1917年4月6日，Blake 收到命令前往見上級，並要求他帶同另一位士兵前往，他便叫了好友 Schofield 一同前往，原來上級的命令，是要求他們兩人前往最前線，通知 Mackenzie 上校，立即撤離，以免誤中德軍陷阱，如果今次任務失敗，無法將訊息傳遞的話，將有千六名同袍遇害，當中包括的 Blake 哥哥，兩人立即前往，中途會有重重危險，有人認為這是不可能的任務........！
呢套戲在金球獎，已經取得最佳電影，套戲最特別嘅地方係佢拍攝嘅方法，係一鏡到尾，當然佢中間有轉個畫面或者停頓過，基本上佢一鏡拍到尾係有大概三、四段戲組成，要拍到一鏡到尾，首先要有咁大嘅場景，同埋要好準確嘅排練，仲有演員一take過不容有失嘅演出，所以呢套戲真係好精彩，令睇嘅人覺得好似身處其中，現場感十足，各演員都好好戲，相信佢要在奧斯卡再下一城應該冇難度！唯一係睇到有少少頭暈，因為始終都係第一身拍攝，雖然鏡頭已經好穩定，始終走來走去，都係睇到有少少頭暈！
套戲在又一城MCL睇，又一城關閉左已經有兩個月，今日終於開返，今日D時間好緊湊，想近近地一個商場處理晒今日要做嘅嘢，所以去呢度睇返場戲，去埋銀行，然後再去好友在附近的屋企，唔使搭咁多車！
沒有留言:
發佈留言