Feather & bone

年三十的中午，原本lunch 想食碗水餃，行過見到呢間餐廳開左一段時間，今就去試試佢!

可能好多人已經放假，餐廳幾乎滿座，店員看來很忙，沒有人招呼，見到有位就坐！午市時間有 set lunch ，食物選擇不多，只有燒雞、牛排和意粉，當然可以叫 A la carte ，不過一個人食個 lunch 算了，選了兩個 course，牛扒要加$40，餐湯是菜湯，看起來有點糊，味道淡淡，而且不熱，牛扒質素一般，伴了薯片，因為好似切得薄左嘅薯角，所以叫佢薯片，而且炸得有點過了，頗乾！飲品叫了檸檬茶，細細杯，店家用了紙飲管，近年興起走膠飲管，保護海洋生物，其實唔用飲管都冇問題！

食完飯在店內行了一圈，因為店𥚃有售賣食品和肉類，還有小小廚房用品賣，產品不算好吸引，所以甚麼也沒有買！

蘿蔔糕

每年母親大人都會做蘿蔔糕，今年好友建議一齊試下自己整，所以相約了今天去佢屋企整，我地食完野開始去買餸，我地用左米太食譜份量，我地計劃整9底！！！

先去買錫紙兜，買左9吋圓型兜，然後買左兩個刨用來刨蘿蔔絲，跟住買咗半斤冬菇，然後買咗10條臘腸，我地本身有6條臘腸同埋6條膶腸，加埋有22條，另外買咗8條臘肉，粘米粉就買咗三包，一共有1800gram，預一底要用200 gram，跟住仲要買蘿蔔，一抵用2斤所以買18斤，然後買D餸今晚食，跟住就返去好友屋企開工！

我哋先浸左冬菇，然後開始整蘿蔔，我地一齊刨絲，刨到剩返細細舊就切條，刨到手都軟！我地話下次要買廚師機先得！跟住蒸左D臘味，然後開始切臘味，全部切粒粒，D臘肉好肥，有D太肥既位置我哋都切走左唔要，跟住就切冬菇，跟住就整粉漿，都攪咗成五六個鐘！

粉漿攪好後覺得都ok，然後先炒臘味同冬菇，然後原鑊炒蘿蔔條，因為我地份量太多所以分開了次做，炒完蘿蔔條再炒蘿蔔絲，然後將所有蘿蔔分成3分，將三份一蘿蔔炒一炒，加臘味同冬菇再吵下，然後熄火落粉漿，混合好就鋪落錫紙兜，再蒸45分鐘，好友用明火蒸，所以用左三層蒸架，一次蒸三底，蒸三次，等緊時，好友煲落湯，又整左辣酒花螺，好鮮甜！

第一批蒸好之後，我地好期待試，即刻試！好好味！而且勁多料，好正！不能不讚下我地自己！成個過程幾攰，但係好開心好成功，我地約好出年要一齊再整！我地一路食一路飲 sake同梅酒，傾左成晚，我走的時候攞左兩底去，好重呢！比平時買果D重一倍呢！

牛摩

很久沒有去過馬鞍山了，上次是去年5月，與好友食 farewell lunch ，轉眼已有九個月了！今日入去，又有好友要離職，先出來聚一聚，待她走前再食 farewell dinner！

去了商場食，這家叫牛摩，型式跟昨晚吃的温野菜相似，都係放題型式，以不同質素的牛肉計價錢，限食90分鐘，時間有點短，昨晚温野菜有兩小時，入坐時先揀湯底，我選了蕃茄薯仔湯，好友揀九州地獄湯，一坐低，湯即到，然後豬、牛、雞肉各一碟，除了肉類要落 order之外，其他食物自助形式自取，食物選擇頗多，除了一般火鍋配料的丸類、瓜菜類、粉麵等，還有壽司、炸物和一些熱食，炸雞翼、焗青口、炒飯等，飲品、甜品都有，可算是中日放題，食物質素都ok，菜都新鮮，我地主攻牛肉，其他野只食小小，牛肉切得非常薄，食一碟才好像食了三、四片正常厚度的牛肉，所以我們叫了八碟，還可吃烏冬和麵呢！

