鳯園椰子雞

今晚約咗三個朋友食飯，呢個組合都係第一次，去咗呢間新開冇幾耐嘅火鍋店，一睇店舖嘅裝修就知道係國內公司經營，因為同去深圳嗰啲火鍋店個格局好相似，睇吓個餐牌佢都係國內有好多分店，但係主要係廣州上海嗰啲地方，反而深圳係冇嘅，香港就得旺角呢一間，不過餐牌同其他國內嘅椰子雞火鍋差唔多，我哋叫咗個南瓜椰子雞湯底，有一隻雞跟埋個湯底，另外叫咗兩個小食，加咗個蔬菜籃，同埋牛肉、蠔，再加多脆皮雞，佢哋話個雞皮會脆，所以唔可以淥咁耐，我就覺得個雞皮唔係特別脆，同一般淥完雞皮一樣🤭 個湯幾清甜，整體嚟講都算唔錯！