下雨天，今日特登去九龍城想試吓新開嘅咖啡店，不過好多人，而且仲要等位，所以轉左去世運公園對面呢一間咖啡店，一來個位置比較隔涉，二來佢都開咗段時間，所以應該唔會太多人，呢度係兩個鋪位，應該係一間好生意所以開多一間喺隔離，因為隔離個位冇招牌，門口寫住要去隔離俾錢落單，我冇入去睇裏面係點樣，我諗應該只有一邊有收銀處落單，即係話你落完單可以去隔離嗰間舖度坐，等佢送食物過嚟，我就直接坐收銀處果邊，因為店入面冇乜人，反而新嗰邊就多人D！
我叫咗個羽衣甘藍蘋果沙律🥗、一個咖喱牛肉批🥧，同埋一杯咖啡☕️，因為今日好肚餓！個沙律除咗有羽衣甘藍同埋蘋果之外，仲有合桃同埋芝士，呢個組合加埋又幾好食，而且夠晒健康，牛肉批裏面係碎牛肉，味道都幾好，如果係牛肉粒（大粒D😋）應該會好食啲，咖啡都唔錯，我諗我會再嚟食呢個沙律！🥗👍🏻😅
沒有留言:
發佈留言