今朝一早七點起身，行出火車站，見到火車站口有間黑羊咖啡(Black sheep coffee) 🤣，見到佢在英國都多分店，同埋火車站外面嘅空地，都有一D臨時檔攤開緊檔，其中一檔 The Flour station 賣麵包嘅已經開檔，佢D麵包好吸引，我哋再入去黑羊咖啡度睇吓佢啲麵包，相對冇咁吸引仲貴D，所以我哋決定喺度買咖啡，坐喺出面D枱，再另外買麵包坐喺出面食🤭 我地買左牛角包🥐同朱古力danish. 包就好食，咖啡就唔好飲 😅今日第一站去波羅市場 Borough Market 🏃🏻♀️🏃🏻♀️
由國王十字車站搭 Northern line ，五個站就到 London Bridge 站落車，唔係去 Borough 站落！跟 London Bridge 站內指示由 Borough 出口出會近D，出到街過馬路行前D就到，個 market 正常開10:00am ，我地 9:23 已到，有少量店已經開左，個 market 好吸引，在入口已經狂影相🤣🤣 已經開左嘅主要係D唔使即刻煮嘅食物，例如芝士、火腿、水果、麵包，生蠔，我地行過一間賣生蠔的，叫做 Furness Oyster bar 店員係一個侏儒男仔，佢向遊人打招呼，又問我地邊度嚟，我地話香港，佢就用廣東話話自己靚仔😂好攪笑🤣🤣， 佢D生蠔好吸引，但係我地想睇吓先，佢隔離果檔係同一公司，Furness Fish grill 主要賣西班牙海鮮炒飯 🥘，仲有青口+薯條，佢地未開始煮，應該要10:00 後先有得食，呢檔後面仲有賣海鮮 for 買返去煮，我地行左一個圈，行埋外圍嘅地方，即煮/即食嘅除咗生蠔、青口、西班牙海鮮飯之外，仲有個蘑菇飯、朱古力士多啤梨🍓，附近天橋底有間蘑菇飯都好出名，我哋試食咗覺得唔係想像中咁好食，所以冇買到，過咗天橋另一邊，叫做Green market ，呢邊冇咁熱鬧，主要都係賣乾貨，即係餅乾、麵包、零食等等，佢仲有一啲座位可以俾人坐低食嘢，同埋有洗手間，行返去天橋底嘅馬路行出去，仲有一D食店，有間Fish and chips、咖啡店、酒店吧等，我哋睇完都係決定買生蠔食先，去返Furness Oyster bar 買左四隻生蠔🦪，要£12，買完可以企喺旁邊即刻食，佢有齊晒啲配料，我哋主要都係要檸檬汁，佢呢度嘅生蠔都好新鮮，而且海水味好重，所以有啲鹹，但係都係好新鮮，好味！跟住行返出外圍有另一間又係食生蠔嘅，叫做 Richard Haward’s Oyster ，呢間店好細間，生蠔只有West Mersea rock oyster ，只係不同大細 size 而定價，另外仲有蜆，我哋揀咗6隻細，4隻中，加兩隻大蜆，共£19.9 ，冇頭先果檔咁鹹，亦都冇佢咁鮮甜，但係都新鮮，當然佢價錢係平好多，都好抵食，而且呢一檔好多英國人排隊，我諗係因為佢性價比較高，呢度平均£1.7 一隻，同頭先£3一隻當然有D分別！食完生蠔，再四圍行一陣，轉個頭返嚟，西班牙海鮮炒飯已經排晒長龍，因為佢嗰大盤炒飯已經差不多炒好，雖然人龍好長，不過應該會好足夠應付，因為果盤炒飯真係好大盤，好友猶豫咗一陣，因為見佢每一份炒飯嘅份量都好大，所以我哋最後都係食青口，放棄咗海鮮飯同蘑菇飯，青口£13一份，買完就行過去Green Market果邊坐低食，青口味道就一般，可能佢嘅醬汁比較重牛油同忌廉，蓋過咗青口嘅鮮味，不過個汁用嚟點薯條就好正！我哋行過士多啤梨朱古力嗰檔，佢有派士多啤梨俾人試食，沾咗朱古力醬嘅士多啤梨好好味，好友又話想食，但係又驚食唔晒，因為佢一杯都幾大杯，加埋朱古力應該都好漏😅 最後我哋只係食咗三樣嘢就走，其實我哋好想買芝士食，但係呢度D芝士店賣嘅 mozzarella 好大粒，成個雙層芝士漢堡咁大，一定食唔得晒，加上好友係特別細食，所以好多想食嘅嘢都食唔到，希望有機會日後同其他朋友嚟可以食到！呢個Market真係好正，好值得嚟，最緊要留肚，一定要空肚嚟先食到多啲嘢！😂
