豊勝手丼

上星期同好友 J 食完丼，已經約定下次食呢間，話咁快又一個禮拜，今次開會前去食，雖然係午飯時間，不過入邊只有兩枱客，呢度嘅價錢比較貴，即使係午餐嘅丼都要$80左右，一般打工仔唔會食咁貴嘅午餐，最多係間唔中食一餐！我哋叫咗一個海膽丼，佢呢D貴價嘅丼有八折，另外叫咗一個午餐嘅鰻魚丼，雖然午餐係$88 ，不過剩係得一個丼乜都冇跟，加個湯同沙律就要加$25，我哋都加咗，個湯同個沙律都唔錯，呢個呢度嘅用料都唔差，所以價錢先至會貴D，個海膽丼有三種海膽，分別係北海道、加拿大、韓國，韓國嘅係一板俾你，當然係好細條，加拿大係比較大條D，不過佢今日好明顯唔係好夠貨，只係比咗幾條細細地嘅，而北海道嗰D就比韓國嗰D大少少，味道都OK，鰻魚丼因為係午餐，所以細碗D，不過味道都幾好，叫做試過就算，因為成日睇到佢個廣告覺得好吸引，雖然質素唔差不過價錢略為貴咗D，情願留返quota去日本先食！