橡皮鴨二重暢

闊別10年嘅橡皮鴨返來喇！今次仲要打孖上！🐤🐤尋日第一日展出，天氣非常炎熱，導致其中一隻橡皮太過繃緊，要放氣🤦🏻‍♀️今日去到仲未整返好！所以只係影到一隻鴨，今日真係超級熱，而且非常曬，添馬公園呢度好多人，因為今日星期日，有好多姐姐喺度坐，所以人山人海，以啟鴨嘅位置分咗兩部份，有一個位係要排隊入去，個位置係高少少，其他位置都影得OK，我同好友影到身水身汗！跟住要去商場度凉下冷氣！

 

後記，影完一隻鴨之後，第二日另一隻又出返嚟，所以星期二再去補返飛！呢返兩隻一齊，呢日冇太陽，朝早仲落雨，所以冇咁熱，不過都係影到身水身汗😅

銀河守護隊3 Guardians of the Galaxy : Volume 3

 

小時候的 Rocket 原本是一隻普通浣熊，但被改造，並且被關在籠內，我與他一起關在籠內的還有其他動物水獺、海象和兔子，牠們成為了好朋友，他們被洗腦啊，夢想將來會有更好嘅明天，隨着身體的改造，Rocket 亦越來越聰明，並超越了改造他的人 High Evolutionary ，因此激怒了他，於是想將這些實驗動物毁滅，Rocket 原本想我反客為主，卻不行令三個好友喪生，令牠非常難過！但牠最終能夠成功逃脫，並加入了銀河守護隊！最終能夠成功逃脫，並加入了銀河守護隊……！

套戲都幾好睇，而且都幾感人，估唔到原來 Rocket 有咁樣嘅經歷，我有啲朋友都話睇到喊🥺

Moo Moo

呢幾日好熱，今日去呢間餐廳可能都揀錯咗，因為佢半露天，雖然已經坐入面，但係都係唔夠冷氣！

我地叫咗兩個lunch set，一個係牛扒，另一個係魚柳包，今餐有個餐湯係蘑菇湯，食物質素一般，店入面亦都冇乜客，咁就可以慢慢坐慢慢傾！

 

狂野時速10 Fast & Furious 10

 Dominic 的團隊去羅馬，幫特工局阻截一班運送計算機晶片的人，奪回，Dominic 和妻子留在老家照顧兒子，但原來一齊是一個圈套，目的係要Dominic 去救人，而想要攪佢地嘅人，原來係12年前巴西毒梟個仔Dante，要為父親報仇…….!

套戲已經嚟到第十集，係唔係一個終結呢？都係未知之數，成套戲都冇冷場，由頭到尾都係超誇張飛車、爆炸，所以佢做咗咁多集都唔會冇人睇，好多人就係鍾意睇佢啲誇張嘅飛車特技！🤣 Jason Momoa 做奸角都做得幾好！

Amplifier Restaurant

好友生日，一行六人去食西餐，預訂咗斧頭扒，呢度有live music，雖然只有一個歌手，同埋只係唱咗幾首歌，不過都算係咁，可能冇人唱歌，仲可以靜靜地傾吓偈 🤣🤣

我哋叫咗個斧頭扒🥩，沙律🥗、湯、小食拼盤、雞翼、青口、豬肋骨、兩款意粉，仲有嗌咗D飲品🍹🍸🥂！仲有甜品🍮同埋蛋糕🎂

傾咗成晚，足足食咗成三個鐘，今次唔齊人，因為其中一個好朋友要去上堂學術數，所以好忙，成日都好難約到佢，所以唯有睇吓幾時佢冇咁忙先再一齊食飯啦！

 

遇見你 Encounter

睇完戲約咗好友去食飯，去咗呢間開咗唔係好耐嘅餐廳，店入面大概有八張枱左右，今晚餐廳入面唔多人，大概有三、四枱客，一路都見到有D人喺門口外面經過，都會停低睇餐牌，不過好多都冇選擇入嚟時，我哋沖涼鬼事呀叫咗羊扒、大蝦、烤雞，餐湯有蘑菇湯同龍蝦湯，沙律就係凱撒沙律，湯同沙律嘅味道都唔錯，大蝦略為乾左D，烤雞睇落似炆牛腩！不過雞肉煮得唔係好熟，所以有D位都冇食到，味道就麻麻，至於個羊扒，餐牌話係香草羊扒，但係食唔到有香草味，而且個羊扒係非常之生，我諗只有一成熟，所以都食唔到！

 

領洋水產

好友上網訂咗海膽，我就去土瓜灣呢間水產店度攞，呢間水產店都有其他海產賣，睇落都好新鮮，下次可以試吓！攞完海膽就會合好友一齊食，好友就買咗包紫菜來伴海膽食，海膽嘅質素唔錯，價錢亦都唔貴，正！👍🏻抵食！😄😄

 

小魚仙 Little Mermaid

 

小魚仙對人類感到好奇，經常游到水面去睇，一次偶然機會下遇見王子Eric，並且將遇溺的他救了上岸，Eric 一直希望尋找她的下落，另一方面小魚仙在海底世界，因為對人類的好奇而令父親不滿，而她的姑姑烏蘇拉，乘虛而入，誘騙小魚仙用她的聲音，去換取變成人類…….!

我諗呢套戲嘅故事，大家都好熟悉，而最具爭議就係選角上嘅問題，我個人認為咩膚色都唔係好大問題，不過老實講女主角嘅演技就真係麻麻，可能佢一向都係歌手唔係演員，不過佢本身嘅性格應該係好似小魚仙，令人覺得佢好開心，好自信，我諗呢個都係導演選角嘅原因之一！而且歌佢係唱得好好！好多人抗拒由有色人種去演呢個角色，我諗係好多人都由細睇到大嘅小魚仙，主角都係白皮膚紅頭髮，顛覆咗好多人記憶中既有嘅形象吧！

Hoko farm

好友們去左鑽石山睇 Mario 卡通，我就 join 佢地一齊食晚飯，去附近間餐廳食，呢度主要食 pizza 意粉之類，今日食飯主要係傾吓大阪之旅嘅行程！ 主要傾吓去環球影城門票同 Fast pass 買邊種 pass，最後決定買 Fast pass 4 Minion ，因為好友男友鐘意 Minion 😅