食飽就行過去Sky Garden ，路程只需要12分鐘，我哋會經過倫敦橋 London Bridge ，由波羅市場行去倫敦橋，只係2分鐘，當然要喺倫敦橋度影吓相，跟住行去Sky Garden，路經一個紀念碑柱，係倫敦大火紀念碑 Monument to the Great Fire of London ，呢度只係一個小廣場，同一個紀念碑，今日呢個小廣場有幾個小檔攤，喺度賣緊食物，撞啱係lunch time，所以都有D人喺度食嘢，我哋影吓相就繼續行去Sky Garden，去到見到有兩條隊，一條係已經網上登記咗，另一條係Walk in，我哋因為冇登記，所以就排Walk in，都好多人，我地排咗一陣，就有職員出嚟話Walk in已經滿咗，所以我哋去唔成，呢座Sky Garden個外型四四方方肥肥地，我記得上次跟團嘅時候經過，當時導遊話呢座大廈個外型好似以前一款Nokia手機，今日仲諗住有機會上去睇吓，既然去唔成我哋就選擇另一座高樓，就係The Lookout，相距只係6分鐘路程，行行吓見到有一座比較古老嘅建築，旁邊有座新樓起緊，一生一舊對比鮮明，原來呢個古老嘅建築物就係 Leadenhall market 利得賀市場！據講呢度係哈利波特電影取景嘅地點之一，其實佢係一個商場咁嘅模式，主要都係一啲食店，同埋少少商店，佢嘅格局係好舊式英國商店街咁，保留咗以前嗰種風格，又真係幾靚，我哋食唔到野，就四圍影吓相！跟住就行去 The Lookout 😄
柯芬園 Convert Graden
其實尋晚已經嚟過食牛扒，今晚有時間可以喺附近行多一陣，去咗尋日冇去嗰個細Market叫做 Jubilee market hall 睇吓D紀念品，不過最終都係冇收穫，因為我哋覺得佢嘅價錢比之前睇嘅仲貴，入去柯芬園裏面有間餐廳，係半露天嘅，今日有人喺度唱歌劇，氣氛都幾好，行到五點幾就去一間叫做 Nando’s 食燒雞，好友話佢早兩個禮拜在曼徹斯特，佢朋友帶佢食呢間，佢話好食，而且好多分店，所以佢特登帶我嚟食，入到去佢話要等位，但係其實明明好多位，因為五點幾未係晚飯時間，我見有啲人唔等就走咗，我哋等咗大概5分鐘先至話有位，要落一層食飯，落到去見到餐廳大把位，少於一半座位係有客嘅，唔知點解佢要人等，眼見佢都走咗幾枱客，可能佢哋唔志在，因為好友話佢呢間餐廳，有買一啲優惠券，所以有優惠券嘅人都要幫襯！我哋叫咗一份半隻燒雞，同埋一份10隻雞翼，其實我覺得佢唔係燒雞，雖然佢有燒烤嘅痕跡，可能我心目中嘅燒雞係皮脆嗰種，而佢呢種係叫做Peri Peri ，有少少東南亞feel，係來自南非，有辣醬醃製的烤雞，我就唔係特別喜歡，應該唔會再食，不過佢價錢都唔貴，又係一個性價比高嘅選擇，我地食左£30.65 😅
The Lookout
呢度應該係一座商業大廈，佢其中有一層係做咗觀景台，入門口嘅時候要做保安檢查，只係個X光機，同埋比個袋佢望一望， check完就去搭𨋢，呢度有兩架lift，但係有一架冇開，只用一架lift 上落，上到去地方唔大，但係冇乜人，眼見人數喺10人之內，呢度唔使同人迫，仲望到對面Sky Garden添，我望到Sky Garden比呢邊係靚，但係個景觀應該相若，當然佢係比較近少少泰晤士河，但係The Lookout 比較高，睇得遠D，同埋角度闊D，最重要要冇乜人，點影都得 ，呢度附近三座建築物可以有觀景台睇倫敦全景，除咗Sky Garden同埋呢呢座The Lookout，仲有一座係 Horizons 22 ，其餘兩座冇去過，我哋覺得呢座都算係一個唔錯嘅選擇！👍🏻
