愛情遠着陸 Going the Distance

睇左兩個禮拜都唔得閒寫，加上套戲唔係咁好睇，浪費左個故事，女主角Drew Barrymore 雖然演愛情小品一向討人喜愛，只是難掩面上細紋，看起來比男主角年長得多！兩人分隔兩地，確實難以維繫，中間刻意加入笑料，公式化的情節和結局，難以留下印象！

The Peninsula Connoisseur

一年容易又中秋~~

近幾星期，身心疲累，回到家裏，坐下來已不願意再起身，一覺睡至鬧鐘響起來都起不到床！感覺全身無力！疲累感覺揮之不去！放一日假是不能recover的，好想放返幾日假休息休息！唉！連戲都睇少左！

上星期收到朋友送來的月餅，不是往年的奶黃月餅，是半島的月餅和奶黃月餅，味道不錯，用料亦算有質素，奶黃月餅的餅皮帶點軟身，不會太乾，傳統月餅那款，味道不會太甜，好味！最重要還是那份心意！真是苦中一點甜！

反斗奇兵3 Toy story 3

終於在落畫前睇左，期實兩三個星期前睇，不過遲遲未upload!最終都無去isquare睇imax，因為當時既場數比較少，就唔到！

去到第三集，Andy已經大個仔，要入大學，Woody 佢哋都被送到兒童院，去到兒童院，佢哋被奸"熊"所害，要一齊大逃亡返回Andy屋企，最後Andy將佢哋送左比一個鄰居女孩！呢個結局，應該都唔會有第四集。

最近忙極了，身心都很疲累，休息了一天也不能 recover體力透支！前日同Eric開完會，一齊去Starbucks 飲野，坐左成個鐘，大家呻到樹葉都落埋！講講吓有d肚餓，Eric 話去食飯，食好d！對自己好d！於是响灣仔飛的士去朗豪坊13樓食飯，貪果度有露天feel！我地揀左Mr. Steak 食鵝肝同扒！傾左成晚，唉！原來佢仲唔開心過我！

Yee's wedding

經過這兩星期的風風雨雨，心情稍為好一點，今天是阿儀的大喜日子，想不到她悄悄地拍了幾年拖，决定結婚才讓我知，這麼開心的事，為何不讓人知呢？我遲了一點才到，去到已預備開席了，緊緊在新人出場前見見美麗的新娘，甫坐下，見返多年不見的舊同事Babara，成晚同佢傾計，想當年！時間過得真快，她結了婚，兒子已經兩歲了！

有時覺得人生是個大circle，每個人都是拍拖，結婚，生BB，然後為孩子家庭，為口奔馳，勞碌半生，大概除此之外，只有孤獨終老吧！

Simply Thai

足足個多星期提不起勁去upload個blog,這兩天心情起伏不定，有種無奈的感覺，唯有向好的方面想！

今天的電話響個不停，各人都心情興奮，與當事人的心情大不同。

只是每個人對每件事的想法不同，或者大多數人認為好的事，未必是人人渴望得到！

講了大半天，喉嚨痛痛地，晚上跟Flora去了旺角吃飯，去左Simply Thai ，因為唔太肚餓，只係叫左碟菜，一個米卷，同咖喱牛柳片配薄餅，每人叫了杯梳打冰解渴，食完飯都要去食埋甜品先走，回到家再傾多個電話，傾左成日，好疲倦！！！

諜海風雲 Shanghai

睇套戲既宣傳，都應該知麻麻地，不過有發哥同鞏利，都捧捧場吧！

故事講述美國間諜在上海被殺，其好友在上海誓要尋找真相，期間認識了周潤發的老婆鞏利，而她本身亦是反日組織成員，兩幫人都為尋找一個日本女子而展開撕殺，中間少不了互生情愫，反而渡邊謙的戲份不少，整體來說都不是太好睇！

愁雲慘霧

23/8/2010

今天真的是愁雲慘霧的日子，中午時公司有些不利傳聞，已令大家都感到困擾，旁晚看到新聞，康泰的旅行團在菲律賓被挾持了，還死了幾個人，起初說全部人質被殺，令大家情緒都非常低落，雖然最後証實不是全部人質被殺，但仍令人非常難過！平時有呢d新聞都唔會咁激動，今次有港人，好感同身受，希望大難不死的人，身心能夠早日康復，不幸遇害的能盡快送回來善後
大家要好好珍惜每一天都能平安渡過！

圖片來源: Yahoo

3D 貓狗鬥多番 Cats and Dogs:The Revenge of Kitty Galore

响無乜戲係大家都未睇過既情形下，就選擇左呢套剛上畫既戲，我地去Mega Box睇，呢日個商場都幾多人，買飛時都要排隊。

奪戲講一班狗特工，招攬左失意警犬，一齊對付一隻貓，隻貓計劃令全世界既狗發癲，等狗隻唔再係人類既朋友，期間呢兩隻狗仲要同佢哋最憎既貓特工合作！過程唔少得由鬥氣到互相幫助，建立友誼。

套戲應該有前一兩集，因為無睇過，所以唔知Revenge of Kitty Galore係點解要revenge？不過呢d戲無劇情可言，但係又唔係好攪笑，雖然配音加左唔少爛 gag去迎合成人觀眾，可惜吃力不討好，細路唔明，大人唔受，都幾悶！

魚一丁

上星期去Mega box睇完戲，過返去德福食飯，選擇雖然唔少，不過啱大家既唔多，最終揀左未去過既魚一丁，呢度食日式食品，食物既種類好少，當然有壽司同魚生，除此之外，其他都係兩三款定食，幾款小食，唔多適合一班人去share食，而且食物份量較細，要多叫幾份才夠，不過食物質素唔錯，如果人少少去呢度食都係個好既選擇!

