日期一改再改,終於去得成!可惜不是好日子,天陰陰,加上學生假期,多人到不得了!
一去到,見好多人,先入去動畫廊看看,之前想去睇彼思動畫展,見人地影返來的相,同迪士尼個動畫廊一樣,所以無去到,除左動畫製作介紹之外,亦有介紹未來擴建的計劃,有模型和設計的圖樣,其中Toy story land有個橙色的軌道,現時在樂園的圍版內"申"了出來,已經看到實物了!相信是最先完成的項目!
睇完出來便落雨!!雖然是微雨,還是走入室內避一避!之前有間賣水晶的店,已改了半間為賣衫的店,店員很主動將小皇冠頭飾,放在Duffy頭上,讓我們拍照,很有心思!在去睇parade的路上遇見Angus 一家,他女兒一身白雪公主打扮,可愛極了,是全日所見,衆小公主之中最最最可愛的一個呢!
雖然飛天巡遊已睇過一次,但氣氛仍然很熱烈!睇完巡遊去睇4D,之後又落雨!令人氣餒!加上太多人了,周圍都係人龍,所有項目都要排隊,便决定走了,平時例必睇埋煙花,甚少半日就走,反正有annual pass,下次再去吧!
沒有留言:
發佈留言