下一站去倫敦塔同埋塔橋，由The Lookout 行過去，要17分鐘，今日都行咗好多路，我同好友都好行得，不過呢兩日對腳有D痛，所以行起上嚟都有少少辛苦，行過去嘅時候又經過Sky Garden，去附近間 Roots 睇吓啲藥妝，價錢都幾貴 😅
倫敦塔 Tower of London
倫敦塔應該係一座舊嘅城堡，曾經係宮殿、武器庫、監獄、審判所，而家應該係俾人參觀為主，其實可以入去參觀，但係要買飛同埋預約，其實倫敦塔唔喺我哋今次行程裏面，只不過我哋去塔橋係會經過，因為佢就喺塔橋嘅旁邊，所以順道過嚟望吓，我哋冇入去睇，喺出面有間商店，我哋就買咗少少紀念品，仲見到我之前喺網上見過嘅一間餐廳 Coppa，呢度有D室外嘅位係半圓型玻璃房咁，夜晚開曬燈會好靚！
倫敦塔應該係一座舊嘅城堡，曾經係宮殿、武器庫、監獄、審判所，而家應該係俾人參觀為主，其實可以入去參觀，但係要買飛同埋預約，其實倫敦塔唔喺我哋今次行程裏面，只不過我哋去塔橋係會經過，因為佢就喺塔橋嘅旁邊，所以順道過嚟望吓，我哋冇入去睇，喺出面有間商店，我哋就買咗少少紀念品，仲見到我之前喺網上見過嘅一間餐廳 Coppa，呢度有D室外嘅位係半圓型玻璃房咁，夜晚開曬燈會好靚！
塔橋 Tower bridge
我地沿住泰晤士河行去塔橋，一路行一路影相，唔同角度咁去影塔橋，跟住我地就上橋，我都係第一次上去塔橋，之前兩次嚟都係離遠影相，想去之前要買飛，成人係£13.4一位，條橋分咗南北兩個tower，上面又分左東西兩條 walkway ，可以選擇搭𨋢或者行樓梯，我哋當然係搭𨋢啦，上到去有一個位置可以俾人坐喺度睇片，介紹呢條橋嘅歷史，我哋睇咗一陣就行入去參觀，先行第一條Walkway，呢條路中間，有一段路係透明玻璃可以望到橋下面，好多人喺上高行，我因為畏高所以我冇行到，我只係喺側邊度行過去，好有就坐咗去影相，行完呢一邊就可以行埋另一邊，跟住就去返另一邊嘅tower 落返去，沿着指示可以行去睇Engine Room，落到去見到係一間商店，商店入邊有另一個入口，就係入去Engine Room，呢度就要check你張飛，呢度係睇Engine 點樣運作去升起條橋，喺engine Room行返出嚟，商店行咗一陣冇買到嘢，就行返過去倫敦塔果邊走！
我地沿住泰晤士河行去塔橋，一路行一路影相，唔同角度咁去影塔橋，跟住我地就上橋，我都係第一次上去塔橋，之前兩次嚟都係離遠影相，想去之前要買飛，成人係£13.4一位，條橋分咗南北兩個tower，上面又分左東西兩條 walkway ，可以選擇搭𨋢或者行樓梯，我哋當然係搭𨋢啦，上到去有一個位置可以俾人坐喺度睇片，介紹呢條橋嘅歷史，我哋睇咗一陣就行入去參觀，先行第一條Walkway，呢條路中間，有一段路係透明玻璃可以望到橋下面，好多人喺上高行，我因為畏高所以我冇行到，我只係喺側邊度行過去，好有就坐咗去影相，行完呢一邊就可以行埋另一邊，跟住就去返另一邊嘅tower 落返去，沿着指示可以行去睇Engine Room，落到去見到係一間商店，商店入邊有另一個入口，就係入去Engine Room，呢度就要check你張飛，呢度係睇Engine 點樣運作去升起條橋，喺engine Room行返出嚟，商店行咗一陣冇買到嘢，就行返過去倫敦塔果邊走！
離開塔橋已經四點幾，我哋去搭巴士，搭15號巴士由倫敦塔去 Aldwych，我哋先去睇吓今晚要去嘅劇院喺邊度，然後去附近搵食，我哋落咗車行前少少燈位過已經見到Novello 劇院，我哋之前上網訂咗舞台劇飛，今晚7:30睇，只道劇院嘅位置之後，我哋就行去附近嘅柯芬園搵食！
