又再一次前往日本，今次再去東京，沒有選零晨機，不知何時開始，零晨機要補的錢越來越貴，今次坐達美航空的早機，8：25起飛，一早要去機場，仲辛苦過搭零晨機，Delta 可以在網上預辦登機揀位，可惜跟國泰一樣，冇乜位揀，冇相連坐位，無奈要分開坐！
早上六點幾去到機場，攪完寄艙過關已七點幾，7：25 開始登機，45 號閘口比較遠，要坐冇人駕駛列車前往，冇時間食早餐，去到40 號閘口見到有幾間食肆，去買少少野食，匆匆忙忙食十五分鐘便上機，8：10 聽廣播話已經關機門，但飛機要等到夠鐘才起飛，飛左一陣已經瞓左，飛了一小時後派餐才醒，食完早餐唔眼瞓，便睇戲，睇左美國隊長，之前冇睇過，睇完剛好差不多到，但東京成田機場落大雨，令飛機遲了十多分鐘才到，但飛機不知何故，唔能夠泊埋去，機長話要關引擎拖架飛機埋站！！
終於落機了，在機場換領巴士券，之前在旅行社買了飛，在票務處換飛，但下一班車要等35分鐘！無奈等候！巴士沿途都塞車，折騰了一番後，終於接近五點才到酒店，落車時好大雨，好狼狽！返到房整理一下便外出了，先去便利店買把遮，然後去揾食！
先在附近一家叫楽斧製麵的店，店內只賣烏冬和天婦羅配菜，先叫了淨烏冬，要冷或熱，再選那款湯，然後自己夾天婦羅，這裡的烏冬較粗身，但很爽口，好味道！天婦羅就一般！
食完烏冬，就撘火車去豊島園浸溫泉，在步行前往豊島園路上，見到有一家串燒店，店名叫一輝，主要賣雞類串燒，叫了兩串雞肝和雞軟骨，味道不錯，然後便去浸溫泉，今天很多人，可能本地人有優惠吧！已經來過兩次，從沒有上過樓上，今次上去看看，樓上有按摩、食堂和售賣部，都是消費的地方，還是返回地下浸溫泉，晚上頗涼，浸溫泉就不會太熱，浸完溫泉例必飲返支鮮奶，再量一量血壓，高了點呢！
走的時候，再經過一輝，又多買幾串串燒，師傅認得我地，再送一串雞肝！膽固醇超標了！
沒有留言:
發佈留言