600

不經不覺已經寫到第六百編網誌了，已經五年了！我閒時會翻看舊的網誌，才知有些事原來發生了很久，從網誌的內容可以看到當時的自己是怎樣的心情，和怎樣的想法，有時也不知道自己曾有過某些想法，這五年發生了很多事，有很多的人事變遷，成長路上，總有起跌，無論喜與憂，這些都是生命裏的一個回憶和經驗，只希望平淡走過未來的路！

Mandarin Oriental Singapore

果日去完 Night Safari 返到酒店都好疲倦，跟住果兩晚都住 Mandarin Oriental，導遊話Singapore有四間文華，呢間附近有間 Mandarin Orchard ，話晒文華都係五星級酒店，一定唔會差，而且呢個團就係貴在住宿方面。

之前一晚住既 Festive Hotel 都好新好靚，呢間雖然唔新，但係房間同設備都好好，房間面積算大，玄關位既空間唔細，浴室有浴缸同shower，仲有埋浴鹽，睡床係兩張單人床拍在一起，好似雙人床咁，唔知點解兩間酒店都係咁，可能旺季，好多兩張單人床既房都比晒人？anyway ，張床都唔細，另外仲有張凳，書枱，亦有埋露台，當然，咁熱係唔會行出去，而且個 view 麻麻地，有d團友既房個view 好d，可以望到新果座金沙睹場！

導遊話呢酒店既早餐好正，第二朝早，一早落去食，早餐當然係 buffet型式，食物既選擇真的好多！有好多款麵包選擇，果jam ，butter ，之類都有十幾款，中式，馬拉，泰式，日式，英美西式樣樣都有！火腿之中竟然有貴價既巴馬火腿！粥粉麵飯，三文魚，芝士，點心，同真正鮮榨既果汁！仲有甜品！真係好豐富！去咁多次旅行，最好既buffet 早餐一定係呢度！

潛行凶間 Inception

終於睇左 Inception，今次去 isquare睇 Imax，套戲無預期咁深奧，不過好多場追逐戲，睇到眼都花！

Leonardo DiCaprio演的角色是專門趁目標人物於睡夢的時候，潛入他們的意識中盜取機密資料，在預先設定的時間便會被拍擋叫醒，他這種天賦異能使他成為商界間諜活動夢寐以求的合作伙伴，但同時亦令他變成國際逃犯，後來他接受了渡邊謙的一項任務，只要事成便能得到一個能夠回家的機會，要完成任務，卻要做到潛意識犯罪中最不可能的境界：潛植意念。平時他與夥伴會策劃完美的盜竊行動，今次卻是要潛入目標人物最深層次的潛意識中，植入一項意念。如果他們能夠成功，這將會是開天闢地，史無前例的完美罪行，但他們要一層一層地潛入對方的夢境，如果不能夠依照時間醒來，將會變成沒有意識的人......！

以夢境為主，任何場景都可以天馬行空，都幾有趣，成套戲我覺得男主角Leonardo都係發緊夢，因為佢留在响第四層夢入面無走到，佢"醒左"之後佢嘅拍擋都無同佢講過野？唔知我有冇諗錯？

舞出真我 3D Step Up 3D

早幾個星期睇到trailer已經好想睇，我無睇第一集，但係有睇第二集，所以好期待3D版本！

其實故事內容同前一集都好相似，都係講一班年輕舞者，有着夢想，同樣有連場比舞，中間有人想放棄，最終亦能團結起來！

其實套戲主要sell跳舞，劇情反而其次，加上要揾個跳得又演得既演員都唔易，今集兩個主角同上兩集唔同，而另一男角則揾返上一集果個一把攣髮既男仔，我總覺得佢好似古巨基，上集同佢哋一team果班人，今集响結尾有出現，明顯比今集果班稍遜，連場舞蹈比賽都編排彩，刻意加入多點手部的舞步，配合3D效果，相當立體，其中與女同學聽雪糕車音樂果part舞步都好有趣，同上集一樣，結局一part更是最精采，如果鐘意睇舞蹈片，就不容錯過！

