這間台式餐廳時常都好多人，前後食過幾次，主要都係食米線，或者係台式飯，其實佢下午茶都幾抵食，因為米線嘅份量都幾多，不過餸就比較少，呢度其實主打係個湯底，有雞湯、藥膳湯、麻辣湯，我淨係試過雞湯同埋藥膳湯，味道都唔錯，次次都飲晒D湯，下午茶亦都有送埋飲品，所以都幾多人鍾意你食下午茶。
因為呢間店兩邊都係玻璃，一邊係望到出街，幾次都見到對面有間賣古早味蛋糕嘅小店，經常排長龍，而且好早就關門，大概四、五點左右就已經收工，而且行過見到佢個出爐時間表都幾密，但係都咁多人排隊，搵次冇咁多人就買來試吓啦！
沒有留言:
發佈留言