Les Papilles

上次去銅鑼灣經過呢間餐廳，已經好有興趣去試吓，今日就特登過去試，餐廳嘅面積都幾細，大約只有18個位，今日只有三枱客，有一台係類似飲食雜誌嘅人，喺度試食同埋影相拍片！📸

我地就叫咗一個牛扒同埋一個鴨腿午餐，個牛扒上枱嘅時候怪怪地，因為佢就咁一塊牛扒上面有D綠色嘅醬汁，在網上面見佢呢款牛扒通常係切咗一片片，同埋有D伴菜，因為西餐好少係完全冇伴菜咁肉酸，味道就麻麻哋，因為牛扒over cook ，個汁又怪怪地，至於個鴨腿我就無試到，不過就話唔錯，飯後我哋叫咗熱咖啡飲，不過杯咖啡係室溫水咁嘅溫度，完全係唔熱或者暖，隔離枱咁岩都係叫熱咖啡，佢哋就嫌咖啡唔熱要求換過，我哋都有諗過叫佢換，不過都算啦，反正呢餐都係麻麻地滿意，臨尾我哋未飲完咖啡佢都就收走個杯！連個侍應自己收咗第一杯之後都覺得好似我哋未飲完，所以收第二杯嘅時候先問吓我仲要唔要，我話要佢先冇收，但係就已經收走咗另一杯🤦🏻‍♀️🤦🏻‍♀️