魔法師的門徒 The Sorcerer's Apprentice

網誌日期：2010-08-13 00:30

今個暑期最想睇既戲都仲未睇，因為想去Imax，買唔到好既位，一直等.....！

唯有睇其他戲，呢套都想睇，因為想睇Nicholas Cage，其餘幾個主要演員都係名不經傳，睇trailer覺得有d似"波西傑克森神火之賊"，都係魔法加時空穿梭，只是故事不及它吸引，所以成套戲都無乜特別精采既部份，要不是有Nicholas Cage，可能會少好多人去睇！

表妹結婚

網誌日期：2010-08-09 00:23



上星期是表妹结婚的日子, 我們一家人當然要出席啦! 擺酒的地方在九龍灣近Mega Box的國際交易廣場, 整個商場都是新開的, 大部份商店的位置都圍了木版, 只有酒樓和一兩間店開了, 表妹隨喜帖附上地圖, 怕我們找不到, 這晚這酒樓就只有一單婚宴, 大概是表妹在今年這麼多人結婚的日子找不到酒樓吧!酒樓總算不錯，始終是新開，裝修新淨光潔，加上樓底高，感覺也高尚點！

我因為突然落大雨而截不到車, 要8點幾才到, 到埗後見不到新郎新娘, 可能預傋” 出場” 吧! 在看完一對新人的照片後, 卻安排了影大合照, 舅父舅母全程笑容滿面，開心得很，影完一輪相後, 要差不多9:30才開席, 當然遲了開席, 酒菜也上得特別快, 吃其中一個熱葷時, 那個炸” 雀巢” 已經” 淋” 了不脆口, 可能放久了, 而那個大生翅, 沒有寫明是否真魚翅, 吃起來應該是仿翅, 也沒關係吧! 現在也提倡不要用真翅以免影嚮海洋生態, 大家應該贊成吧!匆匆吃完便走了，怕散席時太多人等車！走的時候見到其實商場另一邊裝修也挺好的！

Night Safari

網誌日期：2010-08-07 23:48

果日去完環球影城，玩到五點幾，就去食，食飯既地方係室外，都有d熱，食中菜，大家都無乜點食，事關响環球影城已經食左野，再食小小野就出去餐廳外面四圍行吓。

食完飯就去夜間野生動物園Night Safari，導遊話好多國家既動物園都係蝕錢做，所以多數係政府比錢，佢哋呢個動物園就唔會，事關最大開支既飼料，都有唔同既公司贊助!而且呢度都好多遊客去，我地一去到，又好急咁入去排隊等車，每架車有兩卡，每卡都坐到24人，又分開兩條隊，都唔使等好耐就上到車，上車前講明只可在車內影相，因為上車後，有人會在車外幫你遂行影相，走既時候可以買返! 反而環球影城唔識咁樣做生意！！

架車行得好慢，等你可以睇兩邊既動物，導遊話，呢度既燈光做到同月光好相似，令d動物覺得自然d，都睇得見d動物，不過影唔到相，四周環境好靜，只有車上導遊把聲，d動物聽到聲會望，但係唔會走，車行既馬路同d動物相隔一條河，導遊話唔使驚d動物會走過來！沿路見到獅子，鹿，老虎，象等等，好快就行完一圈，落車後，好急急腳咁去睇show，差d無買返張相，始終都係個memory嘛！

其實仲有兩個show，不過唔夠時間，導遊話一個show無得坐，另一個可以坐在餐廳睇，而且值得睇，大家都選擇有得坐又值得睇既噴火表演，去到餐廳，好多人拉張凳埋去近表演台那邊坐，我地因為無位，坐入左小小，然後去買嘢飲，好多人排隊，買完都開始左，幾個人在台上表演轉火把同噴火，又大攪氣氛，都好熱鬧！

睇完show就返酒店，玩左一日，個個行程都好急趕，疲累得很！想快快sleeping......！

茱麗葉愛情信箱 Letters to Juliet

近期比較多産的年輕女演員Amanda ，一把長長的金髮，是好的標記，印象中今年是她第三部電影，有"分手的情書"同"Chole"，今次做返較適合佢形象既愛情小品，睇得舒服D！

故事同大部份呢類愛情電影相近，講述Amanda在一間雜誌社做資料搜集員，她一直都渴望做記者，只是未獲老總的認同。她的未婚夫正籌備在紐約開一間意大利餐廳，兩人為了慶祝快將開業及預支蜜月，一同飛往意大利旅遊。未婚夫到埗後，日夜忙於為餐廳找食物和紅酒的貨源，她唯有獨自四處遊覽，她去到羅密歐與茱麗葉邂逅的維羅納庭院，世界各地有很多女士都慕名而來，在牆上留下寫了自己對感情上問題的紙條，這些"給茱麗葉的信"，訴說著她們對愛情的想法，她發現這些信，由幾位熱心的女士，每天收集並義務以茱麗葉秘書之名回信。她因為未婚夫一直忙着，便協助她們回信，她意外地發現了一封被石塊封存了五十年的情書，她决定回信給這個已經67歲的婆婆，亦因此認識了婆婆的孫仔......並決定用這故事寫她第一本書！

兩個男女主角，由歡喜冤家到漸生情愫，劇情雖有點老土，不過靚人靚景，加上輕鬆幽默的對白，都算賞心悅目！