特別，可能我冇打算喺度買嘢，所以覺得只係有啲似先達😂 買唔到嘢就返香港了！