尋晚落機，今晚就約咗朋友食飯，去咗旺角食雞煲，你間雞煲是樓上店，七點鐘上到去，只有一台客，我地三個人叫咗一個雞煲，食完雞煲先至打邊爐，叫咗一D火鍋配料，有脆肉鯇魚腩、肥牛、水餃等，雞煲既味道一般，冇一品雞煲咁好食，我地坐咗成晚傾計傾左成晚，都唔見呢度有滿座，最近市道都唔係太好，好多地方都有位！食飯的時候，傾到好友上個月去泰國，臨走前一天認識了一個泰國女子，佢哋保持聯絡，下星期仲話會來香港與好友遊玩，大家都擔心佢，會感情用事，當然我哋都希望佢搵到個好既女仔啦！只係擔心佢俾人呃！
食完飯去附近搵糖水食，去咗一間叫做糖堂的甜品店，我地各自叫野食，冇 share，我就食豆腐花，都幾好味，我地傾到唔係好願走，不過呢啲甜品店都唔坐得耐，所以相約遲D再出來食飯！
沒有留言:
發佈留言