深夜食堂

同兩個飯局好友食飯，分別係二月之星同埋四月之星，因為之前幾個月都冇出嚟食飯，所以大家都話今年唔食生日飯喇！只係想大家見吓面聚下，約咗去旺角呢一間食店，呢度係食日本嘢，佈置都好日式居酒屋咁，仲擺咗好多假櫻花，店入面嘅枱唔多，地方都頗細，全部都係二人或者四人枱，我哋三個人都係坐一張面壁嘅二人枱加多張凳，食物嘅選擇都唔少，類似居酒屋咁樣，有D串燒，同埋小食，我哋叫咗魷魚絲、燒茄子、牛舌、燒鯖魚、雞翼等等，雖然樣樣都係細細碟，不過都幾好味，同埋食咗咁多碟都幾飽，呢度冷氣唔係好夠，有少少熱，令人想飲多D嘢，始終居酒屋都係要靠飲品賺錢吧！