大年初一，冇約人， 好友忽然WhatsApp我，問我得唔得閒食飯，所以就出旺角同佢食個晚飯，而且都有四個月冇見面，大家出嚟聚吓，難得佢女友批准佢同我食飯🤣🤣，去咗旺角明記，呢間都食過幾次，今晚見佢都唔爆場，大概都有八成滿，我哋叫咗四個餸，有蒜蓉開邊蒸蝦、瑤柱豆苗、炒魚腩球、仲有個煲仔蜆，因為個蜆係特價$8 ，所以叫埋，我哋仲叫咗兩杯啤酒，我都好耐好耐冇飲啤酒，見佢咁好興致就叫杯飲吓，我哋傾偈傾得好開心，可能因為好耐冇見，話題特別多😄
食完嘢我哋落樓下食甜品，我哋叫咗三個甜品share食，佢就食榴槤，我就食蛋白燉奶加個湯圓share食，味道都唔錯，食完甜品我哋行去旺角中心搭車，一路行一路傾，傾到好友唔願走🤭可能佢而家少咗朋友同佢傾偈，佢都見到佢成熟咗好多，喺工作上亦都開始得到賞識，都戥佢開心！
沒有留言:
發佈留言