席間，談到好友的去向，她為了女兒放棄高薪，主要靠層樓每月收租萬多元，再搵 part time 做，始終單親家庭都希望多照顧女兒，希望她母女二人生活快樂！

温野菜

又到二月壽星飯局，今晚去食呢間，之前未食過，經常都見到佢分店，拍住牛角一齊開，在日本也見到這店，店子的設計是四人卡位的，不知道有沒有大枱，眼見只有四人卡位，這𥚃卡位之間有間隔，但頗應聲，鄰桌的日本人高談闊論，頗嘈吵！這𥚃是吃火鍋的，可以選擇散叫或效題，我們叫了放題，這裡是一人一鍋的，自選湯底有七款選擇，肉類也有幾款選擇，可以用平板電腦落單，不過菜類選擇少，只有椰菜、小棠菜同旺菜，湯底偏咸，加上室溫較熱，要頻頻叫野飲！

盈福小廚

一年一度的同事團年飯，去了銅鑼灣食，最近火鍋吃多了，食返餐小菜，冇咁油膩！

店子地方不大，只有幾張枱，大枱只有一張，另一張大枱只坐8人左右，其餘都是細枱！由於店子細，每有人出入都有陣陣冷風吹入來，都頗凍！餐牌上的價錢不算貴，但份量較少，我們叫了店家最出名的白肺湯，味道不錯，湯料都很足，其餘叫了些小菜，味道一般，不算特別出色，份量也偏少，不過都夠食，我們還叫了甜品，杏汁湯丸和紅豆沙湯圓，甜品等了很久，味道也不錯！

bakehouse

連續十幾日氣溫都維持在7-8度，實在太凍了，今日終於有返D陽光，上個星期日去灣仔，見到呢間餐廳，門口排長龍，就算買麵包都要排，冇試到，見今日閒日，睇下有冇位，兩點幾，冇人排隊之餘，仲有兩三張枱！即刻坐低先！店子地方不大，約有廿多個位，有幾張高身枱，其餘係靠邊梳化，四方枱加木櫈，餐牌好簡單，得 lunch set，全部都係麵包類 sandwich ，有五款選擇，午餐有埋湯同飲品，就叫了午餐，我揀左燒雞三文治同 Latte，等緊的時候，見呢度有樓梯上，可以係貨倉之類，唔見有人出入，見到好多人買麵包，感覺同 simply life 有點相似，店員都友善，人客以外藉人仕居多，見有些 order 個麵包堂食，叫杯咖啡就得！

餐湯似南瓜湯的顏色，但味道有點像減了酸辣味的冬蔭公，有小小酸味的海鮮湯，燒雞 sandwich 好似漢堡包咁，中間有千島醬同酸菜，個麵包好好味！latte 都幾濃，味道不錯！

戰雲密報 The Post

1966 年Daniel 前往美國註軍的越南，深入戰區了解情況，並告知部長雙方戰況膠著，但他發現部長未有將事實告訴美國市民，他喑中將五角大樓的機密文件，偷偷逐一帶出去影印.......1970 年他將有關資料披露予紐約時報，事件爆出後，紐約時報被停刊，另一間報社華盛頓日報，總編 Ben，找到 Daniel，而獲得更多機密文件，要在此時披露更多總統隱藏的秘密，要先得到老闆 Katherine 首肯..........!

戲入面有D人物唔知有冇記錯！一部關於政治歷史的電影，唔熟悉美國歷史嘅人，需要D時間消化，故事背景七十年代，而且對白都多，見到好多觀眾都睇到好悶，如果男、女主角唔係佢地，應該冇乜人會睇，無為意原來係史匹堡導演，增加了觀眾入場意慾，可惜題材冷門，唔係港人杯茶！