Gradini

好友 J 將要移民到英國，下星期就飛喇，原本想約佢出嚟食飯 farewell，但係限聚令六點後冇堂食，所以改咗食個下午茶代替，約咗去中環一間餐廳，但係好友嫌餐廳離佢公司太遠，臨時改咗去石板街果間酒店入面嘅餐廳，下午茶時間冇乜客，因為已經四點，六點後已經冇堂食，我同好友先坐低等另一位朋友，我哋坐嘅位置比較入，因為我哋三個人要分兩張枱，近門口果D位係安排唔到兩張相鄰嘅枱，所以坐入D，入面原本有一枱客都走咗，所以得返我哋三個，我哋叫咗個下午茶嘅 high tea set，加多杯飲品，因為大家都唔係咁肚餓，而我就因為上星期六腸胃炎，依家未好返晒，所以只係食好少，個下午茶個樣好靚，味道都好食，只係我冇乜胃口，我哋主要都係傾吓計，好友話過到去英國，乜嘢都未有，只係租咗間屋，話過到去先算，其實佢連簽證都未攞，因為要月尾先開始登記，佢真係心口有個勇字，學佢話齋睇你有幾堅決想離開！