呢間鰻魚店剛剛開嘅時候，去過想食食唔到，因為佢有落場，今日特登早啲過去，我冇訂枱，不過可以等位，之後我後邊又有一個人等位，嗰一陣有人上嚟等位嘅時候店員已經話截咗龍，因為佢哋要落場，其實我覺得入多兩個問題不大，因為當其時只係一點幾，而佢哋係3:00落場，我諗同個客人講聲三點前要走，我諗人哋都冇所謂，我等咗大概15分鐘就可以入座，之後又見到佢又入其他walk in 客😅 店入面大概有廿幾個座位，我叫咗一個鰻魚套餐，都要等一陣先有得食，鰻魚嘅味道都唔錯，不過肉質就冇日本食嘅咁好，價錢亦都相對比較貴，偶然食吓都OK👍🏻
沒有留言:
發佈留言