其實尋晚已經嚟過食牛扒，今晚有時間可以喺附近行多一陣，去咗尋日冇去嗰個細Market叫做 Jubilee market hall 睇吓D紀念品，不過最終都係冇收穫，因為我哋覺得佢嘅價錢比之前睇嘅仲貴，入去柯芬園裏面有間餐廳，係半露天嘅，今日有人喺度唱歌劇，氣氛都幾好，行到五點幾就去一間叫做 Nando’s 食燒雞，好友話佢早兩個禮拜在曼徹斯特，佢朋友帶佢食呢間，佢話好食，而且好多分店，所以佢特登帶我嚟食，入到去佢話要等位，但係其實明明好多位，因為五點幾未係晚飯時間，我見有啲人唔等就走咗，我哋等咗大概5分鐘先至話有位，要落一層食飯，落到去見到餐廳大把位，少於一半座位係有客嘅，唔知點解佢要人等，眼見佢都走咗幾枱客，可能佢哋唔志在，因為好友話佢呢間餐廳，有買一啲優惠券，所以有優惠券嘅人都要幫襯！我哋叫咗一份半隻燒雞，同埋一份10隻雞翼，其實我覺得佢唔係燒雞，雖然佢有燒烤嘅痕跡，可能我心目中嘅燒雞係皮脆嗰種，而佢呢種係叫做Peri Peri ，有少少東南亞feel，係來自南非，有辣醬醃製的烤雞，我就唔係特別喜歡，應該唔會再食，不過佢價錢都唔貴，又係一個性價比高嘅選擇，我地食左£30.65 😅
諾維羅劇院 Novello Theatre
食完飯去睇歌劇，雖然歌劇19:30 先開始，7:00已經可以入場，我哋今次買嘅座位係 Grand circle，位置比較高而且近則邊，因為我地買飛果陣，最平得呢D位，都要£32，當仲有其他貴飛中間位，我地志在試吓，我本身平時冇睇舞台劇，好友就間中睇吓，我第一次睇就在英國睇😂不過呢套 MaMaMia 大家都耳熟能詳，應該會好睇，入到劇院，見到其實都唔係好大，同平時睇戲見果D劇院嘅格局係一樣，都係側邊有D包廂，當然平時喺電視睇果D係大劇院，而呢間係比較細嘅劇院，座位同座位之間都好近，我覺得比廉航嘅飛機位仲要迫😅😅 而且劇院入面冇乜冷氣，所以有D焗，因為都幾多人，差不多滿座，洗手間就要上半層樓先至有，同埋開場之前已經提醒觀眾唔可以影相同埋錄影，雖然D演員全部都唔識，不過佢哋都唱得好好，做咗大概兩個鐘就有中段休息時間，不過個廁所就排晒長龍，其實睇緊劇嗰陣就唔建議去洗手間，因為你行出嚟果陣，基本上隔離嗰D人要起身你先至過到😅，咁樣就會阻住人哋睇劇，我就差唔多休息時間完結前先至去廁所，就冇咁多人，到完場嘅時候，氣氛都好熱鬧，開始有啲人攞手機出嚟影相，我哋都唔執輸返幾張相😂 睇完出嚟已經過咗10 點，街上面泊咗好多篤篤車等客，我哋就行去柯芬園去搭地鐵返酒店休息！
今日去左好多地方，好充實！好攰💤
食完飯去睇歌劇，雖然歌劇19:30 先開始，7:00已經可以入場，我哋今次買嘅座位係 Grand circle，位置比較高而且近則邊，因為我地買飛果陣，最平得呢D位，都要£32，當仲有其他貴飛中間位，我地志在試吓，我本身平時冇睇舞台劇，好友就間中睇吓，我第一次睇就在英國睇😂不過呢套 MaMaMia 大家都耳熟能詳，應該會好睇，入到劇院，見到其實都唔係好大，同平時睇戲見果D劇院嘅格局係一樣，都係側邊有D包廂，當然平時喺電視睇果D係大劇院，而呢間係比較細嘅劇院，座位同座位之間都好近，我覺得比廉航嘅飛機位仲要迫😅😅 而且劇院入面冇乜冷氣，所以有D焗，因為都幾多人，差不多滿座，洗手間就要上半層樓先至有，同埋開場之前已經提醒觀眾唔可以影相同埋錄影，雖然D演員全部都唔識，不過佢哋都唱得好好，做咗大概兩個鐘就有中段休息時間，不過個廁所就排晒長龍，其實睇緊劇嗰陣就唔建議去洗手間，因為你行出嚟果陣，基本上隔離嗰D人要起身你先至過到😅，咁樣就會阻住人哋睇劇，我就差唔多休息時間完結前先至去廁所，就冇咁多人，到完場嘅時候，氣氛都好熱鬧，開始有啲人攞手機出嚟影相，我哋都唔執輸返幾張相😂 睇完出嚟已經過咗10 點，街上面泊咗好多篤篤車等客，我哋就行去柯芬園去搭地鐵返酒店休息！
今日去左好多地方，好充實！好攰💤
沒有留言:
發佈留言