品味 BÁNH MÌ NẾM

今日去中環睇醫生，早咗去到中環，得半個鐘頭時間又唔食得啲乜嘢，諗起附近有間越南法包頗出名，就去試一試佢，店入面只有一個人在食嘢，因為佢主要做外賣，只有一張細嘅圓枱，俾人企喺度食，我見人哋入嚟都係買外賣多，我因為要去睇醫生，所以喺度食埋先走，揀咗燒雞法包，都要等啲時間，因為佢落完單即刻整，又要焗返熱佢，然後再加返啲唔熱嘅餡料同配菜，個包睇落好似好大個，不過佢都好鬆軟，但係外皮就好脆，而且多芫荽，好食，我只係嫌佢裏面有啲醬，略為鹹咗少少，食落好似鹹牛肉醬咁，另外叫咗杯檸檬梳打，食飽就走了！