達人包車

睇完戲去尖沙咀食飯，約左好友在這韓國餐館食，行過門口都睇唔到店名，要行入店先見到😅 我地六個人，本來八個，一個早兩星期話有野做，另一個臨時放飛機話肚痾 🤦🏻‍♀️

我地叫左肉肉肉😂叫咗牛肋骨、烤肉拼盤🥩、五花腩、蜜糖炸雞、魚餅串、薄餅等，飲品叫左西瓜燒酒，半個西瓜汁加燒酒，大家一齊飲，另外再叫左三支唔同味燒酒，佢地飲啤酒，燒肉會由店員在另外一個位置燒，我地一路傾計一路等食！店員服務幾好，食物質素唔錯！食左兩個幾鐘再返屋企做埋D report ，聽朝開會用🥺

Barbie 芭比

 

衆Barbie 和 Ken 生活在 Barbieland，每日過着同樣的生活，每晚都是 girls night，有一天Barbie 忽然有傷感，腳板竟然可以貼平地面，還有橙皮紋！於是向怪雞Barbie 求救，原來與Barbie 的主人有關，Barbie 需要去現實世界，尋找自己的主人，才能解決問題…..！

近期大熱的 Barbie 和奧本海默兩套戲，先睇 Barbie，套戲都有D攪笑，特別係 Ken ，低低BB好惹笑 ！

隨着Barbie呢套電影推出，網上都推出咗一個平台，只要上載你張相，就可以將你個樣Barbie化，都幾得意😍 Bairbie.me 😍

Disney 100 周年@Harbour City

今日放假，好想去影相，就出左去尖沙咀碼頭，先去 Arabica % 飲杯咖啡，碼頭有好多大陸人搭船，平時喺度飲咖啡係冇乜人，今日就好多人，飲完咖啡行返出去，先影咗迪士尼100周年嗰隻船！

跟住入去商場涼下冷氣，中庭做緊Pop up Store，有好多Disney 嘢賣，我睇咗一陣，再去影吓相先，影完相先再返去睇，再搵吓商場入面嗰D打卡位影左一輪相！

因為有D肚餓，所以食D嘢先，去咗度小月，食咗少少嘢就走，然後再上去停車場影，停車場就冇乜人，因為天氣太熱？定係遊客唔知呢度有個位？可以影到好多冇人嘅相，正👍🏻 再行埋去港威影巨型Pinocchio ! 大滿足 😄😄

 

圍方 Cafe Deco Pizzeria

今晚約左好友出嚟食飯傾吓十一月旅行嘅行程，約左去大圍新商場圍方！個商場上個星期先至開張，所以好多人過嚟睇，一出地鐵閘口就已經係人龍排隊搭扶手電梯上商場，其實可以唔排隊，就要行扶手電梯嘅左邊，因為條扶手電梯都幾長，所以多數人都係選擇排隊，當然亦都有唔少人借D意插隊🤦🏻‍♀️

一上到去覺得個商場都幾大幾靚，跟住入去睇吓有咩嘢食，雖然同好友已經睇定左食乜嘢，不過都即管望吓其他，呢度有五層，店舖就唔係好大間，店舖嘅種類都幾多，除咗基本嘅超市 Market Place 仲有好多食肆，亦都有 Benz 嘅專門店，另一邊亦都有診所、牙醫、修甲、兒童畫室，當然唔少得有戲院，商店 mix 都幾廣泛！

見到好多食肆都好吸引，而且好多人等位，我行到去我哋諗住食嘅呢間Pizza店，又唔算多人，一攞完飛已經即刻叫我個no. 😅因為好友未到，所以我去行吓先！

等好友差唔多到我先攞位，我地叫左龍蝦湯🦞蝦沙律🦐🥗pizza 🍕 牛扒🥩意粉🍝，仲叫左兩杯 mocktail 🍹 ，雖然餐牌上有酒精飲品，但係餐廳未有酒牌，所以冇得叫！食物都唔錯👍🏻我地都傾得好開心，不過行程都傾唔到結論😅 不過仲有四個月，慢慢再 plan 😆

原本諗住食完飯去Nintendo影吓相，點知佢閂咗門，門口個公仔都收起咗冇得影，跟住去咗超級市場行咗一陣，其他舖頭都關左門，所以都係返屋企😄

 

亀井鮨

去完旅行又係派手信時間🤣🤣 

今日去銅鑼灣食 lunch ，去到世貿，見呢間做緊85折，又試吓！

店內只有兩枱客，除左門口有D卡位同bar 枱位，入面仲有幾張四人枱，而且有view 可以放到海，我地就坐窗邊，我地叫左個極上海鮮丼同壽司set ，另外叫左兩杯特飲🍸🍹，食物質素都唔錯，而且服務都好好！有折就抵食D👍🏻👍🏻