鍋牛

又到九月生日之星嘅飯局，今次去佐敦食火鍋，好友因為識人所以去呢間火鍋店，佢嘅格局都幾特別，入到店嘅時候同一般火鍋店差唔多，細細間，然後由後門出去原來有幾個單位上樓上都係VIP房，我哋其實得五個人，但佢俾咗間大房我哋，呢間房仲要有晒成set音響，好搞笑，後來因為有其他客想坐呢間房聽歌，所以我哋就轉左去一間細小小嘅房 😆

我哋先叫咗啲小食，不過有幾款佢都話賣晒，所以叫咗個燒蠔 🦪同埋牛肉，食住等，因仲有一個friend 未到，火鍋配料就都係一般嘢，唔算特別出色，勝在有房，可以坐得舒服D ！

傾開北上玩呢個topic，大家都想約埋一齊上去玩一日，最後傾傾吓改為去澳門，因為佢哋想食步飛，都好！夾左日期，就夾交通，因為有一個住港島區，選擇搭船，其餘住屯門元朗一定係搭金巴，我都會選擇搭金巴，因為班次頻密，坐船嘅班次已經係非常之疏落，好似話一個鐘頭先一班船，所以要睇住啲時間，到時大家去到澳門等！