一直都想去試吓去agnès b. le pain grillé食晚飯(感覺是:要試就試晚餐!)尋日終於去左食午餐!我地去左近住百德新街三層果間agnes b,要上一層就先經過賣衫的地方,店裏好似沒有客人,上到去先見到放糕餅的雪櫃,對面有兩張小枱,大概for食cake或等侯的地方吧!後面的落地玻璃透進了陽光,加上白色的牆,好光猛.....再轉彎有條小巷,旁邊有布簾,入到去是另一格調,燈光較暗,四處是灰灰黑黑的裝修,地板是很懷舊feel的黑白格仔,還有些佈面溶蠟的蠟燭臺,感覺像法國古堡的飯廳,照片拍出來卻比現場光了些.
我們坐下來,先來了兩件很細小的tart和麵包,d麵包好好味,放牛油既碟仔好cute,幾乎所有餐具都有餐廳的名字,而且很漂亮,我們叫了兩客午餐和一樽水,我覺得樽水幾好飲,好快就飲晒!我地選擇左頭盤,唔要湯,頭盤分別有tuna 同炸crab ball,個tuna切得好薄,上面有些青瓜碎同olive oil, 幾好味,另一個crab ball就heavy左一d,可能我唔太喜歡食炸野,主菜有春雞同焗魚,個魚用牛油紙包住焗,拆開時好香,兩個主菜都好味,食完都飽飽地,個靚仔侍應(有d似Chi Lam!仲睇落幾大隻)問我地d野食啱唔啱食,我地都覺得OK,當然個胃仲可以容納甜品啦!甜品點左焦糖燉蛋同朱古力cake,個燉蛋既蛋味好濃,件cake就麻麻地,最後來一杯咖啡!杯咖啡唔夠甘香!!!大概係飲完上次杯blue mountain 後,返唔到轉頭!!!!
沒有留言:
發佈留言