Balcony

食完泰國菜，原本食飯嗰陣想坐下傾吓計，但係餐廳趕住做多轉，所以我哋都好快走咗，諗住去附近搵間酒吧飲嘢，但係諗起酒吧未開返，但係見到呢間酒吧有開，因為佢係餐廳牌照，唔係酒吧牌照，所以店員都鼓勵我哋要叫食物，咁飲杯嘢食D小食都要嘅，我哋叫咗碟芝士，每人叫咗杯Cocktail，佢仲有買一送一優惠 👍🏻 個芝士切得好細粒，不過都幾好食，仲有一小碗橄欖，兩個好友都唔鍾意食橄欖，所以我一個食晒，唔記得咗影飲品，只係影咗芝士 😅 

我哋一路傾偈，懷念下之前去歐洲嘅日子，諗起都開心，希望疫情後，大家可以一齊去一轉歐洲！因為好友下個月生日，我哋已經約定下次食飯，我哋唔係坐咗好耐，其實酒吧入面只有兩枱客可以慢慢坐，不過另外果枱係咁食煙，所以我哋都好快走喇，買一送一優惠有總共有六杯飲品，我哋只係飲咗五杯，店員都好好，俾返張飛我哋，話下次可以補番果杯飲品！