這間在轉角的咖啡店，開咗唔係好耐，啱啱開嘅時候已經想去，但係冇位，因為店入面嘅面積都比較細，大概只有10個座位左右，不過佢有一個位置係窗，果度有四個高櫈位，可以望出街都幾舒服，窗下面即係店外面，亦都有兩張木凳，可以坐喺果度飲咖啡，今日行過見到竟然有位，就嗱嗱聲入去坐低，我揀咗窗口旁邊嘅高櫈位坐，今日天氣好好，雖然有太陽曬住，亦都唔係太熱！餐牌寫咗在門後面嘅黑板上，我叫咗一個三文魚千層麵，同埋一杯咖啡，千層麵嘅份量唔係好大，四四方方好似一件西多！味道都唔錯，食完又好想試吓佢哋個西多士，所以加咗個蘋果法式西多士，不過原來佢唔係我心目中果種西多士，佢係法包，不過都 ok !
沒有留言:
發佈留言