未睇呢套戲之前,睇到啲影評,多數都係話佢外星人嘅橋段好落後,本身唔係外星人電影嘅愛好者,不過電影入面嘅外星人橋段,主要係講幾十年前嘅資料片段,當時美國總統仲係尼克遜,咁都可以解釋到點解咁落後,不過我覺得同外星人相關嘅劇情,唔係好講得通,頭半段好有神秘感,令人感覺將會有大事發生,但係實際並唔係咁大件事,所謂嘅揭密日,只係將一啲幾十年前嘅影片曝光,同近期美國公佈外星人資料差唔多,未至於令人驚嘆,加上導演係史匹堡,好多人對佢都有期望,個結局話完就完,好似仲有嘢未交代,唔知會唔會有下一集😅
今日去中環做檢查,搞掂咗就去附近睇吓有乜嘢食,上次同好友去 中環行過一段 石板街,今日行埋另一段,見到有間餐廳,主要都係買麵包,之前網上有人介紹過,見佢排晒隊,今日可能黃雨嘅關係,唔使排隊仲有好多位,攞咗位之後,望一望啲麵包,樣樣都好吸引,叫咗一個Pain au chocolat...
沒有留言:
發佈留言