今日本來一早要去呢度，但係佢間店借左比人拍戲定拍 MV，所以去左第二間，食完野再行過嚟睇吓拍完未，已經拍完！仲要有位！正呀！
上次行過見到呢間已經想試，但當時冇位，本來可以等吓，但係餐廳做法係要登記電話在門口！個電話 list 掛在門外任何人都可以睇到，做法太沒有私隱，而且附近冇乜野好行，所以沒有等，今次有位唔使留電話就最好！
店入面只有兩張四人枱（榻榻米型式）和三張雙人枱，即係只可以招呼五枱客，最多14人，而呢家店主打係甜品，亦可以帶貓狗入來，今日就見到有一張枱有隻貓，貓奴叫左幾款甜品同主子影相！
睇吓個餐牌係用繪圖代替相片，好有童話 feel！見到每枱必點雞蛋布甸🍮，我都叫個試吓，見到個富士山造型的奶凍，但店員話未推出，所以改左叫個 Canelé ，有原味和抹茶味，揀左原味，另外叫左杯菠蘿熱情果梳打，食物造型很多漂亮，個個狂影相！😝 個雞蛋布甸好濃蛋味，好食！ canelé 外皮頗硬，味道明顯減左甜，較適合港人口味！飲品就意料中事，其實佢有D咖啡同茶，不過剛才飲左咖啡就唔敢再飲了！整體來講都好滿意好開心 ！😊
沒有留言:
發佈留言