kobane

星期四晚一場黑雨，落左16小時，竟然是五百年一遇的大雨！導致地鐵站月台都入晒水，最誇張係黃大仙中心成個商場地庫全層被水淹沒左！上星期五打風，今星期黑雨，我連續兩星期都放假，都留在家中，邊度都去唔到 🤦🏻‍♀️ 浪費咗我兩日假期，好似兩個星期冇放過假咁 🥹🥹

今日想有小小假期 feel ，去左南豐紗廠食晏，都有一陣子冇去南豐紗廠，原來已經有一年冇嚟食野😅，今日仍然有雨，不過唔大雨，商場好多人同狗狗🐕🐩，之前好鍾意去嗰間 Between Haru 已經執咗笠，轉咗手去，而家呢間叫做 konabe ，裝修同之前冇乜大分別，餐牌D食物風格都有D似之前果間😅，係少咗啲麵包，多咗D甜品！

叫咗個壽喜燒牛肉燴飯，玫瑰咖啡🌹☕️，食物質素都唔錯，係份量細咗D😅，咖啡略嫌淡咗少少🤏🏻 店員比之前嗰間好，比較友善，走果陣，廚房入面做嘢嘅人都會同你講聲拜拜👋🏻🤣