今日同好友一齊去M+博物館睇展覽，因為今晚去聽演唱會，所以晏晝出嚟睇吓展覽，原來佢哋冇去過M+，我地在Airside 食完llunch 過嚟，點知佢話呢個館暫停開放，要要等，所以我哋行住其他唔使錢嘅館先，之前上網睇join會員可以送三張飛，所以我join咗會員先，我哋以為可以即刻用，原來只係比會員自己分三次用🫠🫠唯有之後嚟多幾次！不過會員可以帶三個人七折買飛，都好啦！
我哋行晒其他免費展館之後，喺售票處附近嘅商店又行咗個圈，終於等到呢個展館開返，就即刻買飛入場！個展覽係介紹畢加索唔同時期嘅作品，亦都有介紹佢嘅生平，睇完呢個館再行埋其他展館，時間都唔早，去食D野先去睇演唱會！
行左去海旁果邊，去左一間叫 Café Boheme，叫咗個pizza同埋兩個意粉，呢度嘅嘢都幾好食，不過好急趕，食完嘢嗱嗱聲call車去啟德主場館！
沒有留言:
發佈留言