今日要去迪士尼，因為要睇煙花，所以唔使咁早入去，趁有少少時間，出一出去旺角，幫好友買水晶，因為佢近日非常黑仔，佢話有朋友叫佢買條金運石，睇個名覺得係而家新改嘅水晶名，因為好友俾咗張相我睇，我唔係好確定佢係咩水晶，個樣有D似金曜石，今日去咗呢間水晶店，見到佢都有金運石水晶賣 😅問咗店主，金運石本名係黑銀線 / 紫蘇輝石 (Hypersthene) 近年多左D好少聽到嘅水晶名，可能商家要發掘一D新嘅水晶嚟賣，又要改個吸引嘅名，所以有D水晶都未聽過😅
同店主傾咗一陣，佢都介紹我買條平平哋嘅黑碧茜，因為好友之前冇帶過，買條平平哋嘅，爛左都唔會肉赤！呢度啲水晶價錢都幾合理，佢亦都有啲貴價貨，質素都唔錯，我就平平哋買咗條黑髮晶，因為我發覺自己原來冇黑髮晶 ！另外見到一條切割面嘅白晶都幾靚，又買埋佢！😆
沒有留言:
發佈留言