又去西環食飯，搵到呢間餐廳有生蠔食，又去試吓啦！
午飯時間只有兩、三枱客，見呢度午餐做緊優惠，四人同行一人免費，我地得兩個人所以享用唔到！我地叫咗兩個唔同嘅牛扒餐，生蠔的選擇就唔多，如果逐隻叫嘅就只有三款，所以叫晒三款試試，蠔嘅size唔係太大，都幾新鮮，係有少少蠔殼碎，美國牛扒煎得比較生，不過肉味都幾濃，日本牛扒就煎得過熟，而且肉味比較淡，應該先食日本牛，然後至食美國牛，我地倒轉左次序食，所以覺得日本牛淺味，而且佢個汁都係比較淡D，不過味道都算唔錯！
呢度附近都有好多餐廳，好似好吸引咁，下次可以再試下另外果D！
沒有留言:
發佈留言