今日約咗人飲下午茶，因為要三點後先至會合，時間尚早，就去中環食個lunch先，試吓去呢間開咗唔係好耐嘅食店，據講要提早預約同埋排隊要排好耐，因為我得一個人就去碰吓運氣，去到見到門口寫住Walkin嘅籌已經派晒，我都諗住走，跟住行過去另一邊嘅時候，透過玻璃牆望見裏面有個單丁位，於是試吓入去問吓有冇機會有位，點知真係有，呢度其實得兩個爐，大概有廿幾個位，先喺門口嘅售賣機落單，每人最少要點一個餐，其實呢度只有一款套餐，其餘嘅都係飲品同埋追加食物，我叫咗一個套餐同埋一杯果汁，十幾個座位圍住個火爐，有一個師傅在烤漢堡牛肉，然後逐件放喺人客面前嘅食物架，每個座位都有好多配料擺咗喺度，我每樣都攞少少試吓，我覺得配柚子Sauce係最好食，呢個漢堡牛肉比較起三和敍質素差不多，不過呢度嘅漢堡牛肉有少少洋蔥喺裏面，比較有D咬口，不過如果要排好耐我就唔會排，情願去返三和敍，食物質素差不多，價錢亦都係一樣，同樣係白飯任裝，不過呢度嘅飯係好食D👍🏻，聽講佢就嚟會喺尖沙咀開分店，今時今日在香港做飲食都唔容易，可以做到再開分店，真係好多人食，不過我覺得開兩間就夠，太多又變得唔矜貴🤭
沒有留言:
發佈留言