尋日忽然病了，其實前一日已經有症狀，就係早上醒來的時候頭暈得天旋地轉，前日因為只係頭暈左一次，所以以為冇乜嘢，但係尋日好嚴重，基本上每次轉身都會天旋地轉，擔心自己會暈倒失救，不敢轉身，急忙打電話給家人，帶我到醫院去睇醫生，初步評估可能有耳水不平衡，我自己上網搜尋關於呢個病嘅資料，我諗我可能係耳石症嘅機會大D，因為我沒有耳鳴，只係瞓醒轉身嘅時候覺得好頭暈，anyway 打咗支針瞓左一日，今日醒來好左好多，因為瞓左好長時間，所以想出去行下，做D低活動量嘅野，就係坐定定睇戲！
呢套戲想睇好耐，上左畫都超過一個月，既然佢又未落畫，我又有D時間，咁就去睇啦，因為呢期都冇乜新戲係有興趣睇！
Jackson 係一個知名歌手，其實私底下佢係一個有酒癮同埋毒癮嘅人，佢嘅聽覺上有D問題，佢嘅經理人Bobby亦係佢嘅哥哥，經常因為要幫佢執手尾，佢亦唔願意聽哥哥講戴助聽器，幫助減低失聰及耳鳴機會，在一次演唱後，他到酒吧飲酒，認識到女歌手Ally ，她的歌聲和演出令到 Jackson 着迷，於是邀請她觀看他的演唱會，並邀請她上台唱出她自己的作品，令到她廣為人認識，同時她倆亦墮入愛河，一方面 Ally 事業如日中天，另一方面， Jackson 酒/毒癮情況越來越嚴重........！
Bradley Cooper 做得好好，Lady Gaga 第一次做女主角算係不過不失，電影都拍得唔錯，歌都幾好聽，劇情都幾感動，一路睇一路諗個結局會係點，最後結局令人傷感！
沒有留言:
發佈留言