鮨穴

好友K生日，約咗我同好友J去銅鑼灣食飯，去咗呢間日本餐廳，之前我同好友J食過一次午餐，晚餐都係第一次嚟，我哋每人叫咗一個壽司set，再加左一D串燒，食物嘅質素都係保持到水準，因為好有J識人，所以請咗我哋飲 sake，我哋傾開計，講開好友F新屋情況，我冇同佢哋講太多，亦都冇話比佢哋聽，好友住咗兩個禮拜又要搬，亦都冇話俾佢地聽實際住喺邊，因為好友 F 唔想佢哋知咁多，始終分咗手，再見不是朋友！不過我亦都有埋怨好友K，如果唔係佢要佢前度咁快搬走，佢就唔使搬完又搬，仲要住D環境好差嘅屋，如果比多一個月時間佢搵屋，成件事就唔同晒！

食完飯我哋買咗兩個榴槤，去咗好友 K 屋企食，自從好友F 搬走咗之後，成間屋真係多咗好多空間，始終兩個人同一個人住係有分別，雜物都少D！加上好友帶走埋隻狗，唔會成屋狗毛飛來飛去！兩個榴槤一個好食，一個熟過頭唔好食，而家真係好難買到好好食嘅榴槤！